კანის რიგით 69-ე კინოფესტივალი დაიწყო

გუშინ, 11 მაისს ევროპის მთავარი კინომოვლენა, კანის რიგით 69-ე კინოფესტივალი დაიწყო. ფესტივალი ლეგენდარული რეჟისორის, ვუდი ალენის ახალმა ფილმმა ”კაფე საზოგადოებამ” გახსნა, რომელშიც მთავარ როლებს ჯესი აიზენბერგი და კრისტენ სტიუარტი ასრულებენ. წითელ ხალიჩაზე მათ გარდა არაერთი მსოფლიო მასშტაბის ვარსკვლავი გამოჩნდა, მათ შორის ჯასტინ ტიმბერლეიკი, ჯესიკა ჩესტეინი, სუზენ სარანდონი და ა.შ. ფესტივალის ჟიურის პრეზიდენტი ”შეშლილი მაქსის” ფრენჩაიზის ავტორი ჯორჯ მილერია. "ოქროს პალმის რტოს" მოსაპოვებლად კი ისეთი რეჟისორების ფილმები იბრძოლებენ, როგორებიც არიან ჯიმ ჯარმუში, პედრო ალმადოვარი, კენ ლოუჩი, ძმები დერდენები და ა.შ.
წყარო: ambebi.ge