საბავშვო ევროვიზია 2016-ის გამარჯვებული საქართველო გახდა

საბავშვო ევროვიზიის სიმღერის რიგით მე-14 კონკურსზე, რომელიც მალტის დედაქალაქ ვალეტაში გაიმართა გამარჯვებული საქართველოს წარმომადგენელი მარიამ მამარდაშვილი გახდა სიმღერით "მზე".

17 ფინალისტიდან საქართველომ ყველაზე მეტი 239 ქულა დააგროვა, მეორე ადგილზე გავიდნენ სომხეთის წარმომადგენელები ანაიტ ადამიანი და მერი ვარდანიანი სიმღერით "Tarber"(232 ქულით), ხოლო მესამე ადგილი იტალიელმა ფიამა ბოჩამ დაიკავა სიმღერით-"Cara Mamma".(209 ქულა)

საბავშვო ევროვიზია 2003 წლიდან იმართება და საქართველოს წარმატება კოლოსალურია(დიდებისგან განსხვავებით), ჩვენი ქვეყნის პატარებმა უკვე მესამედ გაიმარჯვეს.2008 წელს ბზიკებმა სიმღერით "ბზზ", ხოლო 2011 წელს CANDY-იმ კომპოზიცია "Candy Music"-ით.ჯერჯერობით საბავშვო ევროვიზიის ისტორიის მანძილზე სამჯერ არცერთ ქვეყანას არ გაუმარჯვია.