ვინ მოიპოვა პლანეტის ყველაზე ლამაზი ადამიანის ტიტული - კადრები ბათუმიდან, სადაც "მისტერ და მის პლანეტა 2016" აირჩიეს

ბათუმში პირველად სილამაზის კონკური "მისტერ და მის პლანეტა 2016" ჩატარდა. ღონისძიება მუსიკალურ ცენტრში გაიმართა. კონკურსში 35 ქვეყანა მონაწილეობდა. "მის პლანეტას" ტიტული 20 წლის ბულგარელმა გოგონამ მოიპოვა, "მისტერ პლანეტა 2016" კი აზერბაიჯანელი ჯოზეფ ჯაფარი გახდა.

კონკურსში საქართველოს სახელით თამუნა ჯიშკარიანი მონაწილეობდა, რომელმაც მესამე ადგილი დაიკავა.

"მისტერ და მის პლანეტა 2016" სამოდელო სააგენტო "კატრინის" ორგანიზატორობით ჩატარდა. კონკურსის ფარგლებში ბათუმს 30-მდე კონკურსანტი და საერთაშორისო ჟიური ეწვია. რაც შეეხება ჟიურის შემადგენლობას, ის დაკომპლექტებული იყო ჟურნალისტების, მომღერლების, დიზაინერების და ადგილობრივი ხელისუფლების წარმომადგენლებისგან.

ნინო ხოზრევანიძე
Ambebi.ge