• ექსკლუზივი! ქართველი ასტროლოგი ჯონი დეპისა და ემბერ ჰერდის ხმაურიანი განქორწინების შესახებ


    როგორც იცით, დღესდღეობით სელებრითებს შორის ყველაზე პოპულარულები მასმედიის საშუალებებში ჯონი დეპი და ემბერ ჰერდი არიან. ემბერი მეუღლეს ფიზიკურ ძალადობაში ადანაშაულებს, რასაც ჯონი და მისი უამრავი ახლობელი (მათ შორის, ყოფილი მეუღლე ვანესა პარადი და ქალიშვილი - ლილი როუზი) კატეგორიულად უარყოფენ. ვინაიდან ეს თემა საზოგადოების დიდი ინტერესის სფეროდ იქცა, გადავწყვიტეთ გავსაუბრებოდით ქართველ ასტროლოგს, სოფია ბზეკალავას, რათა გაგვერკვია, როგორია ჯონისა და ემბერის ასტროლოგიური რუკები და შევეცადეთ გაგვეგო, ვინ არის მათ შორის მართალი ამ კონფლიქტში და ვინ - მსხვერპლი:


     


    „როგორც ასტროლოგი დავინტერესდი, რა იმალება ამ ხმაურიანი კონფლიქტის მიღმა და შევეცადე ჰოლივუდური წყვილის პირადი ასტროლოგიური რუკების ანალიზის მიხედვით დამედგინა, რომელი მხარეა დაზარალებული და რომელი - მანიპულატორი.


     


    ჯონი დეპი ზოდიაქოს ნიშნით ტყუპი გახლავთ. თუმცა, მის ხასიათში ბევრი თვისება კუროს ზოდიაქოს ნიშანს შეესაბამება. ის საკმაოდ თავმოყვარე ადამიანი უნდა იყოს, ამასთანავე, ზომიერად ამბიციურიც. მის ჰოროსკოპში არის მინიშნება ასევე იმაზეც, რომ ამ ადამიანს ახასიათებს გარკვეული იმპულსურობა, რაც სავსებით შესაძლებელია, რომ აგრესიულ ფორმებშიც გამოვლინდეს. თუმცა, ზოგადად რომ ვიმსჯელოთ, თუკი მისი თავმოყვარეობა არ არის შელახული, იგი სიმშვიდეს შეინარჩუნებს ნებისმიერ სიტუაციაში იმიტომ, რომ მისი პირადი რუკა მიწის სტიქიის ნიშნების (კურო, თხის რქა) ინტენსივობით გამოირჩევა, რაც იმას ნიშნავს, რომ ეს ადამიანი თავს კარგად აკონტროლებს კონფლიქტისას. სიფიცხე მისთვის პერიდოულად არის ნამდვილად დამახასიათებელი, თუმცა როგორც წესი, ასეთი ხალხი შემდგომში აუცილებლად ნანობს ჩადენილს.



    რაც შეეხება ემბერ ჰერდს, იგი ზოდიაქოს ნიშნით კუროა.
    საკმაოდ მერკანტილური ადამიანია, რომელსაც უყვარს წვრილმანებზე ზედმეტი ყურადღების გამახვილება. შესაძლებელია ამ ადამიანმა უბიძგა მეუღლეს აგრესიის გამოვლენისკენ. იმიტომ, რომ ემბერ ჰერდი მიდრეკილია სიტუაციის დრამატიზირებისკენ, სხვა სიტყვებით რომ ვთქვათ - „ბუზს, მარტივად აქცევს სპილოდ“, ამას გარდა, მსახიობი გარკვეული ფანტაზიორობისკენაც იქნება მიდრეკილი. ყოველ შემთხვევაში, ტყუილის თქმა ან ნათქვამის მხატვრულად შელამაზება მისი სტილია. მასთან კავშირზე ჯონი დეპის პირად რუკაზე კონკრეტული ასპექტები მიუთითებს. თუმცა, საინტერესო ის არის, რომ მიუხედავად ყველაფრისა, წყვილს შორის სავსებით მოსალოდნელია არ შედგეს განქორწინება და ისინი საბოლოო ჯამში, დაზავებისკენ წავიდნენ. იმიტომ, რომ საერთო ჯამში, მათ შორის ბევრი საერთოა. თუმცა კი უახლოესი თვეები წყვილისთვის (განსაკუთრებით ჯონი დეპისთვის) პრობლემატური და რთული იქნება. მსახიობს მოუწევს გარკვეული გადაფასება პირად ურთიერთობაში და პარტნიორთან ურთიერთობის სრულიად ახალ ფორმატში გაგრძელება".



    წყარო: ambebi.ge
    1 671 ნახვა
    GOGATV

    abezara