"ვიცი, ჩემი იღბალი საუკეთესო გზით წამიყვანს!" - ეკა ანდრონიკაშვილს ვაჟი შეეძინა
მსახიობ ეკა ანდრონიკაშვილს უსაყვარლესი ბიჭუნა - ნიკალა ანდრონიკაშვილი-მამალაძე შეეძინა. ნიკალა 2,5 კგ-ს იწონის და მშვიდი ხასიათით გამოირჩევა. ამერიკაში მყოფ ბედნიერ დედას სოციალური ქსელის საშუალებით დავუკავშირდი...
- ნიუ-იორკში ვარ. კლინიკიდან დღეს გაგვწერენ და პირველი დღე იქნება ჩვენი სახლში ყოფნის... მგონი, ჩემი ბიჭუნა ზღაპრიდანაა მოსული (იცინის). ყველაზე სუფთა, წესიერი, ლამაზი, თბილი და საყვარელი არსებაა. ჭამს და სძინავს - საერთოდ არ ტირის. თუ ატირდა, ამასაც ძალზე ჩუმად აკეთებს. გადამრია... (იღიმის).
- ვის ჰგავს?
- გარეგნობით მეც მგავს და მამასაც! ხასიათით კი არ ვიცი, მამამისი ასეთი მშვიდი ბავშვი იყო თუ არა, მე კი ნამდვილად არ ვყოფილვარ.
- პატარას ნიკალა რატომ დაარქვით?
- ალბათ იმიტომ, რომ ეს სახელი ჟღერადობით ყოველთვის მომწონდა; კიდევ იმიტომ, რომ ქართულია, მაგრამ ყველგან გვხდება; თანაც - წმინდა ნიკოლოზი ჩემი საყვარელი წმინდანია. ნიკალა ანდრონიკაშვილი-მამალაძე - იმედია, ამერიკის პასპორტში ამხელა "ამბავი" ჩაეტევა (იღიმის).
- ეკა, დიდი ხანია, ამერიკაში ხართ? რას საქმიანობთ?
- რამდენიმე თვეა, რაც აქ ვარ... ამაზე მეტი რაღა "ვისაქმიანო"?! ამხელა საქმე გავაკეთე - ქართველ-ამერიკელი ბიჭი გავაჩინე (იღიმის). ალბათ, აქ სექტემბრამდე დავრჩები.
- ნიუ-იორკში ვისთან ერთად იმყოფებით? მშობიარობისას ვინ გგულშემატკივრობდათ?
- აქ რამდენიმე უახლოესი ადამიანი მყავს. ჩემს ორ მეგობარს - ეკა პაქსაშვილსა და ეკა ანდრიაშვილს "ოჯახის წევრი", "და" თუ რა ვუწოდო, არ ვიცი. მოკლედ, ეს ის ადამიანები არიან, ვინც თვეების განმავლობაში, ოჯახი შემიცვალეს, ჩემს მშობიარობას ესწრებოდნენ და ჩემი ნიკალა ჩემზე ადრე ნახეს (იღიმის)... ეკა ანდრიაშვილის მეუღლე - ნიკუშა ჩხეიძეც ჩემი მეგობარი, საუკეთესო ადამიანი და ამჟამად, ჩვენი საერთო ოჯახის მამა გახლავთ (იცინის). აქ არიან ნინო ყანჩაველი და თამუნა გეგეჭკორი, ჩემი ბავშვობისა და სტუდენტობის დროინდელი მეგობრები, რომლებიც ამერიკაში ყოფნისას ჩემი შემადგენელი ნაწილები გახდნენ... ყველას ვერ ჩამოვთვლი. ერთი რამ მინდა ვთქვა: კარგ მეგობრებზე დიდი სიმდიდრე ამქვეყნად არაფერია. მადლობა ღმერთს, რომ ამ მხრივ მდიდარი ვარ, გინდა აქ და გინდა - თბილისში.
- ალბათ, ნიკალას დაბადებისას დედობის პირველი შეგრძნებისგან განსხვავებული გრძნობა დაგეუფლათ...
- კი, ნამდვილად ასეა! მაშინ, 22 წლის წინ, სულ გაქცევაზე ვფიქრობდი, გარშემო უამრავი ბებია, ბაბუა და მომვლელი მყავდა, მაგრამ ახალი არსების დაბადებას მაშინაც სასწაულად აღვიქვამდი. ახლა ყოველდღე აღმოჩენებს ვაკეთებ. ეს ისეთი საოცრებაა, სიტყვებით ახსნას რომ ვერ მოუძებნი...
- ნიკალას გაზრდა-აღზრდას დამოუკიდებლად აპირებთ თუ ძიძის დახმარებით?
- ამ ზაფხულს - დამოუკიდებლად. მეგობრებიც დამეხმარებიან. თბილისში, რა თქმა უნდა, ძიძა დამჭირდება... უბედნიერესი დედა ვარ. ფანტასტიკური შვილი გავაჩინე ფანტასტიკურ ქვეყანაში, ფანტასტიკურ პირობებში და წინ ყველაფერი კარგი მელის ღმერთის იმედით, დანარჩენი კი - ცხოვრებაა და ამიტომ არის საინტერესო! მე ვიცი, რომ ჩემი იღბალი ჩემთვის საუკეთესო გზით წამიყვანს!
წყარო: ambebi.ge
- ნიუ-იორკში ვარ. კლინიკიდან დღეს გაგვწერენ და პირველი დღე იქნება ჩვენი სახლში ყოფნის... მგონი, ჩემი ბიჭუნა ზღაპრიდანაა მოსული (იცინის). ყველაზე სუფთა, წესიერი, ლამაზი, თბილი და საყვარელი არსებაა. ჭამს და სძინავს - საერთოდ არ ტირის. თუ ატირდა, ამასაც ძალზე ჩუმად აკეთებს. გადამრია... (იღიმის).
- ვის ჰგავს?
- გარეგნობით მეც მგავს და მამასაც! ხასიათით კი არ ვიცი, მამამისი ასეთი მშვიდი ბავშვი იყო თუ არა, მე კი ნამდვილად არ ვყოფილვარ.
- პატარას ნიკალა რატომ დაარქვით?
- ალბათ იმიტომ, რომ ეს სახელი ჟღერადობით ყოველთვის მომწონდა; კიდევ იმიტომ, რომ ქართულია, მაგრამ ყველგან გვხდება; თანაც - წმინდა ნიკოლოზი ჩემი საყვარელი წმინდანია. ნიკალა ანდრონიკაშვილი-მამალაძე - იმედია, ამერიკის პასპორტში ამხელა "ამბავი" ჩაეტევა (იღიმის).
- ეკა, დიდი ხანია, ამერიკაში ხართ? რას საქმიანობთ?
- რამდენიმე თვეა, რაც აქ ვარ... ამაზე მეტი რაღა "ვისაქმიანო"?! ამხელა საქმე გავაკეთე - ქართველ-ამერიკელი ბიჭი გავაჩინე (იღიმის). ალბათ, აქ სექტემბრამდე დავრჩები.
- ნიუ-იორკში ვისთან ერთად იმყოფებით? მშობიარობისას ვინ გგულშემატკივრობდათ?
- აქ რამდენიმე უახლოესი ადამიანი მყავს. ჩემს ორ მეგობარს - ეკა პაქსაშვილსა და ეკა ანდრიაშვილს "ოჯახის წევრი", "და" თუ რა ვუწოდო, არ ვიცი. მოკლედ, ეს ის ადამიანები არიან, ვინც თვეების განმავლობაში, ოჯახი შემიცვალეს, ჩემს მშობიარობას ესწრებოდნენ და ჩემი ნიკალა ჩემზე ადრე ნახეს (იღიმის)... ეკა ანდრიაშვილის მეუღლე - ნიკუშა ჩხეიძეც ჩემი მეგობარი, საუკეთესო ადამიანი და ამჟამად, ჩვენი საერთო ოჯახის მამა გახლავთ (იცინის). აქ არიან ნინო ყანჩაველი და თამუნა გეგეჭკორი, ჩემი ბავშვობისა და სტუდენტობის დროინდელი მეგობრები, რომლებიც ამერიკაში ყოფნისას ჩემი შემადგენელი ნაწილები გახდნენ... ყველას ვერ ჩამოვთვლი. ერთი რამ მინდა ვთქვა: კარგ მეგობრებზე დიდი სიმდიდრე ამქვეყნად არაფერია. მადლობა ღმერთს, რომ ამ მხრივ მდიდარი ვარ, გინდა აქ და გინდა - თბილისში.
- ალბათ, ნიკალას დაბადებისას დედობის პირველი შეგრძნებისგან განსხვავებული გრძნობა დაგეუფლათ...
- კი, ნამდვილად ასეა! მაშინ, 22 წლის წინ, სულ გაქცევაზე ვფიქრობდი, გარშემო უამრავი ბებია, ბაბუა და მომვლელი მყავდა, მაგრამ ახალი არსების დაბადებას მაშინაც სასწაულად აღვიქვამდი. ახლა ყოველდღე აღმოჩენებს ვაკეთებ. ეს ისეთი საოცრებაა, სიტყვებით ახსნას რომ ვერ მოუძებნი...
- ნიკალას გაზრდა-აღზრდას დამოუკიდებლად აპირებთ თუ ძიძის დახმარებით?
- ამ ზაფხულს - დამოუკიდებლად. მეგობრებიც დამეხმარებიან. თბილისში, რა თქმა უნდა, ძიძა დამჭირდება... უბედნიერესი დედა ვარ. ფანტასტიკური შვილი გავაჩინე ფანტასტიკურ ქვეყანაში, ფანტასტიკურ პირობებში და წინ ყველაფერი კარგი მელის ღმერთის იმედით, დანარჩენი კი - ცხოვრებაა და ამიტომ არის საინტერესო! მე ვიცი, რომ ჩემი იღბალი ჩემთვის საუკეთესო გზით წამიყვანს!
წყარო: ambebi.ge
1 474 ნახვა
8-07-2016, 00:15
