როგორ ახასიათებენ კასტროს ცნობილი ადამიანები - "მსოფლიოში ერთ-ერთი ყველაზე ბრძენი ადამიანია"

90 წლის ასაკში კუბის ლიდერი, ფიდელ კასტრო გარდაიცვალა. წარმოგიდგენთ ცნობილი ადამიანების მასთან შეხვედრის შემდეგ გაკეთებულ კომენტარებს:

“ფიდელ კასტრო გენიოსია. ჩვენ ყველაფრის შესახებ ვისაუბრეთ. კასტრო ჰუმანისტია, კუბა კი ნამდვილი სამოთხეა” - გაუზიარა პრესას თავისი შთაბეჭდილებები ჯეკ ნიკოლსონმა 1998 წელს, კუბაში ვიზიტის შემდეგ.

”კასტრო ძალიან მორალური, უანგარო, თავდაუზოგავი და მსოფლიოში ერთ-ერთი ყველაზე ბრძენი ადამიანია”, - განაცხადა რეჟისორმა ოლივერ სტოუნმა.

”თუ თავისუფლების და სამართლიანობის გჯერა, თუ დემოკრატიის გჯერა, მაშინ სხვა გზა არ გაქვს, კასტროს უნდა დაუჭირო მხარი”, - ამბობდა მომღერალი ჰარი ბელაფონტე.

”ეს ჩემი ცხოვრების უდიდესი გამოცდილება იყო, როდესაც კასტროსგან რამდენიმე ნაბიჯის მოშორებით ვიმყოფებოდი,” - განაცხადა კევინ კოსნერმა კუბაში ვიზიტის შემდეგ.

”ჩემი ცხოვრების ყველაზე მნიშვნელოვანი რვა საათი კასტროსთან შეხვედრისას გავატარე”, - ამბობს რეჟისორი სტივენ სპილბერგი.

”ჩემთვის, ის ღმერთია” - განაცხადა დიეგო მარადონამ 2005 წელს.

ფოტოგალერეაში იხილავთ კასტროს მრავალწლიანი მმართველობის მნიშვნელოვან ეპიზოდებს.
წყარო: ambebi.ge