ფიოდორ ბონდარჩუკმა 25-წლიანი ქორწინება 27 წლის ლამაზმანის გამო დაარღვია

სამი თვის წინ რუსულ შოუბიზნესში გავრცელებულმა ჭორმა მთელი რუსეთი აალაპარაკა - მოსიყვარულე წყვილი, მსახიობი და რეჟისორი ფიოდორ ბონდარჩუკი და მისი მეუღლე, ყოფილ მოდელსა და ტელეწამყვან სვეტლანას დაშორდა. დაშორების მიზეზმა კი კიდევ ერთი შოკი მოგვარა საზოგადოებას: მიზეზი 27 წლის ლამაზმანი პაულინა ანდრეევა აღმოჩნდა, რომლის გამოც ცნობილმა რეჟისორმა 25-წლიანი ქორწინება დაარღვია.

თეატრის მსახიობმა პაულინამ განსაკუთრებული პოპულარობა ბოლო დროს გახმაურებული სერიალით - Оттепель მოიპოვა. ულამაზესი პაულინა ბონდარჩუკზე 23 წლით უმცროსია. რაც შეეხება სვეტლანა ბონდარჩუკს, მან ფიოდორთან 25 წელი იცხოვრა და სამი შვილი გაუჩინა.

რამდენიმე დღის

წინ გამართულ კინოფესტივალ "კინოტავრზე" ფიოდორი ახალ საყვარელთან ერთად ოფიციალურად პირველად გამოჩნდა. ფესტივალის დახურვისთვის პაულინა სპეციალურად ჩაფრინდა სოჭში და იმ სასტუმროში განთავსდა, სადაც ფიოდორი ცხოვრობდა. ისინი წითელ ხალიჩაზეც ერთად წარსდგნენ.

"კინოტავრი" რუსული შოუბიზნესის სენსაციების კერაა, სწორედ აქ გამოჩნდნენ პირველად ორსული ცოლებით სერგეი ბეზრუკოვი და არტიომ ტკაჩენკო. რადენიმე დღის წინ კი საფესტივალო სივრცეში ყოფილ და მომავალ ცოლს ფიოდორ ბონდარჩუკმა "მოუყარა თავი".