Okean Elzy უკვე თბილისშია! - უკრაინული როკ-ჯგუფი კონცერტს 22 ოქტომბერს გამართავს

22 ოქტომბერს თბილისში, სპორტის სასახლეში უკრაინული როკ-ჯგუფის Okean Elzy-ს კონცერტი გაიმართება. ჯგუფი უკვე თბილისშია და ისინი ქართველ მსმენელთან შეხვედრისთვის ემზადებიან.

Okean Elzy თბილისს მსოფლიო ტურნეს ფარგლებში ესტუმრება. პროგრამა შედგება როგორც ძველი, კარგად ცნობილი, ასევე ახალ ალბომში შესული სიმღერებისგან. ახალ ალბომში შესულია 11 კომპოზიცია, რომელთა ავტორი გახლავთ სვიატოსლავ ვაკარჩუკი.

ლეგენდარული როკ-ჯგუფი უკვე 22 წელია მუსიკალურ სფეროში მოღვაწეობს. მისი ხელმძღვანელი და სოლისტი სვიატოსლავ ვაკარჩუკია. რაც შეეხება საქართველოსთან ურთიერთობას, ჯგუფმა სიმღერის "Не йди" კლიპი საქართველოში გადაიღო.
წყარო: .ambebi.ge