• ქუთაისში დღეს ხოსე კარერასის კონცერტი გაიმართება

    ქუთაისში ხოსე კარერასის კონცერტისთვის ემზადებიან. სამზადისი აქტიურ ფაზაში შევიდა. თითქმის დასრულებულია სცენის მონტაჟი. კონცერტზე დასწრება თავისუფალია, თუმცა თავად შემსრულებლის მოთხოვნით სცენის წინ განთავსდება 900 სკამი, სადაც მხოლოდ კულტურის სფეროს წარმომადგენლები და შშმ პირები დასხდებიან.
    მოსაწვევები ასევე იმერეთის რაიონებს დაეგზავნა. მოსაწვევების განაწილების საკითხზე განცხადება ქალაქის მერმა გააკეთა. შოთა მურღულიას განმარტებით, მოსაწვევების ნაწილი სპონსორებს დაურიგდათ, იმერეთმა კი 670 მოსაწვევი მიიღო. 250 მოსაწვევი დაიგზავნა იმერეთის 11 მუნიციპალიტეტში.
    მოსაწვევები კულტურისა და განათლების სფეროს წარმომადგენლებზე, ქალაქის საპატიო მოქალაქეების ოჯახებზე გადანაწილდა. მოსაწვევები ასევე გადაეცა შშმ პირებს და მოხუცთა თავშესაფრის ბენეფიციარებს.
    წყარო: etanews.ge
    1 224 ნახვა
    GOGATV