გარდაიცვალა ჯგუფ Eagles-ის გიტარისტი გლენ ფრაი

67 წლის ასაკში გარდაიცვალა ლეგენდარული ამერიკული ჯგუფის Eagles-ის გიტარისტი გლენ ფრაი.

მუსიკოსი 18 იანვარს გარდაიცვალა ნიუ-იორკში, გართულებეული პნევმონიის და მწვავე რევმატიული ართრიტის გამო.

გლენ ფრაი(glenn frey) იყო სიმღერების ავტორი, მომღერალი, მსახიობი და ტელევარსკვლავი, ჯგუფ Eagles-ში იგი უკრავდა გიტარაზე და ფორტეპიანოზე.1982 წლიდან მას ზომიერად წარმატებული სოლო-კარიერასაც ჰქონდა.

ჯგუფის უკვდავი მარადმწვანე ჰიტი "Hotel California" მომღერალ დონ ჰენლისთან ერთად დაწერა.ამის გარდა ის იყო ავტორი ისეთი სიმღერებისა, როგორებიცაა "Heartache Tonight", "Lyin' Eyes" და სხვა.

ჯგუფი Eagles-ი ერთ-ერთი ყველაზე წარმატებული ამერიკული ჯგუფია, პოპულარობის პიკს ჯგუფმა 70-იან წლებში მიაღწია.მათი დისკს "The Greatest Hits" (1971-1975) მეორე ადგილი უკავია გაყიდვების მიხედვით აშშ-ს პოპ- მუსიკის ისტორიაში.(29 მლნ)