შემწვარი სოკო მიქლიო ერბოთი

საჭირო მასალა

1 კგ სოკო მიქლიო
2 სკ ერბო ან კარაქი
მარილი გემოვნებით

მომზადება

სოკო გავასუფთაოთ, გავრეცხოთ და საწურზე დავწრიტოთ, გავათავისუფლოთ ზედმეტი წყლისაგან. სქელძირიან ტაფაზე მოვათავსოთ სრჩეული სოკო, ტაფას თავზე დავხუროთ და დავდგათ საშუალო ცეცხლზე. როცა სოკო წვენს გაუშვებს, ავხადოთ და სოკოები ამოვაბრუნოთ. სითხის დაშრობის შემდეგ დავუმატოთ მარილი, ცხიმი და ბოლომდე შევწვათ.

რჩევა

1. ასეთი სახით შეგიძლიათ შეწვათ სოკოს სხვა სახეობებიც – ქამა, წითელქუდა და დათვა სოკო.
2. სოკოს შესაწვავად შეიძლება 1 სკ კარაქი ან ერბო ჩავანაცვლოთ ზეთით
3. ამგვარი წესით სოკო ძალიან კარგად იწვება კეცზეც