პრინცი ჰარი ახალ შეყვარებულთან ერთად პაპარაცებმა პირველად დააფიქსირეს

დიდი ბრიტანეთის სამეფო კარის მემკვიდრეს პრინც ჰარის ახალი რჩეული ჰყავს. ჰარი ამერიკელ მსახიობზე მეგან მარკლზეა შეყვარებული. წყვილი 2016 წლის მაისიდან მალავდა ურთიერთობას, თუმცა ინფორმაციამ ოქტომბერში გაჟონა. ამ დღეებში კი პაპარაცებმა ჰარი და მეგანი პირველად დააფიქსირეს ერთად.

ფოტოგრაფებმა მაშინ გადაიღეს წყვილი, როცა

ისინი ლონდონში, ვესტ ენდში მდებარე თეატრ გილგუდში სპექტაკლზე დასასწრებად მივიდნენ.

მეგან მერკლს სერიალების მოყვარულები იცნობენ სერიალიდან Suits-ს, რომელშიც ის ერთ-ერთ მთავარ როლს ასრულებს. თუმცა, 35 წლის მერკლს მსახიობობის გარდა სხვა, უფრო საინტერესო მონაცემებიც აქვს: ის ბლოგერი და მწერალია, ამასთან, გაერო-ში ქალების უფლებებს იცავს.

მსახიობს საინტერესო წარმომავლობა აქვს: ის დედით აფრო-ამერიკელია, მამით კი ჰოლანდიური და ირლანდიური ფესვები აქვს. თუ მისი და ჰარის ურთიერთობა შედგება, ის შესაძლოა, ინგლისის პირველი ფერადკანიანი პრინცესა გახდეს. მერკლი განქორწინებულია - 2011 წელს მან ბიზნესმენ ტრევერ ენგელსონზე იქორწინა, თუმცა წყვილი მალევე დაშორდა ერთმანეთს.