მონაკოს პრინცის ავტომობილების კოლექცია აუქციონზე გაიტანეს

მონაკოს პრინცმა, ალბერ II საკუთარი ავტომობილების კოლექციიდან 38 მდიდრული და შთამბეჭდავი ავტომობილი აუქციონზე გაიტანა. კოლექციაში მამის, რენიე III ავტომობილებიც შედის. კოლექცია მრავალფეროვანია: 1953 წლის "კადილაკი", 1950 წლის "ბენტლი", "ფიატ 500" და სხვა.

ცნობილია, რომ ალბერ II მამას, რენიე III ავტომობილები ძალიან უყვარდა და წლების განმავლობაში საუკეთესო მარკის კოლექცია შექმნა.

"ყველას აქვს უნიკალური შესაძლებლობა, ავტომობილი საყოველთაოდ ცნობილი ადამიანის პირადი კოლექციიდან შეიძინოს", - აცხადებენ აუქციონის სახლ "Artcurial Motorcars"-ის წარმომადგენლები.

"მე და მამამ კლასიკური ავტომობილების კერძო კოლექცია ერთად შევქმენით. ყველა ავტომობილი ძალიან მიყვარს და ჩემს გულში მნიშვნელოვანი ადგილი უჭირავთ. მინდა, კოლექციას რამდენიმე ახალი მოდელის მანქანა შევმატო", - ამბობს ალბერ II.























მომზადებულია dailymail.co.uk-ის მიხედვით.