ღორი ოჯახში სრულფასოვანი წევრივით ცხოვრობს

ინგლისის ქალაქ სკარბოროში გიგანტური ღორი ოჯახში ცხოვრობს. ყოფილი ინჟინრის, კოლინ ვებისა და მისი მეუღლის, სუსის სახლში ცხოველი, როგორც ოჯახის სრულუფლებიანი წევრი, ისე დააბიჯებს.

გიგანტური ღორი სახელად "პატარა" სასტუმრო ოთახში ნებივრობს, რადგან სამზარეულოში წონის გამო შემოტრიალება უჭირს. იმისთვის, რომ ღორმა მშვიდად დაიძინოს, მას საკუთარი დივანი აქვს. ღორი წონაში ხშირად იმატებს, ამიტომ სპეციალურად შერჩეულ დიეტაზეა.

როგორც სუსი ამბობს, ღორს ქუჩაში სეირნობა არ მოსწონს, რადგან მისი წონით გაოცებული ადამიანების ყურადღებით წუხდება და ამიტომ დიდ დროს სახლში ატარებს. წყვილმა ლიცენზიაც კი მოიპოვა, რათა ცხოველთან ერთად პარკში ისეირნოს.

"ღორი კაცზე ადვილი მოსავლელია. კაცისგან განსხვავებით, ის საჭმლის გამო არასდროს წუწუნებს და არ ხვრინავს", - ამბობს დიასახლისი.










მომზადებულია thesun.co.uk-ის მიხედვით.