Forbes-მა ყველა დროის ყველაზე პოპულარული საშობაო ფილმი დაასახელა

ამერიკულმა ჟურნალმა Forbes-მა ყველა დროის ყველაზე პოპულარული საშობაო ფილმების სია გამოაქვეყნა. რეიტინგში ის 25 ფილმი მოხვდა, რომელსაც ამერიკულ კინოგაქირავებაში ყველაზე დიდი შემოსავალი ჰქონდა.

რეიტინგის ლიდერი ფილმი «მარტო სახლში» გახდა, პატარა მაკოლეი კალკინის მონაწილეობით. ფილმის რეჟისორი ქრის კალამბუსია და ეკრანზე 1990 წელს გამოვიდა. მან ამერიკულ კინოგაქირავებაში 285, 76 მლნ. დოლარი მოაგროვა, ხოლო მსოფლიოში — 476, 68 მილიონი დოლარი.

მეორე ადგილზე არის ფილმი «როგორ მოიპარა გრინჩმა შობა», ჯიმ კერის მონაწილეობით. ამერიკაში ფილმის შემოსავალმა 260 მლნ. დოლარი შეადგინა.

მესამე პოზიცია დაიკავა ფილმმა «პოლარული ექსპრესი», რომელმაც თავის შემქმნელებს, მხოლოდ აშშ-ში, 183, 37 მლნ. დოლარის მოგება მოუტანა.

რეიტინგის პირველ ხუთეულში შევიდა «მარტო საცლში 2», 173, 59 მლნ. დოლარის საკასო შემოსავლით და «ელფი» – 173, 40 მილიონით.
ამ ფილმებს მოჰყვება: «სანტა კლაუსი» (144, 83 მლნ. დოლარი) და მისი გაგრძელება «სანტა კლაუსი 2» (139, 24 მლნ. დოლარი). ათეულში ასევე მოხვდა: «საშობაო ისტორია» (137, 86 მილიონი), «ოთხი შობა» (120, 15 მილიონი) და «სანტა კლაუსი 3» (84, 5 მილიონი).
რეიტინგს ასრულებს ფილმი «ღვთიური შობა» (37, 63 მილიონი), რომელშიც ასახულია ღვთისმშობელი მარიამის და იოსების მოგზაურობის ბიბლიური ისტორია.

წყარო: intermedia.ge