ეროს რამაზოტის კონცერტზე დასასწრები ბილეთები ფილარმონიის სალაროებში გაიყიდება

იტალიელი მომღერლის ეროს რამაზოტის კონცერტზე დასასწრები ბილეთების გაყიდვა დღეს, 12:00 საათიდან იწყება. ამის შესახებ კულტურის მინისტრმა მიხეილ გიორგაძემ პროექტ check in Georgia-ს ფარგლებში გამართულ პრესკონფერენციაზე განაცხადა.
მისი ინფორმაციით, ბილეთები ფილარმონიის სალაროებში გაიყიდება.
ამასთან, როგორც მან განაცხადა, ბილეთები ონლაინრეჟიმშიც გაიყიდება.
"ეროს რამაზოტის ბილეთების გაყიდვა დღეს, 12:00 საათიდან დაიწყება. ჩვენთვის არა მხოლოდ ადგილობრივი საზოგადოება, არამედ ტურისტებიც არის მთავარი და ბუნებრივია, ონლაინგაიყიდება ბილეთები. გარდა ამისა, რაც შეეხება ეროს რამაზოტის ბილეთებს, სპორტის სასახლის სალაროები არ არის შესაბამის ფორმაში, კარგად მოწყობილი არ არის და ამიტომ ბილეთები დიდ საკონცერტო დარბაზში გაიყიდება", - განაცხადა მიხეილ გიორგაძემ.
ეროს რამაზოტი კონცერტს 24 აპრილს თბილისში, სპორტის სასახლეში გამართავს.
წყარო: etanews.ge