"ფეთქებადი" ხასიათი მაქვს - ვინ ეხმარება ცხოვრებისეული პრობლემების დაძლევაში "მის საქართველოს"
"მის საქართველო" 2016 წელს არ ჩატარებულა. 21 წლის ვიქტორია კოჩეროვა კონკურსის გარეშე გახდა "მის საქართველო" - ის 2015 წლის "ვიცე მის საქართველოა". მწვანეთვალება და შავგვრემანი ვიქტორიას უკრაინული წარმომავლობის შესახებ დიდი მითქმა-მოთქმა იყო ატეხილი. საზოგადოების ნაწილი ამბობდა, რომ "მის მსოფლიოზე" ქართული გვარის მქონე გოგონა უნდა გაეშვათ. თუმცა, კრიტიკოსებიც კი აღიარებდნენ ვიქტორიას სილამაზეს. "მის საქართველოს" ინტერნეტის საშუალებით დავუკავშირდი.
- ვიქტორია, შენს ოჯახზე გვიამბე...
- მყავს დედა და ტყუპისცალი და. მამა არ მყავს: წლინახევრის ვიყავი, როცა გარდაიცვალა.
- ალბათ, და ძალიან გგავს.
- სხვათა შორის, სოფი ჩემგან რადიკალურად განსხვავებული ადამიანია არა მარტო გარეგნულად, არამედ მისწრაფებებითაც. ის ქერაა და ცისფერთვალება.
- ისიც მოდელია?
- არა, მოდელი არ არის, ეს სფერო საერთოდ არ აინტერესებს.
- გარდა იმისა, რომ სამოდელო საქმიანობას ეწევი, კიდევ რა პროფესია გაქვს?
- ვსწავლობ "ილიაუნიში" ბიზნესის ადმინისტრირების ფაკულტეტზე. ბავშვობიდან გატაცებული ვარ სპორტით - ეს ჩემი ცხოვრების განუყოფელი ნაწილია.
- რა ასაკიდან დაიწყე მოდელობა?
- გაგიკვირდებათ და, მოდელობა 19 წლიდან დავიწყე. 2014 წელს "ელიტ მოდელ ლუქსის" კონკურსში ვმონაწილეობდი, მანამდე კი მხოლოდ სწავლა-განათლების მიღებით ვიყავი დაკავებული... "ელიტ მოდელ ლუქსის" კონკურსში მონაწილეობა წარმატებული აღმოჩნდა ჩემთვის, ბევრი საინტერესო შემოთავაზება მივიღე და თან, ახლა "მის მსოფლიოზე" ვიმყოფები.
- ვინ გირჩია სილამაზის კონკურსში მონაწილეობა?
- მეგობრები სულ მეუბნებოდნენ, რომ სილამაზის კონკურში მიმეღო მონაწილეობა.
- ზოდიაქოს ნიშნით ვინ ხარ?
- ლომი ვარ. მომწონს ჩემი ზოდიაქოს ნიშნის დახასიათება. ამ ნიშნის ქვეშ დაბადებული ადამიანები ძლიერები არიან და მეც ასეთი ვარ.
- შეგიძლია გვითხრა შენი უარყოფითი თვისება, რაზეც მაგალითად, ოჯახის წევრები მიგანიშნებენ ხოლმე?
- ჩემი უარყოფითი თვისება არის ის, რომ "ფეთქებადი" ხასიათი მაქვს. შეიძლება, რაღაც არ მომეწონოს და უცებ, ისე "ავფეთქდე", რომ თავი გავიგიჟო. თუმცა, შეიძლება 2 წუთში წყენამ გადამიაროს... არ არსებობს ადამიანი, რომელსაც უარყოფითი თვისება არ გააჩნია. მთავარია, ამით სხვებს არ აზიანებდე. საბედნიეროდ, გულში წყენის ჩადება და დაბოღმვა არ მჩვევია.
- დილით ადრე გაღვიძება გიჭირს?
- ზარმაცი არ ვარ და არც დილით ადრე ადგომა მიჭირს, ამას შეჩვეული ვარ. ძალიან მიყვარს საქმის ბოლო წუთამდე გადადება (თუმცა, გაუკეთებელს არასდროს არაფერს ვტოვებ) და ხშირად, ამის გამო საკუთარ თავს ვსაყვედურობ. როცა შეიძლება გააკეთო დღეს, რატომ უნდა გააკეთო ხვალ ან ზეგ? ჩემს ამ თვისებას ვერაფერი მოვუხერხე.
- გადაწყვეტილებებს დამოუკიდებლად იღებ თუ ოჯახის წევრების რჩევასაც ითვალისწინებ?
- საკმაოდ დამოუკიდებელი ადამიანი ვარ და ამას ხელი იმანაც შეუწყო, რომ სამოდელო საქმიანობიდან გამომდინარე, ხშირად მიწევს უცხოეთში ყოფნა. თუმცა, დედას რჩევას ყოველთვის ვითვალისწინებ. ის არის ადამიანი, ვინც გადაწყვეტილებების მიღებაში მეხმარება და ვინც ნებისმიერ დროს, სწორ რჩევას მომცემს.
- მას შემდეგ, რაც "მის საქართველო" გახდი, ალბათ, თაყვანისმცემლები მოგემატა. თავს ხომ არ გაბეზრებენ?
- თაყვანისმცემლების ნაკლებობას არასდროს ვუჩიოდი. თუმცა, ბოლოს დროს ნამდვილად მომრავლდნენ (იცინის). ჩემი აზრით, თუ გოგოს არ უნდა, ზედმეტად მიიქციოს ყურადღება, მას არავინ შეაწუხებს არც საჩუქრებით და არც ზედმეტი მოკითხვებით.
- ბიჭები რით განებივრებენ?
- ძირითადად, ყვავილებს მიგზავნიან და ამ გზით ცდილობენ ჩემი გულის მოგებას.
- როგორი მამაკაცები მოგწონს?
- შავგვრემანი მამაკაცები მომწონს. არ მომწონს ქერა, ცისფერთვალება და ძალიან ლამაზი ბიჭები.
- შეყვარებული გყავს?
- დიახ, შეყვარებული მყავს. ძალიან მიყვარს და ბედნიერი ვარ. მაგრამ ამის მეტს, ჩემს პირად ცხოვრებაზე ვერაფერს გეტყვით.
- საოჯახო საქმეების კეთება, სამზარეულოში ფუსფუსი და რაიმე გემრიელის მომზადება თუ გეხერხება?
- საოჯახო საქმეებს მე და ჩემი ტყუპისცალი ვინაწილებთ. მარტო არაფერს ვაკეთებ. სამზარეულოში ფუსფუსიც მიყვარს. თუმცა, ამისთვის იშვიათად მრჩება დრო.
- შეგიძლია გვითხრა, რას ამზადებ ყველაზე გემრიელს?
- გემრიელი პიცა გამომდის. მე და ჩემი დაქალები ხშირად ვიკრიბებით და ვაცხობთ პიცას. სხვათა შორის, ჩემი მომზადებული რაღაცები ყველას მოსწონს.
- ამბობ, რომ ძლიერი ადამიანი ხარ. საინტერესოა, ოდესმე დეპრესიაში თუ ჩავარდნილხარ?
- დიახ, ძალიან ძლიერი ვარ. ჩემს ცხოვრებაში იყო ბევრი რთული პერიოდი. განსაკუთრებით მძიმე 2014 წელი იყო. სიძლიერის მიუხედავად, დეპრესიული პერიოდიც მქონია.
- ვინ გეხმარება ცხოვრებისეული სირთულეების გადალახვაში?
- ოჯახის წევრები და მეგობრები მეხმარებიან. თუმცა, მიმაჩნია, რომ სირთულეებს, საკუთარი თავის გარდა, ვერავინ გადაგალახვინებს. ხელის ჩაქნევა არ მჩვევია. ყველაზე რთულ პერიოდშიც კი შემიძლია საკუთარი თავის კონტროლი. ასე რომ, არასდროს ვნებდები, ვიბრძვი და გამარჯვებულიც ხშირად ვარ ხოლმე.
- ჯიუტი ხარ? შენი სიჯიუტით საქმე გაგიფუჭებია?
- ვჯიუტდები მაშინ, როდესაც რაღაც დაზუსტებით ვიცი. ასეთ დროს ვცდილობ, ბოლომდე გავიტანო ჩემი აზრი. სიჯიუტით საქმე არასდროს გამიფუჭებია და იმედია, არც არასდროს გავაფუჭებ.
- შრომისმოყვარე ხარ?
- დიახ, შრომისმოყვარე და ოპტიმისტი ვარ. საქმეში ყოველთვის ბოლომდე ვიხარჯები. მსურს, დიპლომატი გავხდე და მთელ მსოფლიოში, ადამიანებს ურთიერთობების მოგვარებაში დავეხმარო. ყველაზე დიდი გამოცდილება შეზღუდული შესაძლებლობების მქონე ბავშვებთან მუშაობისას მივიღე... ჩემი დევიზია: "წადი შორს, რამდენადაც შეძლებ და მომავალს დაინახავ!"
- მეგობრები როგორ გახასიათებენ? რას მიიჩნევენ შენს საუკეთესო თვისებად?
- ამბობენ, რომ ძალიან უშუალო ვარ და მაქვს, კარგი იუმორის გრძნობა. სულ ვცდილობ, ირგვლივ მყოფები გავამხიარულო. ახლობლები პოზიტიურ ადამიანად მთვლიან და სიამოვნებთ ჩემთან ურთიერთობა.
- ავტომობილი გყავს?
- ავტომობილის მართვა ვიცი, მაგრამ ამის დამადასტურებელი მოწმობა არ მაქვს და არც ავტომობილი მყავს. იმედია, ახლო მომავალში ჩავაბარებ გამოცდას და მართვის მოწმობას ავიღებ.
- რა გეგმები გაქვს?
- ჩემს ცხოვრებაში ყველაფერი ისე სწრაფად იცვლება, რომ რაიმეს დაგეგმვა მიჭირს. თან, სიმართლე გითხრათ, წინასწარ რაღაცებზე საუბარი არ მიყვარს. ერთი ვიცი, უნივერსიტეტში სწავლას რომ დავამთავრებ, მერე საერთაშორისო ურთიერთობებზე უნდა ჩავაბარო. საერთაშორისო დიპლომატია მხიბლავს და ამიტომ.
P.შ. "მის მსოფლიოს" კონკურსზე საქართველოს სახელით წასულმა მოდელმა, კონკურსის დასრულების შემდეგ მოგვწერა: "ყველანი შოკში ვართ ოცეულის შედეგებით. "მის მსოფლიო" პუერტო რიკოს წარმომადგენელი გახდა. თავიდანვე ვიცოდით, რა შედეგებით დასრულდებოდა ეს კონკურსი. თუმცა, ამდენ უსამართლობას ნამდვილად არ ველოდით. მესამე ადგილზე ინდონეზიის წარმომადგენელი გაიყვანეს, რადგან ინდონეზიის ელჩი იჯდა ჟიურის შემადგენლობაში..."
ვიქტორიას "ფეისბუკ"-გვერდზე მოდელს უამრავი ადამიანი უწერდა გასამხნევებელ კომენტარს და კომპლიმენტებითაც უხარებდნენ გულს. ერთ-ერთმა "ფრენდმა" კი მისწერა: "ულამაზესი ხარ. გული არ დაგწყდეს, გენაცვალე. პატარა რამე ხომ არ გგონია, იმ ქვეყნის ულამაზესი ქალის ტიტული გქონდეს, რომელსაც ყველაზე ძლიერი ქალი - თამარ მეფე მართავდა? საქართველო ლამაზების სავანეა..."
წყარო: ambebi.ge
- ვიქტორია, შენს ოჯახზე გვიამბე...
- მყავს დედა და ტყუპისცალი და. მამა არ მყავს: წლინახევრის ვიყავი, როცა გარდაიცვალა.
- ალბათ, და ძალიან გგავს.
- სხვათა შორის, სოფი ჩემგან რადიკალურად განსხვავებული ადამიანია არა მარტო გარეგნულად, არამედ მისწრაფებებითაც. ის ქერაა და ცისფერთვალება.
- ისიც მოდელია?
- არა, მოდელი არ არის, ეს სფერო საერთოდ არ აინტერესებს.
- გარდა იმისა, რომ სამოდელო საქმიანობას ეწევი, კიდევ რა პროფესია გაქვს?
- ვსწავლობ "ილიაუნიში" ბიზნესის ადმინისტრირების ფაკულტეტზე. ბავშვობიდან გატაცებული ვარ სპორტით - ეს ჩემი ცხოვრების განუყოფელი ნაწილია.
- რა ასაკიდან დაიწყე მოდელობა?
- გაგიკვირდებათ და, მოდელობა 19 წლიდან დავიწყე. 2014 წელს "ელიტ მოდელ ლუქსის" კონკურსში ვმონაწილეობდი, მანამდე კი მხოლოდ სწავლა-განათლების მიღებით ვიყავი დაკავებული... "ელიტ მოდელ ლუქსის" კონკურსში მონაწილეობა წარმატებული აღმოჩნდა ჩემთვის, ბევრი საინტერესო შემოთავაზება მივიღე და თან, ახლა "მის მსოფლიოზე" ვიმყოფები.
- ვინ გირჩია სილამაზის კონკურსში მონაწილეობა?
- მეგობრები სულ მეუბნებოდნენ, რომ სილამაზის კონკურში მიმეღო მონაწილეობა.
- ზოდიაქოს ნიშნით ვინ ხარ?
- ლომი ვარ. მომწონს ჩემი ზოდიაქოს ნიშნის დახასიათება. ამ ნიშნის ქვეშ დაბადებული ადამიანები ძლიერები არიან და მეც ასეთი ვარ.
- შეგიძლია გვითხრა შენი უარყოფითი თვისება, რაზეც მაგალითად, ოჯახის წევრები მიგანიშნებენ ხოლმე?
- ჩემი უარყოფითი თვისება არის ის, რომ "ფეთქებადი" ხასიათი მაქვს. შეიძლება, რაღაც არ მომეწონოს და უცებ, ისე "ავფეთქდე", რომ თავი გავიგიჟო. თუმცა, შეიძლება 2 წუთში წყენამ გადამიაროს... არ არსებობს ადამიანი, რომელსაც უარყოფითი თვისება არ გააჩნია. მთავარია, ამით სხვებს არ აზიანებდე. საბედნიეროდ, გულში წყენის ჩადება და დაბოღმვა არ მჩვევია.
- დილით ადრე გაღვიძება გიჭირს?
- ზარმაცი არ ვარ და არც დილით ადრე ადგომა მიჭირს, ამას შეჩვეული ვარ. ძალიან მიყვარს საქმის ბოლო წუთამდე გადადება (თუმცა, გაუკეთებელს არასდროს არაფერს ვტოვებ) და ხშირად, ამის გამო საკუთარ თავს ვსაყვედურობ. როცა შეიძლება გააკეთო დღეს, რატომ უნდა გააკეთო ხვალ ან ზეგ? ჩემს ამ თვისებას ვერაფერი მოვუხერხე.
- გადაწყვეტილებებს დამოუკიდებლად იღებ თუ ოჯახის წევრების რჩევასაც ითვალისწინებ?
- საკმაოდ დამოუკიდებელი ადამიანი ვარ და ამას ხელი იმანაც შეუწყო, რომ სამოდელო საქმიანობიდან გამომდინარე, ხშირად მიწევს უცხოეთში ყოფნა. თუმცა, დედას რჩევას ყოველთვის ვითვალისწინებ. ის არის ადამიანი, ვინც გადაწყვეტილებების მიღებაში მეხმარება და ვინც ნებისმიერ დროს, სწორ რჩევას მომცემს.
- მას შემდეგ, რაც "მის საქართველო" გახდი, ალბათ, თაყვანისმცემლები მოგემატა. თავს ხომ არ გაბეზრებენ?
- თაყვანისმცემლების ნაკლებობას არასდროს ვუჩიოდი. თუმცა, ბოლოს დროს ნამდვილად მომრავლდნენ (იცინის). ჩემი აზრით, თუ გოგოს არ უნდა, ზედმეტად მიიქციოს ყურადღება, მას არავინ შეაწუხებს არც საჩუქრებით და არც ზედმეტი მოკითხვებით.
- ბიჭები რით განებივრებენ?
- ძირითადად, ყვავილებს მიგზავნიან და ამ გზით ცდილობენ ჩემი გულის მოგებას.
- როგორი მამაკაცები მოგწონს?
- შავგვრემანი მამაკაცები მომწონს. არ მომწონს ქერა, ცისფერთვალება და ძალიან ლამაზი ბიჭები.
- შეყვარებული გყავს?
- დიახ, შეყვარებული მყავს. ძალიან მიყვარს და ბედნიერი ვარ. მაგრამ ამის მეტს, ჩემს პირად ცხოვრებაზე ვერაფერს გეტყვით.
- საოჯახო საქმეების კეთება, სამზარეულოში ფუსფუსი და რაიმე გემრიელის მომზადება თუ გეხერხება?
- საოჯახო საქმეებს მე და ჩემი ტყუპისცალი ვინაწილებთ. მარტო არაფერს ვაკეთებ. სამზარეულოში ფუსფუსიც მიყვარს. თუმცა, ამისთვის იშვიათად მრჩება დრო.
- შეგიძლია გვითხრა, რას ამზადებ ყველაზე გემრიელს?
- გემრიელი პიცა გამომდის. მე და ჩემი დაქალები ხშირად ვიკრიბებით და ვაცხობთ პიცას. სხვათა შორის, ჩემი მომზადებული რაღაცები ყველას მოსწონს.
- ამბობ, რომ ძლიერი ადამიანი ხარ. საინტერესოა, ოდესმე დეპრესიაში თუ ჩავარდნილხარ?
- დიახ, ძალიან ძლიერი ვარ. ჩემს ცხოვრებაში იყო ბევრი რთული პერიოდი. განსაკუთრებით მძიმე 2014 წელი იყო. სიძლიერის მიუხედავად, დეპრესიული პერიოდიც მქონია.
- ვინ გეხმარება ცხოვრებისეული სირთულეების გადალახვაში?
- ოჯახის წევრები და მეგობრები მეხმარებიან. თუმცა, მიმაჩნია, რომ სირთულეებს, საკუთარი თავის გარდა, ვერავინ გადაგალახვინებს. ხელის ჩაქნევა არ მჩვევია. ყველაზე რთულ პერიოდშიც კი შემიძლია საკუთარი თავის კონტროლი. ასე რომ, არასდროს ვნებდები, ვიბრძვი და გამარჯვებულიც ხშირად ვარ ხოლმე.
- ჯიუტი ხარ? შენი სიჯიუტით საქმე გაგიფუჭებია?
- ვჯიუტდები მაშინ, როდესაც რაღაც დაზუსტებით ვიცი. ასეთ დროს ვცდილობ, ბოლომდე გავიტანო ჩემი აზრი. სიჯიუტით საქმე არასდროს გამიფუჭებია და იმედია, არც არასდროს გავაფუჭებ.
- შრომისმოყვარე ხარ?
- დიახ, შრომისმოყვარე და ოპტიმისტი ვარ. საქმეში ყოველთვის ბოლომდე ვიხარჯები. მსურს, დიპლომატი გავხდე და მთელ მსოფლიოში, ადამიანებს ურთიერთობების მოგვარებაში დავეხმარო. ყველაზე დიდი გამოცდილება შეზღუდული შესაძლებლობების მქონე ბავშვებთან მუშაობისას მივიღე... ჩემი დევიზია: "წადი შორს, რამდენადაც შეძლებ და მომავალს დაინახავ!"
- მეგობრები როგორ გახასიათებენ? რას მიიჩნევენ შენს საუკეთესო თვისებად?
- ამბობენ, რომ ძალიან უშუალო ვარ და მაქვს, კარგი იუმორის გრძნობა. სულ ვცდილობ, ირგვლივ მყოფები გავამხიარულო. ახლობლები პოზიტიურ ადამიანად მთვლიან და სიამოვნებთ ჩემთან ურთიერთობა.
- ავტომობილი გყავს?
- ავტომობილის მართვა ვიცი, მაგრამ ამის დამადასტურებელი მოწმობა არ მაქვს და არც ავტომობილი მყავს. იმედია, ახლო მომავალში ჩავაბარებ გამოცდას და მართვის მოწმობას ავიღებ.
- რა გეგმები გაქვს?
- ჩემს ცხოვრებაში ყველაფერი ისე სწრაფად იცვლება, რომ რაიმეს დაგეგმვა მიჭირს. თან, სიმართლე გითხრათ, წინასწარ რაღაცებზე საუბარი არ მიყვარს. ერთი ვიცი, უნივერსიტეტში სწავლას რომ დავამთავრებ, მერე საერთაშორისო ურთიერთობებზე უნდა ჩავაბარო. საერთაშორისო დიპლომატია მხიბლავს და ამიტომ.
P.შ. "მის მსოფლიოს" კონკურსზე საქართველოს სახელით წასულმა მოდელმა, კონკურსის დასრულების შემდეგ მოგვწერა: "ყველანი შოკში ვართ ოცეულის შედეგებით. "მის მსოფლიო" პუერტო რიკოს წარმომადგენელი გახდა. თავიდანვე ვიცოდით, რა შედეგებით დასრულდებოდა ეს კონკურსი. თუმცა, ამდენ უსამართლობას ნამდვილად არ ველოდით. მესამე ადგილზე ინდონეზიის წარმომადგენელი გაიყვანეს, რადგან ინდონეზიის ელჩი იჯდა ჟიურის შემადგენლობაში..."
ვიქტორიას "ფეისბუკ"-გვერდზე მოდელს უამრავი ადამიანი უწერდა გასამხნევებელ კომენტარს და კომპლიმენტებითაც უხარებდნენ გულს. ერთ-ერთმა "ფრენდმა" კი მისწერა: "ულამაზესი ხარ. გული არ დაგწყდეს, გენაცვალე. პატარა რამე ხომ არ გგონია, იმ ქვეყნის ულამაზესი ქალის ტიტული გქონდეს, რომელსაც ყველაზე ძლიერი ქალი - თამარ მეფე მართავდა? საქართველო ლამაზების სავანეა..."
წყარო: ambebi.ge
1 608 ნახვა
4-01-2017, 23:35
