სოფო შევარდნაძე "ლენინგრადის" სკანდალურ სოლისტთან ერთად ახალ შოუს წაიყვანს

რუსულ "პირველ არხზე" 5 სექტემბერს ახალი თოქ-შოუს პრემიერა გაიმართა, სახელწოდებით "სიყვარულის შესახებ". მისი წამყვანები როკ-ჯგუფ "ლენინგრადის" სკანდალურად ცნობილი ლიდერი სერგეი შნუროვი და საქართველოს მეორე პრეზიდენტის შვილიშვილი სოფიკო შევარდნაძე არიან.

"მსოფლიოს საერთო პრობლემა კომუნიკაციური კავშირების დარღვევაა, ხალხს აღარ ესმის ერთმანეთის. ყველა მწერალია, მაგრამ არავინ კითხულობს. ყველა კონფლიქტი აქედან იწყება: ძალიან ცოტა მსმენელისგან", - ამბობს შნუროვი.

თოქ-შოუ ჩახლართულ სასიყვარულო ურთიერთობებზე იქნება. მისი გმირები რეალური ადამიანები არიან, რომლებსაც ოჯახურ პრობლემებში გარკვევა ესაჭიროებათ. ამაში მათ "ცინიკური" სერგეი და "რბილი" სოფიკო დაეხმარებიან.

"ჩვენ ადამიანებს ვეხმარებით, გააანალიზონ თავიანთი პრობლემები, დაელაპარაკონ ერთმანეთს. ჩვენი გადაცემა კარგი მაგალითი იქნება იმისა, თუ როგორ უნდა გადაწყვიტოთ რთული პრობლემები", - ამბობს სოფო შევარდნაძე.
წყარო: ambebi.ge