ხუმრობენ ცნობილი ადამიანები
***პოლ რობსონი გაქანებული კოსმოპოლიზმის პერიოდში ჩამოვიდა მოსკოვში კონცერტის გასამართად(1949წ).მომღერალს რეპერტუარში ინგლისური, ზანგურ აფრიკული და ებრაული სიმღერები ჰქონდა.შესაბამის ორგანოებში რობსონს ურჩიეს ებრაული სიმღერები არ შეესრულებინა, მიზეზად დაუსახელეს"საბჭოთა კავშირში ცოტა ებრაელი ცხოვრობენო"
-ზანგები რა ბევრი ცხოვრობენ?-დაინტერესდა რობსონი.
***გოეთე ვაიმარის პარკში სეირნობდა ვიწრო ბილიკზე, წინ კრიტიკოსი შეხვდა,
რომელიც გოეთეს მიმართ მტრულად იყო განწყობილი და მიმართა:-მე სულელებს
გზას არ ვუთმობ! _მე კი პირიქით-მიუგო გოეთემ და ღიმილით გვერდზე გადადგა.
***საგასტროლოდ ახლო აღმოსავლეთში გამგზავრებული ინგლისელი პიანისტი მოულოდნელად უკან დაბრუნდა სამშობლოში. მან დირიჟორ ბიჩემს ასეთი ახსნა-განმარტება მისცა:-იმიტომ დავბრუნდი, რომ არაბებმა ორჯერ ტყვია დამიშინეს.
-რას ამბობ?- მიუგო ბიჩემმა-ვერ
წარმოვიდგენდი, რომ არაბები ასე კარგად ერკვეოდნენ მუსიკაში.
***შინ დაბრუნებულმა ალბერტ აინშტაინმა ფოიეში კარისკაცს მიმართა:-უკაცრავად, სად ცხოვრობს პროფესორი აინშტაინი? -პროფესორი აინშტაინი ხომ თქვენ თვითონ
ბრძანდებით?- კი ვიცი, მაგრამ დამავიწყდა რომელ სართულზე
ვცხოვრობ.
***გერმანელი პოეტი და იუმორისტი მორი გოტლიბ საფირი ერთ
ლიტერატორს ეკამათებოდა.ამ უკანასკნელმა შუა კამათში საკმაოდ გესლიანად
მიუგო პოეტს.-თქვენ ბატონო საფირ ფულისთვის წერთ, მე კი ღირსებისთვის.
- ყოველი ჩვენგანი წერს იმისთვის, რაც აკლია, -უთხრა საფირმა.
***მარკ ტვენმა პირველსავე ლექციაზე თავის ენაკვიმატობით აღაფრთოვანა მსმენელები. ლექცია მან ასე დაიწყო:"იულიუს ცეზარი მოკვდა, შექსპირი მოკვდა, ნაპოლეონი მოკვდა და მეც ვერ ვგრძნობ თავს რაღაც კარგად".
***უკვე წაიკითხეთ ჩემი ლექსები?- დიახ წავიკითხე და მათ შორის ისეთიცაა, რომელსაც პუშკინი და ჰაინეც ვერ დაწერდნენ- ძალიან სასიამოვნოა, მაინც რომელ ლექსებს გულისხმობთ?-ლექსებს რადიოზე და კინოზე!!***
*** დიდი ებრაელი მხატვარი მარკ შაგალი საბჭოთა კავშირს ეწვია.იგი მაშინდელმა კულტურის მინსიტრმა ეკატერინა ფურცევამ მიიწვია.
-მარკ ზახარის ძევ რატომ წახვედით ემიგრაციაში?-ჰკითხა მინისტრმა.
-იმიტომ წავედი ემიგრაციაში, რომ მე მინდოდა მეპოვა უფრო მდიდარი ფერები, სამშობლოში ის ვერ ვიპოვე.
-უცნაურია-შენიშნა მისნისტრმა-საბჭოთა მხატვრებისთის ეს არაა პრობლემა.
-დიახ-უპასუხა შაგალმა-ისინი მხოლოდ წითელ საღებავს ხმარობენ.
*** ქართველი პოეტ ჯანსუღ ჩარკვიანს ერთ-ერთ მწერალთა თავყრილობაზე ერთი სომეხი პოეტი გადაეკიდა.მართალია თუ არა, რომ შოთა რუსთაველი სომეხი იყოო!
ბოლო-ბოლო მოაბეზრა თავი ბატონ ჯანსუღს თავი ამ სომეხმა მწერალმა და ასე უპასუხა:კი სომეხი იყო მაგრამ ისე ეზიზღებოდა საკუთარი ენა გადაწყვიტა ქართულად დაეწერაო.
როგორც ბატონი ჯანსუღი იხსენებს იმის შემდეგ იმ სომეხ მწერალს მისთვის ხმა აღარ გაუცია.
***-რა არის თქვენთვის ყველაზე დიდი ოცნება თქვენო უდიდებულესობავ?ჰკითხეს ერთხელ ლუდოვიკო ХIV-ს.
-რომ ვიყო ლუდოვიკო XV-უპასუხა მეფემ.
*** ერთხელ ვიქტორ ჰიუგო საზღვარგარეთ გაემგზავრა.საზღვარზე ჟანდარმმა შეაჩერა, რომელიც სპეციალურ ანკეტას ავსებდა.
-რით ხართ დაკავებული?-ჰკითხა ჟანდარმმა.
-ვწერ–უპასუხა ჰიუგომ.
-მე ვგულისხმობ შემოსავალი რა გაქვთ, რით არსებობთ?
-კალმით-უპასუხა ჰიუგომ
ჟანდარმმა ანკეტაში ასე ჩაწერა:"ჰიუგო კალმებით მოვაჭრე"
წყარო: intermedia.ge
