„ხელოვნური სუნთქვის“ ახალი სეზონი იწყება
„პრაიმტაიმთან“ ფორმულა „კრეატივის“ პროდიუსერი, მიშა მშვილდაძე „ხელოვნური სუნთქვის“ ახალ სეზონზე საუბრობს.
– მიშა, როგორ გგონია, დადებითი გმირია შოთა? როგორ აღიქვამს მაყურებელი, შენი აზრით. ქალები, მუდმივად უკმაყოფილო ცოლი, შვილი… ახლა უკვე განაწყენებული საყვარელი ქალი…
– შოთას გმირს რაც შეეხება, დადებითია თუ უარყოფითი, ვფიქრობ, თითოეულმა მაყურებელმა თავისთვის უნდა გადაწყვიტოს. ბოლო ათწლეულის საუკეთესო უცხოური სერიალების ანალიზი, რაც ყველაზე კარგად ასახავს დღევანდელი მაყურებლის გემოვნებას და მოთხოვნილებას სერიალისგან, გვაჩვენებს, რომ ცალსახად დადებითი, უნაკლო და უმანკო გმირი აღარ არის ძველებურად პოპულარული. თანამედროვე მაყურებელს აინტერესებს ადამიანური სისუსტეები, რადგან ხვდება, რომ უნაკლო არავინაა და გმირის მიმართ, რომელიც მოწყვლადია, შეცდომებსაც უშვებს და სისუსტესაც ამჟღავნებს, მაგრამ ცდილობს და ძალიან ინდომებს, რომ თავის ღირებულებებს და პრინციპებს არ უღალატოს, პრობლემები გადაჭრას, მაგრამ არც ისეთი ძლიერია, რომ ეს ადვილად შეძლოს, მაყურებელს მეტი თანაგრძნობა და თანაგანცდა უჩნდება. ვფიქრობ, შოთას გმირის მიმართაც ასეთი დამოკიდებულებაა, მისი სისუსტეები და პრობლემები ცხადად ჩანს, მაგრამ მისი ჯიუტი სიკეთე მაინც დადებითად განგაწყობს მის მიმართ.
– ქალის რამდენიმე ტიპაჟი დაგვიხატა რეჟისორმა, შენთვის, როგორც მამაკაცისთვის, რომელი უფრო საინტერესოა?
– თამუნა ცალსახად – ძლიერი, ჭკვიანი, განათლებული, ლამაზი, გამბედავი და სიახლეების მიმართ გახსნილი, დამოუკიდებელი, საქმიანი და ამავდროულად საკმაოდ თბილი, პლუს ველოსიპედით, აუზით და ცხოვრების ჯანმრთელი წესით – ეს ყველაფერი ერთად ძალიან საინტერესო ქალს ქმნის.
– უამრავი მაყურებელი ჰყავს „ჩემი ცოლის დაქალებს“, თუმცა, ამ ეტაპზე „ხელოვნურმა სუნთქვამ“ყველანაირი რეკორდი მოხსნა. როგორ გგონია, დრამა უყვარს ქართველ მაყურებელს?
– „ჩემი ცოლის დაქალების“ რეიტინგი ძალიან მაღალი და სტაბილურია, ეს, კარგი გაგებით, ძველი და კარგად გამოცდილი სატელევიზიო პროდუქტია, შესაბამისად, ტელევიზორში „ჩემი ცოლის დაქალების“ ყურების ჩვევა ბევრად უფრო გამჯდარია მაყურებელში და ამიტომაც მისი საშუალო რეიტინგი ოდნავ უფრო მაღალია, ვიდრე „ხელოვნური სუნთქვის“. თუმცა „ხელოვნური სუნთქვის“ რეიტინგიც, რაც ყველაზე სასიხარულოა, სერიიდან სერიამდე სტაბილურად მზარდია და გარდა ამისა, უამრავი ადამიანი უყურებს ორივე სერიალს ინტერნეტშიც, რაც მაძლევს საფუძველს დავასკვნა, რომ ჩვენს მაყურებელს დრამაც უყვარს და კომედიაც, თუ კარგად არის გაკეთებული.
– ყველას აინტერესებს რა ჩაიდინა თამუნამ. ვიცი, რომ რეჟისორის გადასაწყვეტია, ალბათ, არ მოკლავთ მთავარ გმირს…
– სამწუხაროდ, ამ თემაზე ვერაფერს გაგიმხელთ, მაგრამ გეტყვით, რომ მეც, როგორც მაყურებელს, ზუსტად ასეთი მოლოდინი მაქვს, თუმცა სერიალი იმისაა, რომ მოულოდნელობებით იყოს აღსავსე, ასე რომ, დაველოდოთ მეორე სეზონის პირველ სერიას.
– ახალი პერსონაჟები თუ შემოვლენ „ხელოვნურ სუნთქვაში“ და როდის განახლდება გადაღებები, როდის ველოდოთ ახალ სერიებს „რუსთავი 2“-ის ეთერში?
– ახალი პერსონაჟები, რა თქმა უნდა, შემოვლენ და თან არცთუ ცოტა. 14 სექტემბრიდან დაიწყება „ხელოვნური სუნთქვა“
ნინო მჭედლიშვილი
– მიშა, როგორ გგონია, დადებითი გმირია შოთა? როგორ აღიქვამს მაყურებელი, შენი აზრით. ქალები, მუდმივად უკმაყოფილო ცოლი, შვილი… ახლა უკვე განაწყენებული საყვარელი ქალი…
– შოთას გმირს რაც შეეხება, დადებითია თუ უარყოფითი, ვფიქრობ, თითოეულმა მაყურებელმა თავისთვის უნდა გადაწყვიტოს. ბოლო ათწლეულის საუკეთესო უცხოური სერიალების ანალიზი, რაც ყველაზე კარგად ასახავს დღევანდელი მაყურებლის გემოვნებას და მოთხოვნილებას სერიალისგან, გვაჩვენებს, რომ ცალსახად დადებითი, უნაკლო და უმანკო გმირი აღარ არის ძველებურად პოპულარული. თანამედროვე მაყურებელს აინტერესებს ადამიანური სისუსტეები, რადგან ხვდება, რომ უნაკლო არავინაა და გმირის მიმართ, რომელიც მოწყვლადია, შეცდომებსაც უშვებს და სისუსტესაც ამჟღავნებს, მაგრამ ცდილობს და ძალიან ინდომებს, რომ თავის ღირებულებებს და პრინციპებს არ უღალატოს, პრობლემები გადაჭრას, მაგრამ არც ისეთი ძლიერია, რომ ეს ადვილად შეძლოს, მაყურებელს მეტი თანაგრძნობა და თანაგანცდა უჩნდება. ვფიქრობ, შოთას გმირის მიმართაც ასეთი დამოკიდებულებაა, მისი სისუსტეები და პრობლემები ცხადად ჩანს, მაგრამ მისი ჯიუტი სიკეთე მაინც დადებითად განგაწყობს მის მიმართ.
– ქალის რამდენიმე ტიპაჟი დაგვიხატა რეჟისორმა, შენთვის, როგორც მამაკაცისთვის, რომელი უფრო საინტერესოა?
– თამუნა ცალსახად – ძლიერი, ჭკვიანი, განათლებული, ლამაზი, გამბედავი და სიახლეების მიმართ გახსნილი, დამოუკიდებელი, საქმიანი და ამავდროულად საკმაოდ თბილი, პლუს ველოსიპედით, აუზით და ცხოვრების ჯანმრთელი წესით – ეს ყველაფერი ერთად ძალიან საინტერესო ქალს ქმნის.
– უამრავი მაყურებელი ჰყავს „ჩემი ცოლის დაქალებს“, თუმცა, ამ ეტაპზე „ხელოვნურმა სუნთქვამ“ყველანაირი რეკორდი მოხსნა. როგორ გგონია, დრამა უყვარს ქართველ მაყურებელს?
– „ჩემი ცოლის დაქალების“ რეიტინგი ძალიან მაღალი და სტაბილურია, ეს, კარგი გაგებით, ძველი და კარგად გამოცდილი სატელევიზიო პროდუქტია, შესაბამისად, ტელევიზორში „ჩემი ცოლის დაქალების“ ყურების ჩვევა ბევრად უფრო გამჯდარია მაყურებელში და ამიტომაც მისი საშუალო რეიტინგი ოდნავ უფრო მაღალია, ვიდრე „ხელოვნური სუნთქვის“. თუმცა „ხელოვნური სუნთქვის“ რეიტინგიც, რაც ყველაზე სასიხარულოა, სერიიდან სერიამდე სტაბილურად მზარდია და გარდა ამისა, უამრავი ადამიანი უყურებს ორივე სერიალს ინტერნეტშიც, რაც მაძლევს საფუძველს დავასკვნა, რომ ჩვენს მაყურებელს დრამაც უყვარს და კომედიაც, თუ კარგად არის გაკეთებული.
– ყველას აინტერესებს რა ჩაიდინა თამუნამ. ვიცი, რომ რეჟისორის გადასაწყვეტია, ალბათ, არ მოკლავთ მთავარ გმირს…
– სამწუხაროდ, ამ თემაზე ვერაფერს გაგიმხელთ, მაგრამ გეტყვით, რომ მეც, როგორც მაყურებელს, ზუსტად ასეთი მოლოდინი მაქვს, თუმცა სერიალი იმისაა, რომ მოულოდნელობებით იყოს აღსავსე, ასე რომ, დაველოდოთ მეორე სეზონის პირველ სერიას.
– ახალი პერსონაჟები თუ შემოვლენ „ხელოვნურ სუნთქვაში“ და როდის განახლდება გადაღებები, როდის ველოდოთ ახალ სერიებს „რუსთავი 2“-ის ეთერში?
– ახალი პერსონაჟები, რა თქმა უნდა, შემოვლენ და თან არცთუ ცოტა. 14 სექტემბრიდან დაიწყება „ხელოვნური სუნთქვა“
ნინო მჭედლიშვილი
1 708 ნახვა
29-08-2016, 23:06
