"დედაშენი ათი წუთია, გავიდა და სახლში უკვე მოწყენილობაა" - ანუ როგორ უნდა საუბრობდეს იდეალური მამაკაცი
ქალბატონებს ყოველთვის ჰყავთ წარმოსახვაში საკუთარი პრინცი. ცხადია, რეალობა ბევრად განსხვავებულია, მაგრამ პარტნიორი იდეალურია, თუ ის საყვარელ ქალს შემდეგი ფრაზებით ესაუბრება:
რა თქმა უნდა, გეთანხმები, რომ ფეხბურთის მსოფლიო ჩემპიონატი ძალიან ხშირად იმართება.
კოსმეტიკის გარეშე უფრო ლამაზად გამოიყურები.
იმ მამაკაცების კატეგორიას არ მივეკუთვნები, რომლებიც მეუღლესთან ერთად თეატრში წასვლას მეგობრებთან ლუდის დალევას ამჯობინებენ.
ყოველდღიურად იმდენ ფულს მოგცემ, რამდენიც გსურს.
დედაშენი ათი წუთია, გავიდა და სახლში უკვე მოწყენილობაა.
მხოლოდ ორი საათი მაქვს იმისთვის, რომ მოვისმინო, როგორ უნდა განაახლო გარდერობი.
რა მნიშვნელობა აქვს, რა ღირს ქურქი, თუ შენ ძალიან მოგწონს.
მომწონს, როცა ისვენებ, მე კი საოჯახო საქმეებში გეხმარები.
რა თქმა უნდა, სექსზე მეტად მიყვარხარ.
თუ მანქანა გაგიფუჭდა, მზად ვარ, ჩემი დაგითმო, შენი კი გავარემონტო.
ძალიან სასიამოვნოა, როცა შენი დაქალები გვიანობამდე რჩებიან ჩვენთან.
თამამად შეგიძლია გამოიყენო ჩემი მობილური ტელეფონი მეგობრებთან საჭორაოდ.
არ მინდა ახალი კოსტიუმი. ჯობს, შენთვის ძვირფასი სამკაული იყიდო.
რა თქმა უნდა, კრუიზიდან შენს დაბრუნებამდე აუცილებლად მოვასწრებ სახლის გარემონტებას.
მაშინაც კი, როდესაც წინდებს ვრეცხავ, ვფიქრობ, რა მეშველებოდა, შენ რომ არ შემერთე ცოლად.
ცხადია, მიხვდით, რომ ზოგჯერ ფსიქოლოგებიც ხუმრობენ; მით უმეტეს, მათ ყველაზე უკეთ უწყიან, როგორ ეხმარება იუმორი წყვილს ურთიერთობაში. საჭირო დროს მოსწრებულად ნათქვამ ხუმრობას ბევრჯერ განუმუხტავს ყველაზე დაძაბული სიტუაციებიც კი.
სხვათა შორის, სოციალური გამოკითხვებისას, როცა იკვლევენ, რა მოსწონთ ქალბატონებს ყველაზე მეტად მამაკაცებში, მშვენიერი სქესის წარმომადგენლები მიუთითებენ, რომ საპირისპირო სქესში ყველაზე მეტად იუმორის გრძნობას აფასებენ.
