კონკურსი Bum Bum - ბრაზილიაში საუკეთესო უკანალს ირჩევენ

ამ ცხელ რესპუბლიკაში რომ ყველაზე მეტი მადისაღმძვრელი ქალი ცხოვრობს, ყველამ იცის. სწორედ ბრაზილიიდან არიან წარმოშობით მსოფლიოს ყველაზე წარმატებული ტოპ-მოდელები.მაგრამ ვერც ადრიანა ლიმა, ვერც ალესანდრა ამბროსიო და ვერც ჟიზელ ბიუნდჰენი ვერ შეედრებიან... უკანალით კონკურსი Miss Bum Bum-ის მონაწილეებს.

მართლაც, სად, თუ არა ბრაზილიაში, უნდა ტარდებოდეს ამ მიმართულების კონკურსი?! ამ ქვეყნის ქალბატონები ხომ ყველა გაგებით გამორჩეული "მეხუთე წერტილის" მფლობელები არიან. შოუში მონაწილეობის მისაღებად 27 ლამაზმანი შეირჩა - თითო შტატიდან თითო ქალბატონი. ონლაინ-ხმის მიცემის გზით შეირჩა 15 ფინალისტი. სწორედ მათგან შეირჩევა სან-პაულოში საბოლოო გამარჯვებული.

"ბრაზილიელები გულგრილები არ არიან ლამაზი უკანალის მიმართ, - ამბობს ბრაზილიელი ჟურნალისტი გრასიელა მურანო. - სიტყვა ბუმ-ბუმ აქ სხეულის ამ ნაწილის აღსანიშნავად გამოიყენება. სწორედ ამიტომ ეწოდა კონკურსს ეს სახელი".

გრასიელას სიტყვებით, მის ქვეყანაში თითქმის ყველამ იცის, რომ ასეთი გრანდიოზული შოუ იწყება, მაგრამ ისე აჩვენებენ თავს, თითქოს მათთვის სულერთი იყოს: თითქოს ჩვენ მიჩვეულები ვართ და ლამაზი სხეულით ვერ გაგვაკვირვებთო.

სინამდვილეში მრგვალი ფორმების მქონე გოგონებს ლამის ნაციონალურ სიმდიდრედ აღიარებენ! "ყველა გოგონამ იცის შეჯიბრის წესები, მაგრამ არც ერთი არ დაეთანხმება მის შედეგებს - აი, ნახავთ. ნებისმიერი მამაკაცი კი ჟიურის წევრობაზე ოცნებობს", - იცინის მურანო.

კონკურსის ფინალი ნოემბერში გაიმართება. მანამდე კი გაძლევთ საშუალებას, ნახოთ მონაწილეები და თავად შეაფასოთ.