• „ჩემთვის პატიოსნება ქალიშვილობით არ განისაზღვრება“ - ილო ბეროშვილი

    - რა იქცევს პირველ რიგში თქვენს ყურადღებას, როდესაც ქალს ხედავთ?
    - რა თქმა უნდა, ფული...(იცინის) ვხუმრობ. ჩემთვის ძალიან დიდი მნიშვნელობა აქვს საუბრის მანერას, იუმორის გრძნობას და ინტელექტს. რაც შეეხება ვიზუალურ მხარეს, სანამ ხმას ამოიღებს, პირველ რიგში რატომღაც კანი მხვდება თვალში. ასევე, თვალები, იმიტომ რომ ძალიან ეფექტურია როცა გოგოს ლამაზი თვალები აქვს, ასე ვთქვათ ყველაზე ცოცხალია თვალები.

    - თქვენ ახსენეთ საუბრის მანერა, ეს ინდივიდუალურია, როგორი საუბრის მანერას ანიჭებთ უპირატესობას? მშვიდი გოგონები უფრო გიზიდავთ, თუ აქტიურები?

    - მე მიყვარს ბუნებრიობა, მთავარია ბუნებრივი იყოს ადამიანი. ყოფილა შემთხვევა როცა მელანქოლიური მანდილოსანი მომწონებია, მხიარული და პოზიტიური, ან პირიქით უხეში და "სწერვა" ქალებითაც მოვხიბლულვარ. მაღიზიანებს ისეთი ქალები, ვინმეზე თავის მოსაწონებლად, რომ ხუმრობენ. მიყვარს თბილი ქალები, მზრუნველები, საჭმელს რომ გიმზადებენ, სულ რომ გივლიან...

    - ეთანხმებით იმ ფრაზას, რომ კაცის გულისკენ მიმავალი გზა კუჭზე გადის?

    - (იცინის) სხვათა შორის გარკვეულწილად ვეთანხმები. მაგრამ საქმე საჭმელში კი არაა, უბრალოდ როცა ქალი გიკეთებს საჭელს, ძან დიდი მნიშვნელობა აქვს განწყობას. შეიძლება, საჭმელი გემრიელი იყოს, მაგრამ ისე მოგიგდოს, აჰა ცეცხლეო, ყველაფრის სურვილი დაგიკარგოს (იცინის)... ან პირიქით, შეიძლება კერძი სულაც არ იყოს განსაკუთრებული, მაგრამ ისე თბილად და სიყვარულით შემოგთავაზოს ქალმა, რომ სწორედ ამ შემოთავაზებით მოგანიჭოს ბედნიერება. ქართველ ქალებს არც ისე შესაშურად გამოსდით საჭმლის კეთება. ალბათ იმიტომ რომ, იმდენად ყოველდღიურ მოვალეობად მიაჩნიათ, რომ საყვარელ კაცს მხოლოდ ვალდებულებისთვის თავაზობენ საჭმელს.

    - ამბობენ, რომ ზოგიერთ მამაკაცს მასზე ძლიერი და ჭკვიანი ქალები აშინებს. თქვენ შემთხვევაში როგორაა? ჭკვიანი და ძლიერი ქალები გიზიდავთ, თუ პირიქით გაშინებთ?
    - გეთანხმებით, განსაკუთრებით საქართველოში. მართალია, არ მიყვარს, როცა საქართველოს სხვა ქვეყნებთან ხშირად ადარებენ, მაგრამ ფაქტია: ქართველი მამაკაცების უმეტესობას ჭკვიანი, ძლიერი და სხვათა შორის ლამაზი ქალების შიში აქვთ. როდესაც ლამაზი ცოლი ჰყავთ, იმის ნაცვლად, რომ წარმოაჩინონ ეს სილამაზე და იამაყონ ამით, ცოლებს მალავენ.

    - რით განისაზღვრება თქვენთვის ქალის პატიოსნება?

    - არიან გოგოები, რომლებიც უამრავ პარტნიორს იცვლიან და ამის მიუხედავად ახერხებენ ჩაბარდნენ ქმრებს ქალიშვილები, ამიტომ ჩემთვის პატიოსნება ქალიშვილობით არ განისაზღვრება. 19 წლის გოგოს თუ 100 კაცი ეყოლება გამოცვლილი, რა თქმა უნდა გამიჩნდება ეჭვი, რომ რაღაც არ აქვს რიგზე, თუმცა ზოგადად არც პარტნიორების რაოდენობით განვსაზღვრავ პატიოსნებას.

    საქართველოში ორი უკიდურესობაა, საზოგადოება დაცინის და აკომპლექსებს 26- 27 წლის გოგოს, რომელიც ქალიშვილია, ხოლო მეორე ნაწილი ლანძღავს იმავე ასაკის არაქალიშვილ გოგოს. ეს არასწორია.
    ჩემთვის მთავარია შინაგანი წესიერება და ნდობა.

    - ემოციურ მიჯაჭვულობას განიცდით ქალთან?

    - კი, რა თქმა უნდა. საყვარელ ადამიანთან დაშორება მიჭირს

    - რას ვერ აპატიებთ საყვარელ ქალს?

    - ალბათ, თავის გასულელებას. ისე ხდება ხოლმე, რომ მამაკაცი ბოლომდე იხსნება ქალი კი ამას არ აფასებს, მეტიც, სისუსტეში უთლის. ამას თავის გასულელება ქვია.

    - შეგიძლიათ ვინმეს იდეალური ქალი უწოდოთ, თქვენი ნაცნობი მანდილოსნებიდან, ან ფილმის/წიგნის პერსონაჟებიდან?

    - მე ვისაც ვიცნობ, იდეალურს ვერავის
    ვუწოდებ. ფილმის პერსონაჟს რაც შეეხება, ბეჭდების მბრძანებლიდან ლივ ტაილერი.

    - როგორ ფიქრობთ ქართველ ცნობილ სახეებს შორის ვინ არის ყველაზე ახლოს იდეალური ქალის მცნებასთან?

    - ამის სათქმელად ძალიან ახლოს უნდა იცნობდე ადამიანს, მაგრამ შორიდან რასაც ვუყურებ, კარგ შთაბეჭდილებას მიტოვებს თათია დოლიძე. ძალიან ლამაზია, ძალიან ჭკვიანი, დამოუკიდებელი, ძლიერი და ქალურია. მარიამ ვაშაძეც კარგი გოგოა.

    - შენი ყოფილი პარტნიორებიდან რომელიმეს თუ გამოარჩევდი?

    - ჩემი ყოფილი მეუღლე. ის ჩემი შვილების დედაა და სწორედ ეს ხდის მას გამორჩეულს.

    - ცნობილი სახეებიდან რომელიმესთან რომანტიული ურთიერთობა ან ფლირტი გქონიათ?

    - დიდად შოუ ბიზნესის "ტუსოვკაში" არ ვარ ხოლმე, მაგრამ ფლირტი ძალიან ხშირად მაქვს, მათ შორის ცნობილ სახეებთანაც.

    - ამჟამად დაკავებულია თქვენი გული?

    - არა, ამჟამად ჩემი ტვინია დაკავებული (იცინის). სერიოზული ურთიერთობა არ მაქვს არავისთან, ამასწინად სწორედ ამაზე ვფიქრობდი. მოკლეხნიანმა ურთიერთობებმა ცოტა დამღალა. დილით გავიღვიძე და რომ გავაცნობიერე, რომ მარტო ვარ უცნაური გრძნობა გამიჩნდა... ხომ იცით, „ოთარაანთ ქვრივში“ რომ ამბობს გიორგი კესოზე, შენი ჩუსტები დამანახა ჩემ საწოლთან და მერე თუ გინდა ურმის თვალზე წამომაცვაო. მომენატრა, როცა ვიღაც ზრუნავს.

    - რისი დათმობა შეგიძლია საყვარელი/იდეალური ქალისთვის?

    - ყველაფრის, გარდა ჩემი შვილებისა.

    - თვისება, რომელიც აუცილებლად უნდა ქონდეს იდეალურ ქალს.
    - ნამდვილი სიყვარული უნდა შეეძლოს.

    - როგორ ფიქრობ, ქალად რომ დაბადებულიყავი შეძლებდი ყოფილიყავი ისეთი ქალი როგორსაც შენ იდეალურს უწოდებ? თუ არა, როგორი იქნებოდი?

    - ვიმუშავებდი ჩემ თავზე, შევეცდებოდი და ახლა უკვე, ალბათ ვიქნებოდი ისეთი ქალი, როგორსაც მე იდეალურს ვუწოდებ.

    მარიამ კაკაურიძე
    reitingi.ge
    1 096 ნახვა
    GOGATV