• ცნობილი ადამიანები, რომლებიც სიკვდილს სასწაულებრივად გადაურჩნენ

    წარმოგიდგენთ ცნობილ ადამიანებს, რომლებიც უბედური შემთხვევების შედეგად სიკვდილს სასწაულებრივად გადაურჩნენ.

    არნოლდ შვარცნეგერი

    არნოლდ შვარცნეგერი 2001 წელს მოტოციკლით ავარიაში მოყვა, რის შედეგადაც რამდენიმე დღე საავადმყოფოში მოუწია გატარება. მოტოციკლით მოძრაობისას წინ მოულოდნელად მანქანა გაუჩერდა, რამაც გამოიწვია მკერდით მოტოციკლის საჭეზე შესკდომა. რკინის არნიმ ექვსი ნეკნი მოიტეხა.

    სტივი უანდერი

    1973 წლის 6 აგვისტოს სტივი უანდერი ავტოავარიაში მოყვა, მისი მანქანა სატვირთო მანქანას დაეჯახა. შეჯახების შედეგად უანდერი კომაში ჩავარდა და ოთხი დღე უგონოდ იყო, გამოფხიზლების შემდეგ დროებით სურნელის აღქმა დაკარგა.

    შერონ სტოუნი

    2001 წლის სექტემბერს შერონ სტოუნი თავის ტკივილით მივიდა ექიმთან. მალევე ის საავადმყოფოში დააწვინეს, რადგან ტვინში სისხლის ჩაქცევა განუვითარდა. სტოუნი ცხრა დღე იყო კომაში, ექიმები კი ვერ ხვდებოდნენ, რა ჭირდა მას. შემდეგ მსახიობს 7-საათიანი ოპერაცია ჩაუტარდა, ექიმებმა დაზიანებული არტერია 22 პლატინის ძაფით აღადგინეს, რომ სისხლდენა შეჩერებულიყო.

    ჯორჯ ლუკასი

    ”ვარსკვლავური ომების” შემქმნელი ჯორჯ ლუკასი თინეიჯერობის ასაკში სიკვდილს ძლივს გადაურჩა. კოლეჯში სწავლის პერიოდში ლუკასი ავტოკატასტროფაში მოხვდა. იმდენად მძიმე დაზიანებები მიიღო, რომ საავადმყოფოში სამი კვირა იწვა.

    ორლანდო ბლუმი

    1998 წელს ორლანდო ბლუმი მეგობრის სახლის სახურავიდან გადმოვარდა. მსახიობი ცდილობდა სახურავზე რაღაც შეეკეთებინა, როდესაც წონასწორობა ვერ შეინარჩუნა. ბლუმი სამი სართულის სიმაღლიდან ჩამოვარდა, რამდენიმე ზურგის მალა მოიტეხა და ოთხი დღე პარალიზებული იყო. საბედნიეროდ, მალე გამოჯანმრთელდა და საავადმყოფო ყავარჯნებით დატოვა.
    წყარო: ambebi.ge
    1 041 ნახვა
    GOGATV