• რა გელით სიყვარულში, ოჯახსა და სამსახურში - ოქტომბრის ჰოროსკოპი ზოდიაქოს 12 ნიშნისთვის

    ვერძი: მოგზაურობისთვის ხელსაყრელი პერიოდია.

    ბიზნესი და ფინანსები
    სამსახურმა თითქოს დაგღალათ. რუტინას თავს დააღწევთ, თუ რამდენიმე დღით სამოგზაუროდ გაემგზავრებით. უძრავი ქონების საკითხიც გაურკვეველია. ყურადღებით იყავით, ფინანსების გამო არ გაგიმწვავდეთ ურთიერთობა ბიზნესპარტნიორებთან.

    ჯანმრთელობა
    მოიწესრიგეთ ძილის რეჟიმი. ყურადღება მიაქციეთ თირკმელებს.

    სიყვარული და ოჯახი
    საინტერესო პერიოდი დაგიდგათ. დასრულდება ძველი ურთიერთობა და დაიწყება ახალი სასიყვარულო თავგადასავალი, რაც ბევრ სიახლეს შეიტანს თქვენს ყოველდღიურობაში.

    კურო: აკონტროლეთ ურთიერთობები, სიტუაციები.

    ბიზნესი და ფინანსები
    უსიამოვნება რომ არ შეგემთხვეთ, ხელშეკრულების გაფორმებამდე გულდასმით გაეცანით ყველა დოკუმენტს (წვრილშრიფტიან ტექსტს განსაკუთრებით). გადაამოწმეთ კოლეგების მიერ შესრულებული სამუშაო. ყური დაუგდეთ, რას ამბობენ თქვენზე მოშურნეები.

    ჯანმრთელობა
    გაუფრთხილდით ყელს და ხშირად დაისვენეთ.

    სიყვარული და ოჯახი
    მარტოხელები წვეულებებზე უამრავ მეგობარსა და თაყვანისმცემელს გაიჩენენ. დასრულდა ის დრო, როცა კარიერაზე იყავით მომართული. ახლა თქვენს ცხოვრებაში სიყვარულის დროა!

    ტყუპი: სიყვარულშიც გაგიმართლებთ და კარიერაშიც მიაღწევთ წარმატებას.

    ბიზნესი და ფინანსები
    ვინც სამსახურის ძებნაშია, გაუმართლებს. ისეთ სამუშაოს იშოვით, სწავლაში ხელი არ შეგეშლებათ. კარგი პერიოდია შემოქმედებითი იდეების განსახორციელებლად. იდეები რომ არ დაგავიწყდეთ, აწარმოეთ დღიური.

    ჯანმრთელობა
    ჩაიტარეთ გამაჯანსაღებელი მასაჟი. დილაობით ივარჯიშეთ. მხიარული და ენერგიული ხართ. ნუ ჩაიტარებთ ოპერაციებს (თუ გადაუდებელი არაა).

    სიყვარული და ოჯახი
    გადახედეთ თქვენს ურთიერთობას. გამოასწორეთ დაშვებული შეცდომები. ფორტუნა გაძლევთ შანსს, იპოვოთ ნამდვილი სიყვარული. მეტი ყურადღებით მოეკიდეთ მშობლების პრობლემებს.

    კირჩხიბი: ფული თავისუფლებას მოგანიჭებთ, მაგრამ გაფრთხილდით, საფრთხეში არ ჩაგაგდოთ.

    ბიზნესი და ფინანსები
    მატერიალურად მოძლიერებული ხართ. 23 რიცხვის შემდეგ კიდევ მეტ სარგებელს ნახავთ, მაგრამ გაფრთხილდით, არ გახდეთ გამომძალველის მსხვერპლი.

    ჯანმრთელობა
    გამოიკვლიეთ კუჭ-ნაწლავის სისტემა. გაუფრთხილდით ხელებს.

    სიყვარული და ოჯახი
    მეტი ყურადღებით მოეკიდეთ საოჯახო საკითხებს და ნათესავების პრობლემებს. ახალ პარტნიორს თეატრში ან წვეულებაზე შეხვდებით.

    ლომი: ოჯახის წევრებს ასეთი არ ახსოვხართ. მეტად დამთმობი და მოსიყვარულე გახდებით.

    ბიზნესი და ფინანსები
    საქმეები აწყობილი გაქვთ. ფული სტაბილურად შემოგდით. დროა, საკუთარ თავს და ოჯახს მიხედოთ. კარგი პერიოდია რემონტისთვის, ინტერიერის შესაცვლელად, საოჯახო წვეულებების მოსაწყობად.

    ჯანმრთელობა
    მხნედ ხართ, მაგრამ თუ თავს შეუძლოდ იგრძნობთ, ექიმთან ვიზიტი არ დააყოვნოთ.

    სიყვარული და ოჯახი
    საოჯახო ბედნიერი დღეები გელით, როცა ცხოვრება იდეალურად მოგეჩვენებათ. მარტოხელები ღირსეულ ადამიანს გაიცნობენ და დაქორწინების შანსი მიეცემათ.

    ქალწული: ფინანსურად კი მოძლიერდით, მაგრამ ფული ყველა პრობლემას ვერ გადაგიჭრით.

    ბიზნესი და ფინანსები

    ჯანმრთელობა
    ენერგიითა და შემართებით აღსავსე ხართ. გლამურულად გამოიყურებით და გამვლელები ხშირად გადევნებენ თვალს.

    სიყვარული და ოჯახი
    მეტი ყურადღება დაუთმეთ შვილებს და მშობლებს. თუ მეუღლის შენარჩუნება გსურთ, დაივიწყეთ სიამაყე და თავად გადადგით დასაახლოებლად პირველი ნაბიჯი.

    სასწორი: ყოველდღე თითო წარმატება "დაგატყდებათ" თავს.

    ბიზნესი და ფინანსები
    კოსმოსი დაინტერესებულია თქვენი წარმატებით. სასწორის პერიოდის დადგომისთანავე (23 სექტემბერი) ფულის მიღება დაიწყეთ. ეს პროცესი წლის ბოლომდე გაგრძელდება; მაგრამ ფულს ნუ გაფლანგავთ. მნიშვნელოვანი იდეებისთვის სტაბილურ, მდიდარ კაპიტალს დააგროვებთ.

    ჯანმრთელობა
    ნუღარ შეიზღუდავთ თავს დიეტით. მთავარია, ივარჯიშოთ და დატკბეთ ცხოვრებით.

    სიყვარული და ოჯახი
    ფორტუნა დაინტერესებულია თქვენი პირადი ბედნიერებით და ყოველდღიურად გიგზავნით სასიამოვნო სიურპრიზებს. პლატონურ გრძნობებს სერიოზული, ვნებიანი სიყვარული ჩაანაცვლებს.

    მორიელი: სცენიდან კულისებში უნდა გადაინაცვლოთ; იქ უფრო საინტერესო მოქმედებები ვითარდება.

    ბიზნესი და ფინანსები
    დააკვირდით მიმდინარე მოვლენებს, მაგრამ დასკვნების გამოტანას ნუ იჩქარებთ. ფინანსებში შეზღუდული იქნებით. ამიტომ მსხვილი საყიდლების და ფულის დაბანდებისგან თავი შეიკავეთ.

    ჯანმრთელობა
    ზაფხული გავიდა, შემოდგომის სითბომ არ მოგატყუოთ, თორემ სურდოს ვერ აიცილებთ.

    სიყვარული და ოჯახი
    გსურთ, პარტნიორში მეგობარსაც ხედავდეთ და საყვარელსაც. ამ თვეში გამოჩნდება ისეთი ადამიანი, რომელიც სრულად დააკმაყოფილებს თქვენს მოთხოვნებს.

    მშვილდოსანი: ფულის ხარჯვის გარდა, სხვა სიამოვნებაც არსებობს ქვეყანაზე.

    ბიზნესი და ფინანსები
    წარმატებას მიაღწევთ საქველმოქმედო და არაკომერციულ საქმიანობაში. ფლანგვას ხართ მიჩვეული. ოქტომბერში იმდენ ფულს ვერ მიიღებთ, რამდენიც გსურთ, მაგრამ ფინანსური კრიზისი არ გელით.

    ჯანმრთელობა
    ბუნებაში სეირნობა და სწორი რეჟიმი ჯანმრთელობის საწინდარია.

    სიყვარული და ოჯახი
    მდიდარი სულიერი სამყარო გაქვთ. გაანაწილეთ თქვენი სითბო და ყურადღება ახლობლებსა და მეგობრებზე. დააწყვეთ სამომავლო გეგმები და მათი განხორციელებისთვის საუკეთესო ეტაპს დაელოდეთ.

    თხის რქა: ფულის ხარჯვა უფრო მეტ სიამოვნებას მოგანიჭებთ, ვიდრე მათი შენახვა.

    ბიზნესი და ფინანსები
    როგორც წესი, კონსერვატორი და ტრადიციონალისტი ხართ, მაგრამ ამ თვეში ექსპერიმენტები გაგიტაცებთ, რაც დადებით შედეგს მოგიტანთ. გაიმეტეთ საკუთარი თავისთვის და ფულიც სიამოვნებისთვის ხარჯეთ.

    ჯანმრთელობა
    ყურადღება მიაქციეთ შიდა ორგანოების მდგომარეობას. ჩაიტარეთ პროფილაქტიკური მკურნალობა.

    სიყვარული და ოჯახი
    ნუ გაამწვავებთ კონფლიქტს მშობლებთან, ნათესავებთან. შეძლებისდაგვარად თავი შეიკავეთ ხანგრძლივი მგზავრობისგან.

    მერწყული: სამსახურებრივი საქმეებისგან გადაღლილი შვებას სიყვარულში ჰპოვებთ.

    ბიზნესი და ფინანსები
    უფროსის დაფასების მისაღწევად თავდაუზოგავი შრომა მოგიწევთ, რასაც შესაძლოა დაწინაურება ან პრემია მოჰყვეს. თავი შეიკავეთ კოლეგებთან კონფლიქტისგან. უფრო მეტიც, ენას კბილი დააჭირეთ.

    ჯანმრთელობა
    ზედმეტად ნუ დაიხარჯებით, დაზოგეთ ენერგია. მეტი დრო დაუთმეთ სულიერ განვითარებას.

    სიყვარული და ოჯახი
    მარტოხელები სიყვარულს უცხოეთში იპოვიან. რომანტიკული პერიოდი მეტად გაგილამაზებთ ცხოვრებას.

    თევზები: კარიერაში წარმატებას ნაბიჯ-ნაბიჯ მიაღწევთ.

    ბიზნესი და ფინანსები
    ნუ გგონიათ, რომ ფორტუნამ ზურგი გაქციათ. კვლავინდებურად თავდაუზოგავად იმუშავეთ და შედეგს სულ მალე მიაღწევთ. ეცადეთ, უფროსთან კონფლიქტი არ მოგივიდეთ, თორემ მთელი შრომა წყალში ჩაგეყრებათ.

    ჯანმრთელობა
    კარგი მდგომარეობა გაქვთ. მთავარი გაფრთხილებაა, - საჭეს ნასვამი ნუ მიუჯდებით.

    სიყვარული და ოჯახი
    სიამოვნების ისეთ მწვერვალზე ახვალთ, რომელზეც დიდხანს ოცნებობდით. თქვენი საოცნებო რაინდი რეალობად იქცევა და ცხოვრებას გაგილამაზებთ.
    2 901 ნახვა
    GOGATV

    abezara