X
  • როგორ მოვაწყოთ ფოტოსტუდია სახლში


    მზად ხართ გადაეშვათ ფოტოგრაფიის ბიზნესში, მაგრამ არა
    იმისთვის რომ უამრავი ფული დახარჯოთ პროფესიონალური ფოტოსტუდიის მოწყობაზე? არ იდარდოთ.
    შესაძლებელია პროფესიონალური დონის ფოტოსტუდიის მოწყობა თქვენს სახლში სულ რამდენიმე
    ნაბიჯის გათვალისწინებით. ეს სტატია მოგცემთ მცირე ინსტრუქციას როგორ მოაწყოთ პატარა
    სტუდია თქვენი ბიზნესისთვის.


    image


    პირველ რიგში უნდა გაითვალისწინოთ ოთახის ფერები, სადაც
    სტუდიის მოწყობას გეგმავთ. თუ ოთახი მუქი ფერშია გადაწყვეტილი აუცილებლად აირჩიეთ ღია,
    ნეიტრალური ფერის საღებავი და გადაღებეთ კედლები.









    image


     


    შემდგომ შეგიძლიათ გაშალოთ ე.წ. ბრეზენტი ან რაიმე მსგავსი,
    რათა იატაკი დაიცვათ. სასურველია ასევე იყოს ნეიტრალური ფერის ან მოყავისფრო. ეს შედარებით
    თბილ ფერებს შეგიქმნით ოთახში.







    image


     


    ძალიან მნიშვნელოვანია უკანა ფონის მოწყობა. პირველ
    რიგში ბევრად იაფი და მარტივია უკანა ფონი სპეციალური პატარა სამაგრებით დაამაგროთ
    კედელზე მაღლა ან სულაც ჭერზე; ასე საკმაო ადგილს და ფულს გაზოგავთ. თუმცა, ასევე შესაძლებელია
    დამაგრდეს სადგამებზეც. უკანა ფონად შეგიძლიათ გამოიყენოთ სპეციალური მატერია ან ე.წ.
    „seamless roll”-ები ქაღალდისგან. მატერია უმჯობესია რადგან დიდხანს
    შეგიძლიათ გამოყენება, იკეცება და ადვილად შეიძლება მისი გადატანა, თუმცა
    ნაკეცები აქვს, რომლებიც უნდა გაასწოროთ სანამ გადაღებას შეუდგებით. ქაღალდის როლი
    ამ მხრივ ძალიან მოსახერხებელია, რადგან შეუმჩნეველ ფონს ქმნის, თუმცა ადვილად ზიანდება
    და ჭუჭყიანდება.


    image





    აუცილებლად დაგჭირდებათ სკამი. მეტალის, ხის ან ნებსმიერი


    თქვენთვის სასურველი მასალისგან. აუცილებელია გქონდეთ რაიმე რაზეც დაჯდომა შეიძლება.









    imageთუ ოთახში გაქვთ ფანჯარა, შეგიძლიათ გამოიყენოთ დღის
    შუქი ან უბრალოდ შავი ფარდით დააბნელოთ და იმუშაოთ მხოლოდ ხელოვნური განათებით. შესაძლებელია
    განათების სახლის პირობებში მოწყობაც (რაზეც უამრავ სასწავლო ვიდეოს ნახავთ ინტერსნეტსივრცეში),
    თუმცა პროფესიონალები გვირჩევენ, რომ სასურველია შევიძინოთ განათების კარგი აღჭურვილობა.


    წყარო: intermedia.ge
    1 080 ნახვა
    23-10-2016, 00:40
    GOGATV