"არ მინდა, სადედამთილოს დანთებულ ცეცხლზე ნავთი დავასხა"

თინა, 17 წლის: "გამარჯობა. თქვენი დახმარება მჭირდება. მყავს შეყვარებული, რომელსაც ოდესღაც მატერიალურად ძალიან უჭირდა, ახლა კი, დედამისის წყალობით, რომელიც სამუშაოდ საზღვარგარეთაა წასული, ოჯახი ფეხზე დადგა.

ჰოდა, ახლა შეყვარებულის მშობლები მიწუნებენ. ამბობენ, ამ გოგოს დედ-მამამ თავი რით უნდა მოგვაწონოსო? მართალია, ამაზე შეყვარებულთან ჯერ არ მილაპარაკია, მაგრამ ვიღაცები მეუბნებიან, რომ გიოსთვის "თავიანთი ოჯახის შესაფერისი" საცოლეც კი გამოძებნეს.

დარწმუნებული ვარ, "ლოვეს" ვუყვარვარ და ჩემს მიტოვებას არ აპირებს, მაგრამ გულის სიღრმეში მეშინია, რომ ის, ადრე თუ გვიან, მშობლების რჩევას გაითვალისწინებს და ჩემზე უარს იტყვის. არადა, უკვე ყველა ჩემმა ახლობელმა იცის, რომ საქმრო მყავს და გიოც ძალიან მოსწონთ...

P.S. აღარ ვიცი, ეს ყველაფერი უნდა ვუთხრა თუ არა. იმისიც მეშინია, ეს არ გახდეს ჩვენ შორის ჯერ კამათის, მერე - ჩხუბის და საბოლოოდ კი დაშორების მიზეზი. არ მინდა, სადედამთილოს დანთებულ ცეცხლზე ნავთი დავასხა და ამიტომაც გთხოვთ რჩევას. წინასწარ გიხდით მადლობას".

ჟურნალი "გზა"