გარდაიცვალა ჯორჯ მაიკლი

ბრიტანელი მომღერალი ჯორჯ მაიკლი გულის უკმარისობით გარდაიცვალა, ამის შესახებ Billboard იტყობინება.

53 წლის მომღერალი საკუთარ სახლში გარდაცვლილი აღმოაჩინა პოლიციამ.

"დიდი მწუხარებით ვადასტურებთ, რომ ჩვენი საყვარელი შვილი, ძმა და მეგობარი ჯორჯ მაიკლი მშვიდად გარდაიცვალა საკუთარ სახლში შობის დღესასწაულზე"-ნათქვამია განცხადებაში.

გეორგიოს კირიაკოს პანაიოტოუ იგივე ჯორჯ მაიკლი დაიბადა 1963 წლის 25 ივნისს ლონდონში. ინგლისელი მომღერალი და სიმღერების ავტორი, რომელმაც სახელი გაითქვა დუეტში Wham! მონაწილეობით,

თავისი კარიერის მანძილზე ჯორჯ მაიკლმა გაყიდა 110 მილიონი ჩანაწერი,
მათ შორის 12 ბრიტანული #1 სინგლი, 7 ბრიტანული #1 ალბომი, 10 აშშ #1
სინგლი და 2 აშშ #1 ალბომი. მისი 1987 წლის სადებიუტო ალბომი "Faith"
იქცა ყველა დროის ერთ-ერთ გაყიდვად დისკად, რომლის წარმატებაც უზრუნველყო
აშშ-ში გამოცემულმა ხუთმა სინგლმა. ალბომი გაიყიდა 20 მილიონი ასლის
ოდენობით.ჯორჯ მაიკლს ორჯერ გადაეცა "გრემის" პრემია.

მისი ოთხი სოლო-ალბომი სხვადასხვა დროს იმყოფებოდა ბრიტანული ჩარტების #1 ადგილზე. ოთხივემ ასევე მოიპოვა საერთაშორისო აღიარება.

ბედის ირონიაა, რომ იგი შობის დღეს გარდაიცვალა, მისი ცნობილი სიმღერა, Last Christmas, ხომ ერთ-ერთ ყველაზე პოპულარული(თუ ყველაზე პოპულარული არა) საახალწლო-საშობაო ჰიტია მსოფლიოში.
წყარო: intermedia.ge