ტკბილი ფლავი ატმით - მარტივი და იშვიათი რეცეპტი

საჭირო მასალა

2 ჭიქა ბრინჯი
2 ს.კ. ერბო
4 ჭიქა წყალი
მწიკვი მარილი
2-3 ცალი ატამი
1 ჭიქა შაქარი

მომზადება

ატამი გავფცქვნათ, მსხვილად დავჭრათ, დავაყაროთ შაქარი და მომინანქრებული ქვაბით დაბალ ცეცხლზე დავდგათ. ხანდახან ამოვურიოთ. ვადუღოთ 5-7 წუთი და გადმოვდგათ ცეცხლიდან.

ბრინჯი გავრეცხოთ. სქელძირიან ქვაბში გავადნოთ ერბო, დავუმატოთ ბრინჯი და მოვშუშოთ. როდესაც ბრინჯი ოდნავ ფერს შეიცვლის, დავასხათ მდუღარე წყალი, შევაზავოთ ცოტა მარილით და ცეცხლს დავუწიოთ.

ქვაბს დავახუროთ თავსახური და როდესაც ადუღდება, 15 წუთი გავაჩეროთ ცეცხლზე, შემდეგ შევფუთოთ გაზეთებში. 15 წუთის შემდეგ ფლავი ამოვიღოთ და მოვასხათ შაქართან ერთად მოხარშული ატამი.