ცეკვა "რაჭულის და "ტაში ბიჭო გიორგუნას" ავტორი დათო სხირტლაძე სცენაზე გარდაიცვალა

თანამედროვეობის ყველაზე ცნობილი რაჭველი, ქორეოგრაფი დათუნიკა(დათო) სხირტლაძე ამბროლაურში გამოსვლის დროს სცენაზე გარდაიცვალა.

 

ამის შესახებ ინფორმაციას ლოტბატი, ფოლკლორული ანსამბლი "ლაშარის" ხელმძღვანელი, გიორგი უშიკაშვილი სოციალური ქსელის მეშვეობით ავრცელებს:

 

"რამდენიმე საათის წინ ამბროლაურში, სცენაზე კონცერტის დროს გარდაიცვალა
შესანიშნავი ხელოვანი, ჩემი მეგობარი დათო (დათუნიკა) სხირტლაძე, ძალიან დიდი დანაკლისია მისი გარდაცვალება ჩვენი ქვეყნისათვის! ძალიან დაგვაკლდები დათუნიკა"

 

დათუნიკა სხირტლაძე იყო ცნობილი ხელოვანი და ქორეოგრაფი, ცეკვა "რაჭულის" ავტორი, ცეკვავდა ჯგუფ “შინსა” და ანსამბლ “რუსთავში”. მისი შექმნილია აგრეთე ცნობილი რაჭული ცეკვა “ტაში ბიჭო, გიორგუნა”.სიმღერის ტექსტი ბევრს ხალხური ჰგონია, თუმცა ლექსი ეკუთვნის გიგა სხირტლაძეს, დათუნიკას მამას, მოგვიანებით ქორეოგრაფმა ტექსტი ცეკვას მოარგო.

 

დათო სხირტლაძე 58 წლის იყო

ფოტო მისი ბოლო კონცერტიდან.

 

წყარო: intermedia.ge