"ადელი იმარჯვებს, მაგრამ აღიარებს, რომ ბიონსე იმსახურებდა გრემის ჯილდოს საუკეთესო ალბომისთვის"

ადელს სჯერა, რომ გრემი უნდა ეკუთვნოდეს "დედოფალ ბიონსეს". მას შემდეგ, რაც მომღერალმა დაიმსახურა ჯილდო წლის საუკეთესო ალბომისთვის, "25", მან თავის სამადლობელ ტექსტში განაცხადა, რომ ბიონსე არის ერთადერთი, რომელიც ნამდვილად იმსახურებდა ამ ჯილდოს.

"მე ძალიან მადლობელი ვარ ამ ჯილდოსათვის, მაგრამ ჩემი ცხოვრების მთავარი ხელოვანი არის ბიონსე"-განუცხადა შეკრებილ საზოგადოებას ადელმა, რომელიც ცრემლებს ვერ იკავებდა. "და მისი ალბომი, 'Lemonade', ისეთი კარგად აწყობილი და მშვენიერია, საუკეთესო".

მან არაერთგზის გამოხატა თავისი სიყვარული ბიონსეს მიმართ კულისებშიც და თქვა, რომ გამარჯვებისთვის ხმა მისცა სიმღერას "Sorry".

"ჩემთვის, წლის ალბომი იყო 'Lemonade', -განუცხადა მან რეპორტიორებს.-"ასე, რომ შინაგანად, თითქოს სულის ნაწილი დავკარგე, როგორც ბიონსეს ფანმა. არ გატყუებთ. მთელი გულით ვგულშემატკივრობდი მას".

ადელის ალბომი, "25", 2015 და 2016 წლების საუკეთესოდ გაყიდვადი ალბომი იყო. მან ასევე მიიღო ჯილდო საუკეთესო სიმღერისა და ჩანაწერისათვის, მისი ჰიტისთვის- "Hello." ასე, რომ მან მოახერხა ერთდროულად მიეღო ჯილდოები საუკეთესო ალბომის, ჩანაწერისა და სიმღერისათვის უკვე მეორედ, 2012 წლის შემდეგ.

ბიონსემ, რომელიც გრემის 9 ნომინაციაში იყო წარდგენილი, მიიღო მხოლოდ 2: საუკეთესო მუსიკალური ვიდეოსთვის, "Formation" და საუკეთესო თანამედროვე ალბომისთვის, "Lemonade".
წყარო: intermedia.ge