X
  • მკურნალობა ფერებით

    მრავალი ასეული წლის წინ მკურნალებმა შენიშნეს, რომ ერთი ფერი ორგანიზმზე სასიკეთოდ მოქმედებს (ამშვიდებს, ამხნევებს, ძალის მოზღვავებას იწვევს), სხვები – უარყოფითად (აღიზიანებს, ღლის, აღონებს), ამიტომ მათი სამკურნალოდ გამოყენება დაიწყეს. დაავადებიდან გამომდინარე, მკურნალები პაციენტებს უნიშნავდნენ ფერადი წყლის აბაზანებს, იყენებდნენ ფერად მინებს, ურჩევდნენ განსაზღვრული ტონის სამოსის ტარებას. იქიდან მოყოლებული ფერებით მკურნალობა (ქრომოთერაპია) ძალიან პოპულარული გახდა.
    მრავალფეროვანი ორგანიზმი
    ძველი ჩინური მედიცინის თანახმად, ყოველ ორგანოს თავისი ფერი შეესატყვისება. მაგალითად, ღვიძლი გაფერადებულია მწვანედ, გული – წითლად, ფილტვები – თეთრად, თირკმლები – შავად, ნაღველი და კუჭქვეშა ჯირკვალი – ყვითლად. ბევრი დაავადების მიზეზი ენერგეტიკული ბალანსისა და ორგანიზმში ჰარმონიის დარღვევაა. თუ მათ დაუმატებთ ფერს, რომელიც აკლია ან გაასუფთავებთ, ამით თვითგანკურნების მექანიზმი ამუშავდება და ორგანიზმის თანასწორობა აღდგება.
    ცისარტყელა კურნავს
    წითელი ფერი ადამიანის სასიცოცხლო ფიზიკურ ძალას აღაგზნებს. ის ვნებისა და ნებისყოფის ფერია. ღია წითელი რეკომენდებულია ანემიის, მენსტრუალური ტკივილის, სისხლის დაბალი წნევის, სახსრებში ტკივილის, გაციების, მომატებული ტემპერატურის დროს. წითელი ქარის (კანის ანთებითი დაავადება) დროს ჩვენი წინაპრები მტკივნეულ ადგილას წითელ ქსოვილს იხვევდნენ, ხოლო წითელასა და ჩუტყვავილას დროს მკურნალები ბავშვებისათვის წითელი ფერის პერანგის ჩაცმას ურჩევდნენ. წითელი ფერი ათბობს, ამიტომ გაციების დროს ამ ფერის სამოსის ტარება სასარგებლოა.
    ყვითელი კარგი განწყობის გახანგრძლივებას ეხმარება, მადას აძლიერებს და კუჭ–ნაწლავის ტრაქტის მუშაობაში კეთილი დამხმარეა, ასევე სასარგებლოა ნერვული სისტემისთვის.
    მწვანე თანაგრძნობის, სიმშვიდისა და დაოკების ფერია. ტყუილად არ არის, რომ ადამიანი ტყეში, მწვანე ხეების გარემოცვაში მშვიდდება. მწვანე გონებრივ და ფიზიკურ გადაძაბვას ხსნის, წნევას სტაბილურს ხდის, თავის ტკივილს, შაკიკს, თვალების სიწითლესა და დაღლას აქრობს. მაგრამ მწვანე ფერის სამოსის ტარებას არ ვურჩევთ მათ, ვისაც სიმსივნე აქვს, ვინაიდან მის ზრდას ხელს უწყობს.
    ცისფერი ანტისეპტიკია. ის სასიკეთო ზემოქმედებას ახდენს ყელისა და სასუნთქი გზების სისტემაზე, აღმაფრენას, თავის შეცნობასა და მარტოობაში თავის კომფორტულად შეგრძნებას ეხმარება. ცისფერი ადამიანის გონებრივ შესაძლებლობებს ააქტიურებს.
    იასამნისფერი პასუხისმგებელია ადამიანის ძვლოვან სისტემაზე. სიმსივნის ზრდას აჩერებს, ართრიტის დროს ტკივილს ამსუბუქებს და სასიამოვნო სიზმრებს წარმოშობს. ბოროტად გამოყენება ზედმეტ ძილიანობას იწვევს.
    ყავისფერი უძველესი დროიდან მიჩნეულია ჯანსაღი აზროვნების ფერად. ემოციურად გაუწონასწორებელ ადამიანებს, რომლებიც განწყობის ცვლილებისკენ არიან მიდრეკილები, ამშვიდებს.
    შავი ემოციურად ფეთქებად ადამიანებს ამშვიდებს, კონფლიქტს აქრობს, მაგრამ მისი სიჭარბე დეპრესიას იწვევს. ყველაზე კეთილსასურველია შავისა და თეთრი ფერების შეხამება. ეს გამა ადამიანს აწონასწორებს, ქცევებზე კონტროლის შენარჩუნებას ეხმარება.
    თეთრი ფერი ამაგრებს, მთელ ორგანიზმს წმენდს, სხვა ფერების სამკურნალო ძალას აორმაგებს.
    ნარინჯისფერი სასარგებლოა შინაგანი ორგანოების (ღვიძლი, შარდის ბუშტი, კუჭ–ნაწლავის ტრაქტი) ფუნქციის დარღვევების დროს. თუ გული, ფარისებური ჯირკვალი გაწუხებთ, უმჯობესია, საძინებელში კედლები ნარინჯისფრად იყოს შეღებილი. ეს ფერი ჰორმონულ მდგომარეობას აწონასწორებს. ასევე დეპრესიის დროს ამშვიდებს და მადას აღვიძებს.
    ფერებით მკურნალობა სამედიცინო დაწესებულებასა და სახლის პირობებში
    ფერებით მკურნალობა გამოკვლევებისა და ზუსტი სამედიცინო დიაგნოზის საფუძველზე ინიშნება. სპეციალისტი იყენებს პროფესიულ ლამპას, რომელიც ხუთ განსხვავებულ ფერად ნაკადს ასხივებს. მკურნალობის დროს გამოიყენება ერთი განსაზღვრული ტონის ნაკადი. ფერის შერჩევა რხევის სიხშირის მიხედვით განისაზღვრება და ამა თუ იმ ფერის ზემოქმედება მიზანმიმართულია კონკრეტული პაციენტის შინაგან ორგანოებზე. ერთი სეანსი დაახლოებით 1 საათი გრძელდება. მკურნალობის კურსი რამდენიმე კვირაა.
    ფერებით მკურნალობა სახლის პირობებში დამოუკიდებლად შეიძლება. სპეციალური მოწყობილობის ნაცვლად ფერადფილტრიან ლამპას იყენებენ. ასევე შეიძლება ფერადი ფირფიტის კანზე დაკვრა და მასზე ჯიბის ფანრის შუქის მიმართვა. ასეთივე მოქმედება აქვს ორგანიზმზე სამოსის ფერს.
    იმ ადგილის მოსაწყობად, სადაც დიდ დროს ატარებთ, მასტიმულირებელი ტონები გამოიყენეთ. ზოგჯერ საკმარისია სურათის დაკიდება ან სტატუეტის დადგმა, რომელთა ფერი ენერგიით დამუხტვას უზრუნველყოფს. როდესაც შესაძლებლობა გეძლევათ მარტო დარჩეთ, ვიზუალიზაციის მეთოდით ისარგებლეთ. დაწესებულება, რომელშიც იმყოფებით, წარმოსახვითი ფუნჯით თქვენთვის სასიამოვნო ფერად შეღებეთ. რამდენიმე ხნის შემდეგ ძალის მოზღვავებას ან სასიამოვნო მოდუნებას იგრძნობთ.

    2 845 ნახვა
    21-03-2017, 00:04
    GOGATV