როგორ ერთობიან ნანუკა ჟორჟოლიანი და ცნობილი ქართველები ეგვიპტეში(+ფოტოები)
ერთ-ერთი ყველაზე პოპულარული ჟურნალისტი და ტელეწამყვანი ნანუკა ჟორჟოლიანი ცნობილ ქართველ შოუბიზნესის წარმომადგენლებთან და ჟურნალისტებთან ერთად ეგვიპტეში, ჰურგადაში იმყოფება. მათთან ერთად იმყოფება ნანუკას გოგო მარიამ გეგუჩაძეც.
ჟურნალისტმა ცნობილი ქართველები თავისი გადაცემის "ნანუკა ჟორჟოლიანის შოუს" ერთ-ერთი გადაცემის ჩაწერისთვის წაიყვანა, რომელიც 15 ივნისს გავა ეთერში.
გადაცემის ჩაწერას გართობასაც კარგად უთავსებენ-ისვენებენ წითელი ზღვის სანაპიროზე და თან ირუჯებიან.
ცნობილი ქართველებიდან ნანუკასთან ერთად იმყოფებიან დიზაინერი ზალიკო ბერგერი, მსახიობი ნინი ონიანი, მსახიობი გიორგი ვარდოსანიძე, მსახიობი სანდრო კაკულია, შოუმენი ნიკა გრიგოლია, მოდელი ნანუკა გოგიჩაიშვილი, ჟურნალისტი დიკო ჯოჯუა და სხვები...
თბილისურ პრობლემებს და არეულ ამინდებს გარიდებულმა ნანუკამ ეგვიპტის მზის სიმხურვალე სათანადოდ ვერ დააფასა და მზეზე დაიწვა:
"მე ვარ მზის ხამი, უნახავი.
სხვა არაფერი ქვია ჩემს დამწვრობას..."
ამ სტატუსზე ირინა სარიშვილმა საკმაოდ ორიგინალური კომენტერი დაუწერა:
"ჩემზე უარესი ხარ დავიჯერო? მე ღამე აღარ ვჩანვარ ხოლმე თუ არ გავიცინე და ბოლოს თითებს ვპარჭყავ, რომ შუებშიც ჩაშავდეს..."
ეგვიპტეში გართობის და დასვენების ფოტოებს ნანუკა ჟორჟოლიანი სოციალური ქსელის "ინსტაგრამის" გვერდზე აქვეყნებს. დამეთანხმებით ალბათ, რომ ნანუკა ჟორჟოლიანი საკმაოდ მიმზიდველად და სექსუალურად გამოიყურება საცურაო კოსტიუმში და საუკეთესო ფორმაშია.
წყარო: intermedia.ge
