უნივერსალი რომელიც გააოცებს მსოფლიოს

სულ მალე ქროსოვერებს უნივერსალის ტიპის მანქანები ჩაანაცვლებენ. ან როგორ არ უნდა მოგეწონოს ეს მანქანები, როდესაც ჩვენი პოსტის სურათებს დაათვალიერებთ. ამ სიახლეში წარმოგიდგენთ Mercedes-Benz CLS მანქანის ფოტო სესიaს.
როგორ უნდა დაარქვა საოჯახო მანქანა Mercedes-Benz CLS Shooting Brake, როდესაც მის დახვეწილ ფორმებს უყურებთ. მანქანა ცნობილი მოდელ CLS-ის დიზაინშია შესრულებული. ოფიციალურმა შტუდგარტმა უკვე დაადასტურა, რომ ახლო მომავალში ამ მანქანის სერიული წარმოება დაიწყება. იგი საკმაოდ ტევადია, მასში 590 ლიტრის მოცულობაა, ხოლო დაკეცილი სავარძლების შემთხვევაში 1550 ლიტრამდე იზრდება. მანქანის მოცულობითი ფორმის ზომებია სიგრძე 4956 მილიმეტრი, სიგანე 1881 მილიმეტრი, ხოლო სიმაღლე 1413 მილიმეტრი. სალონისთვის მომხმარებელს მერსედესი სამი ტიპის ტყავს და ხუთი ფერის გაწყობას სთავაზობს.
სიახლე პირველად ევროპის ბაზარზე გამოჩნდება და ოთხი ტიპის ძრავით იქნება შესაძლებელი მისი შეძენა. ორი ბენზინის, ხოლო ორი დიზელის ძრავით. საბაზისო კომპლექტაცია CLS 250 CDI ავითარებს 204 ცხენის ძალას. სიძლიერის მიუხედავად მისი წვა 100 კილომეტრზე 5.4 ლიტრ საწვავს შეადგენს. მეორე დიზელის ძრავს 3.0 მოცულობა და 265 ცხენის ძალა ექნება. ბენზინის 3.5 ძრავი 306 ცხენის ძალით, ხოლო მეორე ვარიანტი 5.0 ყველაზე ძლიერი ძრავი 408 ცხენის ძალით. ყველაზე მთავარი ისაა, რომ ყველა ძრავი ახალი ტექნოლოგიებით იქნება შექმნილი და წვა მინიმუმამდე იქნება დაყვანილი. აი მაგალითად ყველაზე მძლავრი ვერსიის წვა საშუალოდ 9.8 ლიტრია 100 კილომეტრზე. ახალი CLS გაყიდვაში წლის ბოლოს გამოვა, ფასი ჯერჯერობით უცნობია.