ძმები ნობელების მუზეუმში გამოფენა "50/50" გაიმართა
ძმები ნობელების ბათუმის ტექნოლოგიურ მუზეუმში, აჭარის სახელმწიფო მუზეუმისა და ქუთაისის ისტორიული მუზეუმის ერთობლივი გამოფენა სახელწოდებით 50/50 გაიმართა, - ამის შესახებ ინფორმაციას აჭარის კულტურული მემკვიდრეობის დაცვის სააგენტო ავრცელებს. 
გამოფენაზე აჭარის სახელმწიფო მუზეუმის ფონდებში დაცული უნიკალური საბრძოლო იარაღების ნიმუშები და კერძო კოლექციონერებთან დაცული ფოტომასალა იყო წარმოდგენილი.
ინტერიერს მე-18 საუკუნით დათარიღებული დარბაზის სამშვენისები: ლარნაკები და დეკორატიული სპილოები ამშვენებდა.
მეორე სართულზე ქუთაისის ისტორიული მუზეუმის საბრძოლო ექსპონატები: მაჭახელას თოფი, აღმოსავლური და ევროპული იარაღები და უნიკალური ხანჯლები იყო წარმოდგენილი.
მეორე სართულზევე იყო წარმოდგენილი სალომე დადიანის, ეკატერინე ჭავჭავაძის, მერი შერვაშიძის და ფილმ "ქეთო და კოტეში“ გამოყენებული ქეთოს კაბები.
გამოფენის სტუმრებმა ასევე დააგემოვნეს უგემრიელესი ხილის ტორტი გამოფენის თემატიკით.
წყარო: intermedia.ge
