ლეონარდო და ვინჩის უნიკალური ანატომიური ნახატები
2 179 ნახვა
ცნობილი მხატვარი და მეცნიერი ლეონარდო და ვინჩი აქტიურად იკვლევდა ადამიანის სხეულის ანატომიას და თავისი ნაშრომების სპეციალური ტრაქტატის სახით გამოცემასაც კი აპირებდა, თუმცა მას ეს არ დასცალდა. გენიოსი მხატვრის სიკვდილის შემდეგ 400 წელზე მეტი გავიდა...დღემდე მისი უამრავი, დასურათხატებული ესკიზი არსად არ გამოფენილა და ფართო საზოგადოებისათვის უცნობი იყო.
და ვინჩის ანატომიური ნახატების მნიშვნელოვან რაოდენობას ინახავს ბრიტანული ორგანიზაცია Royal Collection Trust, რომელმაც ამ ბოლო ხანებში დაასრულა მათი აღწერა და საზოგადოების სამსჯავროზე წარადგინა ისინი.
იმისათვის, რათა ადამიანის ფიზიოლოგიას ჩასწვდომოდა, ლეონარდო და ვინჩი სწავლობდა სხეულის აგებულებას და აწარმოებდა გვამების გაკვეთას. საგულისხმოა ის ფაქტი, რომ აღორძინების ეპოქის ბევრ მხატვარს უწევდა ანატომიის შესწავლა იმისათვის, რათა უკეთ დაეხატათ ადამიანის ფიგურები.
და ვინჩი ანატომიას ისეთსავე დიდ ყურადღებას აქცევდა, როგორსაც არქიტექტურას, ინჟინერიას, საფრენი მანქანის ესკიზის შემუშავებას ან იარაღის შექმნას. მის ანატომიურ ნახატებს თან ახლავს დაწვრილებითი აღწერა, რომელსაც ის ასრულებდა სარკეში არეკლილი გამოსახულების მიხედვით. სწორედ წერის ამ მეთოდს გამოიყენებდა მეცნიერი თავისივე დღიურების საწარმოებლად.
არქიმედე, ტესლა, კიური, აინშტაინი, ნიუტონი, მენდელეევი...ძნელია ყველა გენიოსის ჩამოთვლა, რომელთაც უდიდესი წვლილი შეიტანეს მეცნიერებისა და ტექნიკის განვითარებაში, მაგრამ... ლეონარდო და ვინჩი იმდენად უნიკალური და მრავალმხრივი ადამიანი იყო, იმდენ დარგში მოახერხა მან მოღვაწეობა და გასაოცარი აღმოჩენების გაკეთება, რომ უბრალოდ ძნელი წარმოსადგენია, როგორ შეიძლება ყველაფერი ეს მოეხერხებინა ერთ ადამიანს, ერთ ტვინს?- როგორც ჩანს, ლეონარდო უბრალოდ სხვა ეპოქაში დაიბადა, მან რამოდენიმე საუკუნით გაუსწრო თანამედროვეობას.
ახლა კი გთავაზობთ ლეონარდო და ვინჩის უნიკალური ანატომიური ნახატებიდან რამოდენიმეს.
წყარო: intermedia.ge
და ვინჩის ანატომიური ნახატების მნიშვნელოვან რაოდენობას ინახავს ბრიტანული ორგანიზაცია Royal Collection Trust, რომელმაც ამ ბოლო ხანებში დაასრულა მათი აღწერა და საზოგადოების სამსჯავროზე წარადგინა ისინი.
იმისათვის, რათა ადამიანის ფიზიოლოგიას ჩასწვდომოდა, ლეონარდო და ვინჩი სწავლობდა სხეულის აგებულებას და აწარმოებდა გვამების გაკვეთას. საგულისხმოა ის ფაქტი, რომ აღორძინების ეპოქის ბევრ მხატვარს უწევდა ანატომიის შესწავლა იმისათვის, რათა უკეთ დაეხატათ ადამიანის ფიგურები.
და ვინჩი ანატომიას ისეთსავე დიდ ყურადღებას აქცევდა, როგორსაც არქიტექტურას, ინჟინერიას, საფრენი მანქანის ესკიზის შემუშავებას ან იარაღის შექმნას. მის ანატომიურ ნახატებს თან ახლავს დაწვრილებითი აღწერა, რომელსაც ის ასრულებდა სარკეში არეკლილი გამოსახულების მიხედვით. სწორედ წერის ამ მეთოდს გამოიყენებდა მეცნიერი თავისივე დღიურების საწარმოებლად.
არქიმედე, ტესლა, კიური, აინშტაინი, ნიუტონი, მენდელეევი...ძნელია ყველა გენიოსის ჩამოთვლა, რომელთაც უდიდესი წვლილი შეიტანეს მეცნიერებისა და ტექნიკის განვითარებაში, მაგრამ... ლეონარდო და ვინჩი იმდენად უნიკალური და მრავალმხრივი ადამიანი იყო, იმდენ დარგში მოახერხა მან მოღვაწეობა და გასაოცარი აღმოჩენების გაკეთება, რომ უბრალოდ ძნელი წარმოსადგენია, როგორ შეიძლება ყველაფერი ეს მოეხერხებინა ერთ ადამიანს, ერთ ტვინს?- როგორც ჩანს, ლეონარდო უბრალოდ სხვა ეპოქაში დაიბადა, მან რამოდენიმე საუკუნით გაუსწრო თანამედროვეობას.
ახლა კი გთავაზობთ ლეონარდო და ვინჩის უნიკალური ანატომიური ნახატებიდან რამოდენიმეს.
წყარო: intermedia.ge
