• ნოე სულაბერიძის პროვოკაციული დაბრუნება ტელეეთერში - "18+" შოუ, სადაც პროდიუსერი წამყვანად მოგვევლინება

    ტელევიზიიდან და კერძოდ, ისეთი პროექტიდან წასვლის შემდეგ, როგორიც "ცეკვავენ ვარსკვლავებია", პროდიუსერი ნოე სულაბერიძე არც ერთ ტელევიზიაში გამოჩენილა, ზოგადად ამ სფეროდან წავიდა და გარკვეული პაუზა ჰქონდა, თუმცა ბოლო რამდენიმე დღეა, ერთ-ერთ სატელევიზიო პრომოში გამოჩნდა.

    ვიდეორგოლი იმით იწყება, რომ ცნობილი ადამიანები (ზურა ყიფშიძე, ნინო სურგულაძე, დათო ევგენიძე, გიო ხუციშვილი, ნინი ბადურაშვილი, რამაზ ნოზაძე...) ეკრანიდან, ერთი შეხედვით, გვაგინებენ, - "მოგ", მოგი...", "მოგიტ...", რაც უხერხულ სიტუაციას ქმნის. თუმცა, კლიპის ფინალში ირკვევა, რომ ისინი ტელეეკრანთან ახალი გადაცემის საყურებლად გვეპატიჟებიან...

    AMBEBI.GE ყველაფერში გასარკვევად პროდიუსერ ნოე სულაბერიძეს დაუკავშირდა.

    - პრომოს ნახვის შემდეგ ეჭვი გაგვიჩნდა, რომ რაღაც ახალ პროექტს იწყებ და პაუზის შემდეგ, ტელევიზიაში პროვოკაციულად ბრუნდები...
    - დიახ, ვბრუნდები... რაც ქართულ ტელევიზიას ყველაზე მეტად აკლია, არის ფორმატი, რომლის ავტორიც ვარ მე. გადაცემა ღამის 12 საათზე დაიწყება, რის გამოც მას "18+" დავარქვი. ის ისეთ ელემენტებს შეიცავს, რაც 18 წელს ზემოთ ასაკისთვის არის განკუთვნილი...

    - ეროტიკული შოუა?
    - მაგას მაყურებელი ნახავს...

    - თავად მოიფიქრე?
    - კი, შოუს პროდიუსერიც მე ვარ და წამყვანიც. როცა ფორმატი მოვიფიქრე, არ ვიცოდი, რომელ არხზე უნდა გასულიყო. მადლობა GDS-ს, რომ ამ პროექტს თავიდან ბოლომდე გვერდში დაუდგა. თანაწამყვანები იქნებიან, - დავით ქაცარავა და ელენე ქასრაძე; რეჟისორი ჯონი ნესოშვილია.

    - კლიპი იწყება ასე: ეკრანზე ჩნდება საზოგადოებისთვის ბევრი პატივსაცემი ადამიანი, რომლებიც ეკრანიდან თითქოსდა გვაგინებენ... ეს ადამიანები იქნებიან შენი გადაცემის სტუმრები?
    - რა თქმა უნდა. თითოეული არის სტუმარი, რომელიც მოგვიტანს სრულ თავისუფლებას, უშუალო გარემოს, რეალობას, ემოციას, აზრვნებას, სიმართლეს, სითამამეს, გემოვნებას, სიახლოვეს, მარავლფეროვნებას, განვითარებას, ბედნიერებას...

    - რესპონდენტები ნიღბის გარეშე იქნებიან?
    - კი, მოუწევთ... გადაცემა არის ძალიან თავისუფალი და არანაირად გაპრანჭული.

    - მერე რამდენად უნდა ამა თუ იმ რესპონდენტს ასეთ გადაცემაში მონაწილეობა?
    - გაპრანჭვაში რეალურ გაპრანჭვას არ ვგულისხმობ. აქ მნიშვნელოვანია ის, რომ


    კამერა საერთოდ არ მუშაობს მათზე და არც წამყვანი იყურება კამერაში. ყველაზე მნიშვნელოვანი ამ შოუში უშუალო გარემოა. გარდაცემა ეთერში რომ გავა, მიხვდებით, რომ ეს ყველაფერი სინამდვილეა...

    - ეს შენი ეკრანზე გამოჩენის პირველი მცდელობაა, არა?
    - მცდელობა არ არის. უბრალოდ გადაცემის პილოტს რომ ვწერდით, ჩემი თავი უბრალოდ "გამოვიყენეთ". მერე ვინც ნახა, თქვა, რომ კარგია და წამყვანად დავრჩი. თუმცა ამის სურვილი არასდროს გამჩენია. მოკლედ, მოგი-ყვებით, მოგ-ანდომებთ და მოგიტ-ანთ.


    წყარო: ambebi.ge
    1 537 ნახვა
    29-12-2016, 23:42
    GOGATV