ცრურწმენები სარკეზე

სარკეებს ოდითგანვე მიაკუთვნებდნენ მაგიურ თვისებებს. ჩვენს დღემდე ზოგიერთი ცრურწმენა შემოინახა. ძველ შეხედულებებს რომ დავუჯეროთ, სარკეებთან არასწორმა მოპყრობამ შესაძლოა გამოიწვიოს უბედურება და ავადმყოფობები.

ყველაზე გავრცელებულია გატეხილი სარკის ცრურწმენა. თუ ვინმეს სარკე გაუტყდა, ეს ცუდის ნიშანია. ითვლებოდა, რომ გატეხილ სარკეს მოსდევს უბედურების შვიდი წელი. მაგრამ ამისგან თავის დაღწევაც შეიძლება. არავითარ შემთხვევაში არ შეიძლება ნამსხვრევებში ჩახედვა ან მათი აღება ხელში. ნამსხვრევები უნდა გადავაგდოთ წყალში,
რომელიც მიედინება (მდინარეში ან ნაკადულში) და ამ შემთხვევაში უბედურებას გვერდს ავუვლით.

არ შეიძლება სარკის მოპირდაპირედ ძილი. ხალხური რწმენის თანახმად არ შეიძლება სარკე დავკიდოთ საწოლის პირდაპირ. ამან შეიძლება ღალატი გამოიწვიოს,
თუ საძინებელში ცოლ-ქმარს სძინავს. არსებობს კიდევ ერთი მიზეზი, რის გამოც არ შეიძლება სარკესთან ახლოს ძილი. ითვლება, რომ ადამიანი, რომელიც ირეკლება სარკეში ძილის დროს, ვერ მოახერხებს გამოძინებას და დასვენებას.
რაც შეეხება სარკის განთავსებას შემოსასვლელი კარის პირდაპირ, ერთნი ამტკიცებენ, რომ ამის გაკეთება არ შეიძლება, რადგან ეს წინ აღუდგება სახლში ფულის
შემოსვლას. სხვები ამბობენ, რომ სარკე, რომელიც განთავსებულია შემოსასვლელი კარის პირდაპირ, იცავს სახლს დაუპატიჟებელი სტუმრებისა და ნეგატიური ენერგიისგან, რომელიც მოყვება სახლში შემოსულ ხალხს.

არ შეიძლება სარკის ჩუქება. უძველესი დროიდანვე ითვლება, რომ ნაჩუქარი სარკე აფუჭებს ურთიერთობას მჩუქებელსა და საჩუქრის მიმღებს შორის. ხოლო სახლში დაკიდებულმა ნაჩუქარმა სარკემ შესაძლოა გამოიწვიოს უთანხმოება ოჯახის წევრებს
შორის.

არ შეიძლება სარკეში დიდხანს ყურება. ამ ცრურწმენის თანახმად, სარკეში დიდხანს ყურება იწვევს ნაადრევ დაბერებას და ავადმყოფობებს. ჩვენს წინაპრებს სწამდათ, რომ სარკეს შეუძლია ძალისა და სილამაზის წართმევა.

სარკე სახლში ყოველთვის სუფთა უნდა იყოს. თუ სახლში სარკე სწრაფად მტვრიანდება, ეს ცუდის ნიშანია. ითვლება, რომ სარკე ასახავს სახლის ენერგეტიკას. თუ იგი ჭუჭყიანია, ეს იმას ნიშნავს, რომ სახლში რაღაც წესრიგში არ არის.