ულამაზესი ქართველი მოდელი პარიზში Etam-ის ჩვენებაზე გამოვიდა - დაათვალიერეთ 17 წლის ანა შელიას ფოტოები

პარიზის მოდის კვირეულზე 28 სექტემბერს სუპერპოპულარული თეთრეულის ბრენდის Etam-ის ჩვენება გაიმართა. 2017 წლის გაზაფხული-ზაფხულის თვალისმომჭრელი, ჰაეროვანი და ვინტაჟური კოლექციის წარდგენაში მონაწილეობა ათობით მოდელთან ერთად ქართველმა ლამაზმანმა ანა შელიამაც მიიღო.

17 წლის ანა შელია თაკო ჩხეიძის სააგენტოს Geomodels-ის მოდელია და საქართველოში წარმატებულ

და მაღალანაზღაურებად მოდელად ითვლება, ახლა კი მისი სილამაზე ქვეყნის ფარგლებსაც გასცდა და ერთ-ერთი ყველაზე ცნობილი ბრენდის ჩვენებაში პარიზის მოდის კვირეულზე გამოვიდა.

ანა მოდელ ლიკა კვარაცხელიასა და ფეხბურთელ მურთაზ შელიას უფროსი ქალიშვილია.

როგორც ამბობენ, ანა შეყვარებულია. ფეისბუქის და ინსტაგრამის გვერდზე ლამაზმანს განთავსებული აქვს რამდენიმე ფოტო, რომელზეც ის მორაგბე ლაშა ლომიძესთან ერთადაა ასახული.