რატომ იწერს თინი გალდავა სურვილებს დღიურში
ჩემთვის ბედნიერება სიმშვიდესა და სტაბილურობაშია
"მატერიალური სტაბილურობა ჩემთვის სიმშვიდესთან ასოცირდება. საკუთარი შემოსავალი გათვლილი არასდროს მაქვს. ვხარჯავ იმდენს, რამდენიც იმ დღეს საფულეში მაქვს", - მითხრა მსახიობმა თინი გალდავამ, რომელმაც ახლახან საჩუქრად ავტომობილი მიიღო.
- მატერიალურად დამოუკიდებელი ადამიანი ხარ?
- შეიძლება ითქვას, რომ დამოუკიდებელი ვარ. საკუთარ შემოსავალს არაფერი სჯობს. ამ მხრივ თუნდაც, მშობლებზე დამოკიდებულება ძალიან ცუდია. თუკი შრომა არ გეზარება, აუცილებლად იქნები მატერიალურად დამოუკიდებელი, რაც თავისთავად, თავდაჯერებულს გხდის და კმაყოფილებას განიჭებს.
- პირველი ანაზღაურება როდის აიღე, გახსოვს?
- პირველად 16 წლის ასაკში გადამიხადეს ფული: რეკლამაში გადამიღეს. სამწუხაროდ, არ მახსოვს, ის თანხა რაში დავხარჯე. სამაგიეროდ, ის მახსოვს, რომ ახალი წლის ღამეს, დედამ ზუსტად ის სამკაული მაჩუქა, რასაც რეკლამა გავუკეთე. ამით ძალიან გამაბედნიერა. იცოდა, რომ მომწონდა და გამახარა.
- ფულის ეკონომიურად ხარჯვა თუ შეგიძლია?
- ფულის ეკონომიურად ხარჯვა ნამდვილად არ შემიძლია. ვერ ვაკონტროლებ. სახლში რომ მივდივარ, მაშინ ვიწყებ ფიქრს, - დღეს თანხა სად და რაში დავხარჯე-მეთქი? ამ თვისების გამოსწორება მინდა, მაგრამ არ გამომდის. ჩვეულება რჯულზე უმტკიცესიაო, რომ ამბობენ, სიმართლეა... მშურს იმ ადამიანების, ვისაც ფულის ეკონომიურად ხარჯვა გამოსდის.
- ბავშვობაში ყულაბაში მაინც არ მოგიგროვებია ფული?
- კი და მახსოვს, ფულის შეგროვების მცდელობა რომ მქონდა. თუმცა, ყულაბაში დიდხანს არ ვაჩერებდი; ერთი სული მქონდა, როდის გავხსნიდი. სხვათა შორის, ბავშვობაში ფულის საშოვნელად ძალიან კარგი ხერხი მქონდა მოფიქრებული: მამაჩემი მე და ჩემს ძმებს თითო ლექსში 50 თეთრს გვიხდიდა. ლექსებს თავად ვწერდით, მამას ვუკითხავდით, ის კი კარგად ხალისობდა (იღიმის).
- ხშირად გქონიათ ფინანსური კრიზისი? ვის მიმართავთ ხოლმე ამ დროს დასახმარებლად?
- ყველა ადამიანის ცხოვრებაში დგება მომენტი, როცა ფული არ აქვს. თუმცა, მე ეს დიდად არასდროს მიგრძნია, რადგან მშობლები ყოველთვის მხარში მიდგანან და იმაზე მეტს მიკეთებენ, ვიდრე ვითხოვ. მადლობა მათ ამისთვის.
- ყველაზე დიდი სიამოვნებით, ფულს რაში ხარჯავ?
- ძალიან მიყვარს შოპინგი, ახლობელი ადამიანებისთვის საჩუქრების ყიდვა. ეს კარგ განწყობაზე მაყენებს.
- თუ შეგიძლია გაიხსენო მომენტი, როცა ფულის სესხება დაგჭირდა და შენი დახმარება ვერავინ შეძლო?
- ვერ ვიხსენებ. ფული არასდროს მისესხებია და არც გამისესხებია... თუმცა, თუ ვინმეს ჩემი დახმარება სჭირდება, უკან არასდროს ვიხევ.
- ოფიციალური სამსახური თუ გქონია და ხელფასის თვიდან თვემდე გადანაწილებას თუ ახერხებდი?
- კი, მქონია ოფიციალური სამსახური, სადაც ყოველთვიურად, სტაბილურად ვიღებდი გარკვეულ თანხას, მაგრამ რასაკვირველია, თვიდან თვემდე მის გადანაწილებას ვერაფრით ვახერხებდი.
- რას ნიშნავს შენთვის ფინანსური სტაბილურობა?
- არაფერი ვარგა არც ძალიან ბევრი და არც ძალიან ცოტა... ჩემთვის ბედნიერება სიმშვიდესა და სტაბილურობაშია. როდესაც არ გაქვს ხვალინდელი დღის შიში, აკეთებ შენს საყვარელ საქმეს და რაც მთავარია, მატერიალურად სხვაზე დამოკიდებული არ ხარ - ეს იდეალური ვარიანტია. სტაბილურობა ჩემთვის სიმშვიდესთან ასოცირდება.
- ყოველთვის გაქვს დანაზოგი გაუთვალისწინებელი ხარჯებისთვის?
- ყოველთვის კი არა, დანაზოგი არასდროს მაქვს. ვცხოვრობ დღევანდელი დღით, რადგან არ ვიცი, ხვალ რა იქნება. შეიძლება, ასე იმიტომ ვიქცევი, რომ ყოველთვის მაქვს მშობლების იმედი.
- გაიხსენე ყველაზე ძვირად ღირებული საჩუქარი, რომელიც შენთვის მოურთმევიათ...
- ჰმ! მამამ რამდენიმე თვის წინ მანქანა მაჩუქა (იღიმის). ეს საოცარი სიურპრიზი იყო!
- ბავშვობაში ფულს ხშირად გჩუქნიდნენ?
- არ მახსენდება. თუმცა, ალბათ მჩუქნიდნენ.
- რას აკეთებ საიმისოდ, რომ საკმარისი თანხა გამოიმუშაო?
- ამ ეტაპზე, საამისოდ ბევრს არაფერს ვაკეთებ. თუმცა, მიზნები მაქვს და მჯერა, მათ განვახორციელებ. სხვათა შორის, მაქვს დღიური, სადაც ჩემს ოცნებებსა და სურვილებს ვიწერ და მერე უკვე ვადგენ გეგმას, თუ როგორ უნდა ვიმოქმედო, რომ სასურველს მივაღწიო. გეგმის გარეშე მიზნების განხორციელება შეუძლებელია. ზოგჯერ ისეც ხდება, რომ ჩემს დღიურში რაღაცები იშლება... "სულ პატარა" მიზანსაც კი ვწერ და მერე აღვნიშნავ, როდის და რას მივაღწიე.
- საკუთარი შრომის ანაზღაურებით, ყველაზე ძვირად ღირებული, რა შეგიძენია?
- თავად ვიყიდე კომპიუტერი, ლეპტოპი (იღიმის). სხვა ისეთ მნიშვნელოვან ნივთს ვერ ვიხსენებ.
- საფულე რამდენად მნიშვნელოვანი აქსესუარია შენთვის?
- საფულე საერთოდ არ მაქვს. ოდესღაც მქონდა, მაგრამ დიდი ხანია, აღარ ვატარებ. ჩემთვის არაკომფორტული აქსესუარია.
- კოსმეტიკის შესაძენად ბევრ ფულს ხარჯავ?
- კი... უფრო სწორედ, კოსმეტიკური საშუალებებით დედა მამარაგებს (იღიმის). ამ საკითხში ის უკეთ ერკვევა და შესაბამისად, მის გემოვნებას ვენდობი. ვიცი, რასაც მომიტანს, აუცილებლად ხარისხიანი იქნება. სულ ეშინია, არ გავიფუჭო სახის კანი, თმა.
- როგორ ფიქრობ, ბევრი ფულით წარმატების მიღწევა გაცილებით იოლია?
- ალბათ, კი... რა თქმა უნდა, ფულს ძალიან დიდი ძალა აქვს. შეუძლია, ბევრ ადამიანზე ზეგავლენა მოახდინოს, მაგრამ შრომას არანაკლები ფასი აქვს. ფულით მოპოვებული წარმატება შეიძლება, დროებითი აღმოჩნდეს. ვთვლი, შრომით მიღწეული მიზანი გაცილებით გემრიელი და დასაფასებელია.
- შენი აზრით, რა თანხაა ყოველთვიურად საჭირო იმისთვის, რომ ადამიანმა ნორმალურად იცხოვროს?
- ეჰ! არ ვიცი... რამდენი ნული სჭირდება ამ ყველაფერს?! თუმცა, ისიც უნდა ვთქვა, რომ ბედნიერება ფულში არ არის. მთავარია, ადამიანმა რა შემოსავალიც გაქვს, იმის გათვლა და სწორად ხარჯვა იცოდეს - ამ შემთხვევაში, ყველაფერი კარგად იქნება.
- ოდესმე ფული თუ გიპოვია?
- კი, მიპოვია ბავშვობაში. ბევრი - არა, ხურდები, მაგრამ მაინც მიხაროდა.
- საბანკო მომსახურებით თუ სარგებლობ?
- ამ მომსახურებას მხოლოდ მაშინ ვიყენებ, როცა რაღაც საჭირო ნივთის შეძენა მინდა და თანხა არ მაქვს. განვადებებით ბევრჯერ მისარგებლია.
- კარგი გადამხდელი ხარ?
- დიახ, პასუხისმგებლობის დიდი გრძნობა მაქვს.
- მშობლებს ფული ბოლოს როდის სთხოვე?
- მშობლებს ფულს კარგა ხანია, აღარ ვთხოვ, მაგრამ როცა თავად მაძლევენ, რა თქმა უნდა, უარს არ ვამბობ (იცინის).
- მდიდარი რომ იყო, პირველ რიგში, რას გააკეთებდი?
- ძალიან ბევრ ისეთ რამეს გავაკეთებდი, რაც არა მარტო მე, არამედ ბევრ ადამიანს გაახარებდა.
წყარო: ambebi.ge
"მატერიალური სტაბილურობა ჩემთვის სიმშვიდესთან ასოცირდება. საკუთარი შემოსავალი გათვლილი არასდროს მაქვს. ვხარჯავ იმდენს, რამდენიც იმ დღეს საფულეში მაქვს", - მითხრა მსახიობმა თინი გალდავამ, რომელმაც ახლახან საჩუქრად ავტომობილი მიიღო.
- მატერიალურად დამოუკიდებელი ადამიანი ხარ?
- შეიძლება ითქვას, რომ დამოუკიდებელი ვარ. საკუთარ შემოსავალს არაფერი სჯობს. ამ მხრივ თუნდაც, მშობლებზე დამოკიდებულება ძალიან ცუდია. თუკი შრომა არ გეზარება, აუცილებლად იქნები მატერიალურად დამოუკიდებელი, რაც თავისთავად, თავდაჯერებულს გხდის და კმაყოფილებას განიჭებს.
- პირველი ანაზღაურება როდის აიღე, გახსოვს?
- პირველად 16 წლის ასაკში გადამიხადეს ფული: რეკლამაში გადამიღეს. სამწუხაროდ, არ მახსოვს, ის თანხა რაში დავხარჯე. სამაგიეროდ, ის მახსოვს, რომ ახალი წლის ღამეს, დედამ ზუსტად ის სამკაული მაჩუქა, რასაც რეკლამა გავუკეთე. ამით ძალიან გამაბედნიერა. იცოდა, რომ მომწონდა და გამახარა.
- ფულის ეკონომიურად ხარჯვა თუ შეგიძლია?
- ფულის ეკონომიურად ხარჯვა ნამდვილად არ შემიძლია. ვერ ვაკონტროლებ. სახლში რომ მივდივარ, მაშინ ვიწყებ ფიქრს, - დღეს თანხა სად და რაში დავხარჯე-მეთქი? ამ თვისების გამოსწორება მინდა, მაგრამ არ გამომდის. ჩვეულება რჯულზე უმტკიცესიაო, რომ ამბობენ, სიმართლეა... მშურს იმ ადამიანების, ვისაც ფულის ეკონომიურად ხარჯვა გამოსდის.
- ბავშვობაში ყულაბაში მაინც არ მოგიგროვებია ფული?
- კი და მახსოვს, ფულის შეგროვების მცდელობა რომ მქონდა. თუმცა, ყულაბაში დიდხანს არ ვაჩერებდი; ერთი სული მქონდა, როდის გავხსნიდი. სხვათა შორის, ბავშვობაში ფულის საშოვნელად ძალიან კარგი ხერხი მქონდა მოფიქრებული: მამაჩემი მე და ჩემს ძმებს თითო ლექსში 50 თეთრს გვიხდიდა. ლექსებს თავად ვწერდით, მამას ვუკითხავდით, ის კი კარგად ხალისობდა (იღიმის).
- ხშირად გქონიათ ფინანსური კრიზისი? ვის მიმართავთ ხოლმე ამ დროს დასახმარებლად?
- ყველა ადამიანის ცხოვრებაში დგება მომენტი, როცა ფული არ აქვს. თუმცა, მე ეს დიდად არასდროს მიგრძნია, რადგან მშობლები ყოველთვის მხარში მიდგანან და იმაზე მეტს მიკეთებენ, ვიდრე ვითხოვ. მადლობა მათ ამისთვის.
- ყველაზე დიდი სიამოვნებით, ფულს რაში ხარჯავ?
- ძალიან მიყვარს შოპინგი, ახლობელი ადამიანებისთვის საჩუქრების ყიდვა. ეს კარგ განწყობაზე მაყენებს.
- თუ შეგიძლია გაიხსენო მომენტი, როცა ფულის სესხება დაგჭირდა და შენი დახმარება ვერავინ შეძლო?
- ვერ ვიხსენებ. ფული არასდროს მისესხებია და არც გამისესხებია... თუმცა, თუ ვინმეს ჩემი დახმარება სჭირდება, უკან არასდროს ვიხევ.
- ოფიციალური სამსახური თუ გქონია და ხელფასის თვიდან თვემდე გადანაწილებას თუ ახერხებდი?
- კი, მქონია ოფიციალური სამსახური, სადაც ყოველთვიურად, სტაბილურად ვიღებდი გარკვეულ თანხას, მაგრამ რასაკვირველია, თვიდან თვემდე მის გადანაწილებას ვერაფრით ვახერხებდი.
- რას ნიშნავს შენთვის ფინანსური სტაბილურობა?
- არაფერი ვარგა არც ძალიან ბევრი და არც ძალიან ცოტა... ჩემთვის ბედნიერება სიმშვიდესა და სტაბილურობაშია. როდესაც არ გაქვს ხვალინდელი დღის შიში, აკეთებ შენს საყვარელ საქმეს და რაც მთავარია, მატერიალურად სხვაზე დამოკიდებული არ ხარ - ეს იდეალური ვარიანტია. სტაბილურობა ჩემთვის სიმშვიდესთან ასოცირდება.
- ყოველთვის გაქვს დანაზოგი გაუთვალისწინებელი ხარჯებისთვის?
- ყოველთვის კი არა, დანაზოგი არასდროს მაქვს. ვცხოვრობ დღევანდელი დღით, რადგან არ ვიცი, ხვალ რა იქნება. შეიძლება, ასე იმიტომ ვიქცევი, რომ ყოველთვის მაქვს მშობლების იმედი.
- გაიხსენე ყველაზე ძვირად ღირებული საჩუქარი, რომელიც შენთვის მოურთმევიათ...
- ჰმ! მამამ რამდენიმე თვის წინ მანქანა მაჩუქა (იღიმის). ეს საოცარი სიურპრიზი იყო!
- ბავშვობაში ფულს ხშირად გჩუქნიდნენ?
- არ მახსენდება. თუმცა, ალბათ მჩუქნიდნენ.
- რას აკეთებ საიმისოდ, რომ საკმარისი თანხა გამოიმუშაო?
- ამ ეტაპზე, საამისოდ ბევრს არაფერს ვაკეთებ. თუმცა, მიზნები მაქვს და მჯერა, მათ განვახორციელებ. სხვათა შორის, მაქვს დღიური, სადაც ჩემს ოცნებებსა და სურვილებს ვიწერ და მერე უკვე ვადგენ გეგმას, თუ როგორ უნდა ვიმოქმედო, რომ სასურველს მივაღწიო. გეგმის გარეშე მიზნების განხორციელება შეუძლებელია. ზოგჯერ ისეც ხდება, რომ ჩემს დღიურში რაღაცები იშლება... "სულ პატარა" მიზანსაც კი ვწერ და მერე აღვნიშნავ, როდის და რას მივაღწიე.
- საკუთარი შრომის ანაზღაურებით, ყველაზე ძვირად ღირებული, რა შეგიძენია?
- თავად ვიყიდე კომპიუტერი, ლეპტოპი (იღიმის). სხვა ისეთ მნიშვნელოვან ნივთს ვერ ვიხსენებ.
- საფულე რამდენად მნიშვნელოვანი აქსესუარია შენთვის?
- საფულე საერთოდ არ მაქვს. ოდესღაც მქონდა, მაგრამ დიდი ხანია, აღარ ვატარებ. ჩემთვის არაკომფორტული აქსესუარია.
- კოსმეტიკის შესაძენად ბევრ ფულს ხარჯავ?
- კი... უფრო სწორედ, კოსმეტიკური საშუალებებით დედა მამარაგებს (იღიმის). ამ საკითხში ის უკეთ ერკვევა და შესაბამისად, მის გემოვნებას ვენდობი. ვიცი, რასაც მომიტანს, აუცილებლად ხარისხიანი იქნება. სულ ეშინია, არ გავიფუჭო სახის კანი, თმა.
- როგორ ფიქრობ, ბევრი ფულით წარმატების მიღწევა გაცილებით იოლია?
- ალბათ, კი... რა თქმა უნდა, ფულს ძალიან დიდი ძალა აქვს. შეუძლია, ბევრ ადამიანზე ზეგავლენა მოახდინოს, მაგრამ შრომას არანაკლები ფასი აქვს. ფულით მოპოვებული წარმატება შეიძლება, დროებითი აღმოჩნდეს. ვთვლი, შრომით მიღწეული მიზანი გაცილებით გემრიელი და დასაფასებელია.
- შენი აზრით, რა თანხაა ყოველთვიურად საჭირო იმისთვის, რომ ადამიანმა ნორმალურად იცხოვროს?
- ეჰ! არ ვიცი... რამდენი ნული სჭირდება ამ ყველაფერს?! თუმცა, ისიც უნდა ვთქვა, რომ ბედნიერება ფულში არ არის. მთავარია, ადამიანმა რა შემოსავალიც გაქვს, იმის გათვლა და სწორად ხარჯვა იცოდეს - ამ შემთხვევაში, ყველაფერი კარგად იქნება.
- ოდესმე ფული თუ გიპოვია?
- კი, მიპოვია ბავშვობაში. ბევრი - არა, ხურდები, მაგრამ მაინც მიხაროდა.
- საბანკო მომსახურებით თუ სარგებლობ?
- ამ მომსახურებას მხოლოდ მაშინ ვიყენებ, როცა რაღაც საჭირო ნივთის შეძენა მინდა და თანხა არ მაქვს. განვადებებით ბევრჯერ მისარგებლია.
- კარგი გადამხდელი ხარ?
- დიახ, პასუხისმგებლობის დიდი გრძნობა მაქვს.
- მშობლებს ფული ბოლოს როდის სთხოვე?
- მშობლებს ფულს კარგა ხანია, აღარ ვთხოვ, მაგრამ როცა თავად მაძლევენ, რა თქმა უნდა, უარს არ ვამბობ (იცინის).
- მდიდარი რომ იყო, პირველ რიგში, რას გააკეთებდი?
- ძალიან ბევრ ისეთ რამეს გავაკეთებდი, რაც არა მარტო მე, არამედ ბევრ ადამიანს გაახარებდა.
წყარო: ambebi.ge
1 372 ნახვა
22-11-2016, 23:02
