• რა ვაჩუქოთ? საინტერესო რჩევები, რომელიც გამოგადგებათ...

    საჩუქარი საკუთარი თავისთვის... თუ თქვენ ჩუქნით ისეთ რამეს, რომლითაც თავადაც შეძლებთ, ისარგებლოთ, ეს უსამართლობაა! საჩუქარი უნდა იყოს ინდივიდუალური და განკუთვნილი მხოლოდ მისთვის!

    საჩუქარი იარლიყით... ეს ეტიკეტის ელემენტარული წესია, მაგრამ მაინც შეგახსენებთ: იარლიყი საჩუქარს აუცილებლად უნდა მოაშოროთ!

    კოსმეტიკა, ბიჟუტერია... ასეთი საჩუქარი შეიძლება მხოლოდ ქალმა აჩუქოს ქალს! ვერცერთი კაცი შეძლებს ქალს აჩუქოს ისეთი დეკორატიული კოსმეტიკა, რომელსაც ის რეალურად გამოიყენებს. ბიჟუტერია - სხვა საკითხია. ის აღიქმება როგორც ფულის ეკონომია, იაფფასიანი სამკაული. ასეთი საჩუქარი შესაფერისია სკოლის ასაკის ბიჭისთვის, მაგრამ არა - ზრდასრული მამაკაცისთვის! თუ თქვენ ჩუქნით სამკაულს, დაივიწყეთ ფულის ეკონომია!

    საჩუქრები ”ინტიმურობის ზღვართან”... ასეთს მიეკუთვნება პირველ რიგში სუნამო. მისი ჩუქების უფლება მხოლოდ საყვარელ ადამიანს აქვს. განსაკუთრებული სიფრთხილით უნდა მოეკიდოთ მამაკაცის არომატებს! ნაჩუქარმა სუნამომ ”უბრალოდ მეგობრისთვის” შეიძლება მისი პარტნიორის, მეორე ნახევრის ეჭვიანობა გამოიწვიოს და ასეთი დაუფიქრებელი საჩუქრით ადამიანს დღესასწაული ჩაუშხამოთ. კიდევ უფრო ინტიმური საჩუქარი - თეთრეული! თუ მაინცდამაინც ის გსურთ აჩუქოთ თქვენს საყვარელ ადამიანს, მაშინ შეიძლება, ისეთი რამ უყიდოთ, რაც 100% ზომაში თანხვედრას არ საჭიროებს ან უკეთესია, სასაჩუქრე ბარათი იყიდოთ და აარჩიოს ის, რაც თავად სურს. ამავე დროს ეს თქვენთვისაც სიურპრიზი იქნება!

    საყოფაცხოვრებო საჩუქრები... ქალებს არავითარ შემთხვევაში არ აჩუქოთ სამზარეულოსთან დაკავშირებული ნივთები, თუნდაც სასარგებლო საყოფაცხოვრებო ტექნიკა ან კარგი ჭურჭელი. გამონაკლისს წარმოადგენს შამპანურის ბოკალი ან ფაიფური. კაცებს რაც შეეხება, პრობლემა ეტიკეტში კი არაა, არამედ - ტექნიკური. თუ მამაკაცს ნამდვილად შეუძლია საყოფაცხოვრებო ინსტრუმენტებით სარგებლობა, დიდი შანსია, მას ამ სფეროში სრულიად განსაზღვრული მოთხოვნები ქონდეს. თქვენ ამ შემთხვევაში სერიოზულად რისკავთ!

    წიგნი წარწერით... ამ შემთხვევაში ორი რამ უნდა გაითვალისწინოთ: ჯერ ერთი, წიგნი უნდა იყოს კარგი პოლიგრაფიული ხარისხის, მეორეც - წარწერა არ გააკეთოთ მასზე, თუ ავტორი თავად არ ბრძანდებით. უბრალოდ, საჩუქარს ღია ბარათი დაურთეთ!

    ცოცხალი საჩუქრები... არ შეიძლება შინაური ცხოველის ჩუქება ვინმესთვის, გარდა საკუთარი შვილისა. ვფიქრობთ, ეს ტაბუ ყველასთვის მისაღებია და არ საჭიროებს დამატებით არგუმენტაციას!

    "მორიგე საჩუქრები"... თქვენს მიერ ნაჩუქარი ნივთი თუ უახლოეს მაღაზიაში იყიდება, ეს ცუდია! საჩუქარი იმითაა ფასეული, რომ თქვენ დახარჯეთ დრო, ფული, ფანტაზია, ენერგია, რათა გაახაროთ დღესასწაულის მიზეზი. ეცადეთ, ჩამოთვლილთაგან ერთი პუნქტი მაინც შეასრულოთ. ის რასაც აჩუქებთ, ვიტრინებში თვალში არ უნდა ეჩხირებოდეს.

    მინიშნება ნაკლზე... საჩუქარი, რომელიც მიუთითებს ნაკლზე, არ ღირს აჩუქოთ, ეს ნაკლი სულ რომ არ არსებობდეს. მაგ. კანის მოვლის საშუალებები...”აჰ! ე.ი. მე პრობლემური კანი მაქვს და ეს ასე შესამჩნევია?” დაივიწყეთ ”სილამაზის” ყველა შესაძლო საშუალება: ეპილატორები, მანიკურის ნაკრები და ა.შ.

    ტკბილეული... კანფეტების ნაკრები და ტორტი დაფასოებული სახით - ეს ურიგო საჩუქარი არაა ექიმებისთვის, მასწავლებლებისთვის, მაგრამ არავითარ შემთხვევაში - ახლობელი ადამიანისთვის! მამაკაცებისთვის კანფეტის ჩუქება კატეგორიულად აკრძალულია. სხვა საქმეა ექსკლუზიური საკონდიტრო ნაწარმი, მაგ. ტორტი, შოკოლადის სკულპტურა და ა.შ.

    ალკოჰოლურ სასმელებზე... არ ღირს მათი ჩუქება ქალებისთვის. ბოთლი ღვინის ან შამპანურის ჩუქება რესტორანში ”გვერდითი მაგიდიდან” -კარგი ჟესტია, მაგრამ მაგ. დაბადების დღეზე არ ღირს ისეთი სასმელის ჩუქება, რომელიც არაა ელიტარული და განსაკუთრებულ ყურადღებას არ იმსახურებს. ძვირფასი ალკოჰოლური სასმელები შეიძლება და აუცილებელიცაა აჩუქო კოლეგებს და ხელმძღვანელ პირებს. მოგზაურობიდან დაბრუნებისას, მშვენიერი საჩუქარია მეგობრებისთვის იმ ქვეყნის ეროვნული სასმელების ჩამოტანა, რომლიდანაც ჩამოხვედით.
    9 514 ნახვა
    GOGATV