ბერმა ანჯელინა ჯოლის და ბრედ პიტს დაშორებამდე ”ურთიერთობის განსამტკიცებლად” ტატუები გაუკეთა

ინტერნეტში გავრცელდა დღემდე უცნობი ფოტოები, რომელზეც ყოფილი ბუდისტი ბერი და ამჟამად ტატუს სპეციალისტი ანჯელინა ჯოლის ზურგზე სვირინგს უკეთებს. მისტიკური მელნის ნახატი ქირურგიული ნემსით სრულდება და ჩვეულებრივ ტატუზე გაცილებით მტკივნეულია. სამი იაკ იანის ტატუ ჯოლის ზურგს უმშვენებს, მის ყოფილ მეუღლეს, ბრედ პიტს კი მუცელზე ბუდისტური სიმბოლო აქვს გამოსახული. ფოტოები გასული წლის თებერვალსაა გადაღებული. წყვილმა ტატუები იმისთვის გაიკეთა, რომ ”სიმბოლურად გაემყარებინა ცოლ-ქმრული კავშირი”, თუმცა მცდელობამ არ გაჭრა და ისინი რამდენიმე თვის შემდეგ, სექტემბერში ერთმანეთს დაშორდნენ.