X
  • რა უნდა მიირთვათ, რომ განწყობა აიმაღლოთ?

    რა გიმაღლებთ განწყობას? კარგი ამინდი, სასიამოვნო სიახლეები, საჩუქრები... ამ სიას შეგვიძლია დავამატოთ... პროდუქტები - ირწმუნებიან ინგლისელი მეცნიერები. და მაინც, რომელ საჭმელს მოაქვს ბედნიერება?

    მაშ ასე, ბედნიერების მომტანი პროდუქტებიდან პირველ ადგილზეა კარტოფილი "ფრი". ექსპერტები თვლიან, რომ ბევრისთვის ეს ნუგბარი დასვენებასთან და განცხრომასთან არის ასოცირებული.

    მეორე ადგილზეა - საკონდიტრო ნაწარმი: რძიანი შოკოლადი, ორცხობილა, ტორტები და ნამცხვრები. ეს პროდუქტები სისხლში მაღლა სწევს სეროტონინის (ბედნიერების ჰორმონი) დონეს, რის შედეგადაც ცუდი ხასიათისგან კვალიც არ რჩება.

    სიაში მესამე ადგილზეა – ხიზილალა. მაგიდასთან მიტანილი წითელი ან შავი
    ხიზილალა დადებით ემოციებს იწვევს, რადგან ის სიმდიდრესა და კეთილდღეობასთან ასოცირდება.

    იტალიელი მეცნიერი ლუკა პასამონტი ამტკიცებს, რომ "ბედნიერების დიეტაში", ხიზილალისა და შოკოლადის გარდა, შედის რძე, ყველი, ქათმის, ღორის, ძროხის ხორცი და თხილი. ყველა ეს პროდუქტი შეიცავს ამინომჟავა ტრიპტოფანს.

    საკმარისია, დღეში ამ პროდუქტების 350 გრამი მიირთვათ, რომ პოზიტიური განწყობა გარანტირებული გექნებათ. თუმცა არ გირჩევთ მათ ბოროტად გამოყენებას, რადგან "ბედნიერების დიეტით" თუ ძალიან გაერთობით, შესაძლოა, თქვენმა სხეულმა ფორმა დაკარგოს.
    827 ნახვა
    17-01-2017, 00:50
    GOGATV