• როდის მიდის რისკზე ნინა სუბლატი - "დაშვებულ შეცდომებს არასდროს განვიცდი"

    ...ვცდილობ, გეგმები ისე დავ­სახო, ილუზია არ შევიქმნა

    მომღერალი ნინა სუბლატი "X ფაქტორის" ჟიურის წევრია. მას 18 წლამდე გოგონების კატეგორია აბარია და მათთან ბევრს მუშაობს. შოუში დაძაბულობა თანდათან მატულობს. რა თვისება მოსწონს ნინას საკუთარ ხასიათში ყველაზე მეტად, როდის ჯიუტდება, ვის ეპრანჭება და რა შემთხვევაში მიდის რისკზე? - ამ ყველაფერს მის მიერ დასრულებული წინადადებებიდან შეიტყობთ.


    - დაბადების თარიღი...
    - ...იანვრის თოვლიანი დღე.
    - ბავშვობაში მინდოდა გამოვსულიყავი...
    - ...ბალერინა.
    - ჩემს წარმატებაში ყველაზე დიდი წვლილი მიუძღვის...
    - ...საქმის სიყვარულსა და შრომას.
    - ცხოვრებას თავიდან რომ ვიწყებდე...
    - ...ვინატრებდი, ყველაფერი ისეთივე მრავალფეროვანი და საინტერესო ყოფილიყოს, როგორიც დღესაა.
    - ბედნიერი ვარ, რომ...
    - ...შემიძლია ბედნიერების დანახვა და დაფასება.
    - თვისება, რომელიც ჩემში ყველაზე მეტად მომწონს...
    - ...ნეიტრალურობის შენარჩუნება შემიძლია.
    - თვისება, რომელიც არ მომწონს და ვცდილობ, გამოვასწორო...
    - ...რამდენიმე ასეთი თვისება მაქვს.
    - დაშვებულ შეცდომებს...
    - ...არასდროს განვიცდი.
    - დათმობა შემიძლია, თუ...
    - ...საჭიროდ ვთვლი.
    - თავს ვერ ვიკავებ და ვტირი, როცა...
    - ...ეს იშვიათად ხდება.
    - როცა მომავალზე ვფიქრობ...
    - ...ვცდილობ, გეგმები ისე დავ­სახო, ილუზია არ შევიქმნა.
    - ვიბნევი, როცა...
    - ...ვიღაცისთვის ცუდი რამის თქმა მინდა და თავს ვიკავებ.
    - ვჯიუტდები, როცა...
    - ...ვიცი, რომ მართალი ვარ.
    - თავისუფლება არის...
    - ...ის, რაც სამყაროსთან გაერთიანებს.
    - ამ წუთში ძალიან მინდა ვიყო...
    - ...რომელიმე უცხო პლანეტაზე.
    - წონასწორობიდან ჩემი გამოყვანა შეუძლია...
    - ...ფაქტობრივად, ვერაფერს.
    - მეზარება...
    - ...ისეთი საქმის კეთება, რაც სიამოვნებას არ მანიჭებს.
    - დღემდე ვერაფრით ვისწავლე...
    - ...რისი სწავლაც არ დამიწყია.
    - ჩემზე ამბობენ...
    - ...წარმოდგენა არ მაქვს, რას ამბობენ.
    - ცხოვრებას ვილამაზებ...
    - ...ყოველდღიური სიხარულით.
    - სიყვარული ეს...
    - ...სასიამოვნო საქმესთან და ადამიანთან ურთიერთობაა.
    - როცა შეყვარებული ვარ...
    - ...დიდ ენერგიას ვუთმობ ურთიერთობას.
    - ვოცნებობ...
    - ...დიდად არ ვოცნებობ. ვცდილობ, სანატრელი მიზანი დავისახო, თუნდაც ისეთი, ოცნებას რომ ჰგავ­დეს და მივაღწიო.
    - ვეპრანჭები...
    - ...საკუთარ თავს.
    - ყოველთვის შეუძლია კარგ ხასიათზე დამაყენოს...
    - ...ნებისმიერმა დადებითმა მოვლენამ.
    - ცხოვრებაში რისკზე...
    - ...მაშინ მივდივარ, როცა საინტერესოა.
    - ჩემი ყველაზე დიდი სისუსტე...
    - ...სისუსტეებზე არ საუბრობენ.
    - როცა საჯაროდ მაქებენ...
    - ...სირცხვილისგან არ ვიცი, სად წავიდე.
    - მეშინია...
    - ...ადრე სიბნელის მეშინოდა, ახლა - ნაკლებად, მაგრამ ქვეცნობიერში ეს შიში დღემდე მაინც მრჩება.
    - ხშირად მსაყვედურობენ...
    - ...არ მსაყვედურობენ.
    - ვუფრთხილდები...
    - ...ყველაფერს, რაც გასაფრთხილებელია.
    - ვნანობ, რომ...
    - ...არაფერს ვნანობ.
    - როდესაც დაძაბული პერიოდი მაქვს...
    - ...ვცდილობ, რაიმე დადებითი აღმოჩენები გავაკეთო.
    - ადამიანი, ვის აზრსაც ყოველთვის ვითვალისწინებ...
    - ...ეს არის ჩემი პარტნიორი.
    - ვერაფრით წარმოვიდგენდი...
    - ...ბევრ რამეს ვთვლი დასაშვებად, ამიტომ მიჭირს იმის თქმა, რა შეიძლება იყოს ჩემთვის წარმოუდგენელი.
    - არავისთან ვსაუბრობ...
    - ...პირად ცხოვრებაზე.
    - არ მჩვევია...
    - ...რაიმეს უმიზეზოდ კეთება.
    - ძალიან ბევრი ფული რომ მქონდეს...
    - ...ძალიან ბევრ საინტერესო საქმეს გავაკეთებდი.
    - რამდენიც უნდა გადამიხადონ...
    - ...ისეთს არაფერს გავაკეთებ, რაც არ მომწონს.
    - ვერავინ მაიძულებს...
    - ...იძულების ზოგადად, არ მჯერა.
    - დარიგება, რომელიც არასდროს დამავიწყდება...
    - ... ასეთი რამ არ მახსოვს.
    - დაბოლოს, გეტყვით...
    - ...მადლობას ინტერვიუსთვის!
    წყარო: gza.ambebi.ge
    1 502 ნახვა
    GOGATV

    abezara