ვალერიას 23 წლის ქალიშვილმა საკუთარ მძიმე დაავადებაზე ისაუბრა
23 წლის ანა შულგინა ცნობილი რუსი მომღერლის, ვალერიას ქალიშვილია. მან გადაწყვიტა დედის საქმიანობას გაჰყოლოდა და ვოკალით პროფესიონალურად დაკავდა.
გოგონა დაუჯერებლად წარმატებული აღმოჩნდა. დედასთან ერთად სცენაზე უკვე გამოჩნდა და დღითიდღე სულ უფრო მეტ თაყვანისმცემელს იზიდავს. სამწუხაროდ მისი ბოლო გამოსვლა საშინელი დიაგნოზით დასრულდა, რაც ანას ექიმებმა დაუსვეს.
საკუთარ ინსტაგრამ გვერდზე ანამ თაყვანისმცემლებს ეს ამბავი თავად გაუზიარა: "სამწუხაროდ, გროზნოში გამართალი ულამაზესი საღამოდან, დაავადებული დავბრუნდი. ხმა დავკარგე. დილით ექიმებმა გამსინჯეს და "მწვავე ბრონქიტის" დიაგნოზი დამისვეს. ერთ დღეში ყირგიზეთში უნდა გავფრინდე, როგორ შევძლებ არ ვიცი".
თაყვანისმცემლები ანას გამოჯანმრთელებას უსურვებენ და იმედოვნებენ, რომ გოგონა სცენას მალე დაუბრუნდება.
წყარო: ambebi.ge
