ჩემთვის ფული კეთილდღეობასთან და ოცნებების ასრულებასთან ასოცირდება
როგორი აქსესუარები უნდა ჰქონდეს ქალს
"შოპინგის დროს სურვილების გაკონტროლება მიჭირს"
"ვარ შრომისმოყვარე, ოპტიმისტი. მსურს გავხდე დიპლომატი და მთელ მსოფლიოში ადამიანებს ურთიერთობის მოგვარებაში დავეხმარო", - ამბობს "მის საქართველო 2016", ვიქტორია კოჩეროვა, რომელიც თავს მატერიალურად დამოუკიდებელ ადამიანად მიიჩნევს და წუხს, რომ ფულის ყაირათიანი ხარჯვა არ შეუძლია.
- ჩემთვის ფული კეთილდღეობასთან და ოცნებების ასრულებასთან ასოცირდება. რა თქმა უნდა, ფული ყველაფერი არ არის და კეთილდღეობაც მარტო სიმდიდრეში ცხოვრებას არ ნიშნავს. ფულს მოაქვს კომფორტი, მაგრამ ეს ის არ არის, რაც მოგვიტანს ბედნიერებას.
- რა ასაკიდან გახდი მატერიალურად დამოუკიდებელი?
- 18 წლიდან, როდესაც სამოდელო სააგენტოში მივედი და მოდელობა დავიწყე. სასიამოვნოა საკუთარი შრომით მოპოვებული ფულის გემო. ვთვლი, რომ საკუთარი ფული და ფინანსური სტაბილურობა ადამიანს თავდაჯერებულობას მატებს.
- ფულის ეკონომიურად ხარჯვა თუ შეგიძლია?
- ჯერჯერობით, არ გამომდის. ძალიან მიყვარს შოპინგი. ეს ჩემი სუსტი წერტილია და შემიძლია, მთელი ხელფასი სავაჭრო ცენტრში დავტოვო. შოპინგის დროს სურვილების გაკონტროლება მიჭირს და შესაბამისად, ფულსაც ვეღარ ვაკონტროლებ.
- ბავშვობაში ყულაბა თუ გქონდა?
- დიახ, ბავშვობაში ყულაბა მქონდა, მაგრამ დიდი თანხა არასდროს შემიგროვებია. მის ავსებაში ოჯახის წევრები მეხმარებოდნენ. მახსოვს, ყულაბაში მე და ჩემს ტყუპისცალს თანაბარი რაოდენობის ფულს გვიყრიდნენ, რომ არ გვეჩხუბა. მერე ამ ფულით სათამაშოებსა და ტკბილეულს ვყიდულობდით. ყულაბის გატეხის პროცესი ძალიან მომწონდა.
- გქონია ფინანსური კრიზისი? ასეთ დროს დახმარებას ვის სთხოვ ხოლმე?
- როგორც უკვე ვთქვი, ძალიან მიყვარს შოპინგი, რაც ჩემი საფულის "დაუნდობელი მტერია" (იცინის). მატერიალური კრიზისის დროს ძირითადად, დედა მეხმარება.
- გარდა შოპინგისა, დიდი სიამოვნებით ფულს კიდევ რაში ხარჯავ?
- მეგობრებთან ერთად გართობაში, რესტორნებში და ა.შ. იმაში, რაც სიამოვნებას მანიჭებს და მახალისებს, ფულის დახარჯვა არ მენანება.
- ფულის სესხება ან გასესხება თუ დაგჭირვებია?
- არა, არ მიყვარს ფულის სესხება. მგონია, რომ ეს ორი ადამიანის ურთიერთობაზე გარკვეულ გავლენას ახდენს. გასესხებაც არ მიყვარს. თუ მაქვს იმის საშუალება, რომ მეგობარს დახმარების ხელი გავუწოდო, ფულს უბრალოდ, ვაჩუქებ.
- ყველაზე დიდი თანხა, რაც გამოგიმუშავებია, რამდენი იყო?
- თანხის რაოდენობას არ დავასახელებ, მაგრამ გეტყვით, რომ საკმაოდ დიდი ჰონორარიც მიმიღია... მახსოვს, მაშინ იმ თანხით ოჯახის წევრებს კარგი საჩუქრები გავუკეთე. ყველაზე დიდ ბედნიერებს, საყვარელი ადამიანების გახარება მანიჭებს. ისეთი ნივთების ან სამოსის ჩუქება მიყვარს, რაც ზუსტად ვიცი, რომ იმ კონკრეტულ მომენტში სჭირდება.
- მათზე, ვისაც ფულის შეგროვება შეუძლია, რა აზრის ხარ?
- მშურს იმ ადამიანების, რომლებსაც ეს თვისება აქვთ. ფულის შეგროვება მიყვარს, მაგრამ არ შემიძლია. ხელფასს ვიდრე ბოლო თეთრამდე არ დავხარჯავ, ვერ ვისვენებ.
- გაიხსენე ყველაზე ძვირად ღირებული საჩუქარი, რომელიც მოგართვეს...
- ხშირად ყოფილა ასეთი შემთხვევა, მაგრამ ჩემთვის ძვირფასი საჩუქარი არ ნიშნავს ძვირად ღირებულს. თუ ის ნივთი ორიგინალურია, ჩემთვის არის შექმნილი და გულით არის ნაჩუქარი, ეს ძალიან მაბედნიერებს.
- როგორ ფიქრობ, ბევრს შრომობ იმისთვის, რომ საკმარისი თანხა გამოიმუშაო?
- ამ კონკრეტულ მომენტში იმდენს არ ვშრომობ, რამდენიც შემიძლია, რადგან ჩემი ყურადღება სწავლაზეა გადართული. მინდა, ხარისხიანი განათლება მივიღო, რათა შემდეგ უფრო ეფექტურად გამოვიმუშაო ფული.
- საფულე რამდენად მნიშვნელოვანი აქსესუარია შენთვის?
- საფულე განსაკუთრებულად მნიშვნელოვანი აქსესუარი არ არის, მაგრამ რა თქმა უნდა, ქალს ყველა აქსესუარი და მათ შორის საფულეც დახვეწილი, გემოვნებით შერჩეული უნდა ჰქონდეს. უამრავი ლამაზი და ორიგინალური საფულე მაქვს.
- საფულეში ფულს ხშირად აკონტროლებ?
- ფულს არასდროს ვაკონტროლებ. არ ვიცი, რა თანხა მედო და რაში დავხარჯე... მოკლედ, ვინმემ კუპიურა რომ ამომაცალოს, შეიძლება ვერც მივხვდე.
- კოსმეტიკის შესაძენად ბევრ ფულს ხარჯავ?
- ჩემთვის საკმაოდ მნიშვნელოვანია ხარისხიანი კოსმეტიკის გამოყენება, ხარისხი კი ფასთან ასოცირდება... ზოგჯერ შეიძლება, 5-ლარიანი ტუჩის ფანქარი უფრო მომეწონოს, ვიდრე 200-ლარიანი, რასაც სხვა დანარჩენზე ვერ ვიტყვი... ტონალური, ტუში, პუდრა - ძვირად ღირებული უნდა იყოს. ყოველდღიურად მსუბუქ მაკიაჟს ვიკეთებ.
- რომელია შენი საყვარელი სუნამო?
- ამას არ გავამხელ. ვთვლი, რომ ქალის გახსენებისას, ერთი კონკრეტული სურნელი უნდა გახსენდებოდეს... თუ იმ სუნამოს სახელს ვიტყვი, რომელსაც თავად ვიყენებ, გამოვა, რომ მე ვასოცირდები იმ სურნელთან და არა - ის სურნელი ჩემთან.
- როგორ ფიქრობ, ბევრი ფულით წარმატების მიღწევა უფრო ადვილია?
- რა თქმა უნდა! ხომ იცით, ნათქვამია, ფული ჯოჯოხეთს ანათებსო. თანხის გადახდის შემთხვევაში, კარიერული წინსვლა ძალიან მარტივია. გადაიხდი ფულს ანდა "ბოსს" აჩუქებ ძვირფას საჩუქარს და სადაც გინდა, იქ დაგსვამს... თუმცა, ვფიქრობ, ადამიანმა ცხოვრებაში ყველაფერს ღირსეულად უნდა მიაღწიოს.
- საბანკო მომსახურებით თუ სარგებლობ?
- საბანკო მომსახურებით აქტიურად ვსარგებლობ. ვფიქრობ, XXI საუკუნეში ამის გარეშე ცხოვრება წარმოუდგენელია.
წყარო: ambebi.ge
"შოპინგის დროს სურვილების გაკონტროლება მიჭირს"
"ვარ შრომისმოყვარე, ოპტიმისტი. მსურს გავხდე დიპლომატი და მთელ მსოფლიოში ადამიანებს ურთიერთობის მოგვარებაში დავეხმარო", - ამბობს "მის საქართველო 2016", ვიქტორია კოჩეროვა, რომელიც თავს მატერიალურად დამოუკიდებელ ადამიანად მიიჩნევს და წუხს, რომ ფულის ყაირათიანი ხარჯვა არ შეუძლია.
- ჩემთვის ფული კეთილდღეობასთან და ოცნებების ასრულებასთან ასოცირდება. რა თქმა უნდა, ფული ყველაფერი არ არის და კეთილდღეობაც მარტო სიმდიდრეში ცხოვრებას არ ნიშნავს. ფულს მოაქვს კომფორტი, მაგრამ ეს ის არ არის, რაც მოგვიტანს ბედნიერებას.
- რა ასაკიდან გახდი მატერიალურად დამოუკიდებელი?
- 18 წლიდან, როდესაც სამოდელო სააგენტოში მივედი და მოდელობა დავიწყე. სასიამოვნოა საკუთარი შრომით მოპოვებული ფულის გემო. ვთვლი, რომ საკუთარი ფული და ფინანსური სტაბილურობა ადამიანს თავდაჯერებულობას მატებს.
- ფულის ეკონომიურად ხარჯვა თუ შეგიძლია?
- ჯერჯერობით, არ გამომდის. ძალიან მიყვარს შოპინგი. ეს ჩემი სუსტი წერტილია და შემიძლია, მთელი ხელფასი სავაჭრო ცენტრში დავტოვო. შოპინგის დროს სურვილების გაკონტროლება მიჭირს და შესაბამისად, ფულსაც ვეღარ ვაკონტროლებ.
- ბავშვობაში ყულაბა თუ გქონდა?
- დიახ, ბავშვობაში ყულაბა მქონდა, მაგრამ დიდი თანხა არასდროს შემიგროვებია. მის ავსებაში ოჯახის წევრები მეხმარებოდნენ. მახსოვს, ყულაბაში მე და ჩემს ტყუპისცალს თანაბარი რაოდენობის ფულს გვიყრიდნენ, რომ არ გვეჩხუბა. მერე ამ ფულით სათამაშოებსა და ტკბილეულს ვყიდულობდით. ყულაბის გატეხის პროცესი ძალიან მომწონდა.
- გქონია ფინანსური კრიზისი? ასეთ დროს დახმარებას ვის სთხოვ ხოლმე?
- როგორც უკვე ვთქვი, ძალიან მიყვარს შოპინგი, რაც ჩემი საფულის "დაუნდობელი მტერია" (იცინის). მატერიალური კრიზისის დროს ძირითადად, დედა მეხმარება.
- გარდა შოპინგისა, დიდი სიამოვნებით ფულს კიდევ რაში ხარჯავ?
- მეგობრებთან ერთად გართობაში, რესტორნებში და ა.შ. იმაში, რაც სიამოვნებას მანიჭებს და მახალისებს, ფულის დახარჯვა არ მენანება.
- ფულის სესხება ან გასესხება თუ დაგჭირვებია?
- არა, არ მიყვარს ფულის სესხება. მგონია, რომ ეს ორი ადამიანის ურთიერთობაზე გარკვეულ გავლენას ახდენს. გასესხებაც არ მიყვარს. თუ მაქვს იმის საშუალება, რომ მეგობარს დახმარების ხელი გავუწოდო, ფულს უბრალოდ, ვაჩუქებ.
- ყველაზე დიდი თანხა, რაც გამოგიმუშავებია, რამდენი იყო?
- თანხის რაოდენობას არ დავასახელებ, მაგრამ გეტყვით, რომ საკმაოდ დიდი ჰონორარიც მიმიღია... მახსოვს, მაშინ იმ თანხით ოჯახის წევრებს კარგი საჩუქრები გავუკეთე. ყველაზე დიდ ბედნიერებს, საყვარელი ადამიანების გახარება მანიჭებს. ისეთი ნივთების ან სამოსის ჩუქება მიყვარს, რაც ზუსტად ვიცი, რომ იმ კონკრეტულ მომენტში სჭირდება.
- მათზე, ვისაც ფულის შეგროვება შეუძლია, რა აზრის ხარ?
- მშურს იმ ადამიანების, რომლებსაც ეს თვისება აქვთ. ფულის შეგროვება მიყვარს, მაგრამ არ შემიძლია. ხელფასს ვიდრე ბოლო თეთრამდე არ დავხარჯავ, ვერ ვისვენებ.
- გაიხსენე ყველაზე ძვირად ღირებული საჩუქარი, რომელიც მოგართვეს...
- ხშირად ყოფილა ასეთი შემთხვევა, მაგრამ ჩემთვის ძვირფასი საჩუქარი არ ნიშნავს ძვირად ღირებულს. თუ ის ნივთი ორიგინალურია, ჩემთვის არის შექმნილი და გულით არის ნაჩუქარი, ეს ძალიან მაბედნიერებს.
- როგორ ფიქრობ, ბევრს შრომობ იმისთვის, რომ საკმარისი თანხა გამოიმუშაო?
- ამ კონკრეტულ მომენტში იმდენს არ ვშრომობ, რამდენიც შემიძლია, რადგან ჩემი ყურადღება სწავლაზეა გადართული. მინდა, ხარისხიანი განათლება მივიღო, რათა შემდეგ უფრო ეფექტურად გამოვიმუშაო ფული.
- საფულე რამდენად მნიშვნელოვანი აქსესუარია შენთვის?
- საფულე განსაკუთრებულად მნიშვნელოვანი აქსესუარი არ არის, მაგრამ რა თქმა უნდა, ქალს ყველა აქსესუარი და მათ შორის საფულეც დახვეწილი, გემოვნებით შერჩეული უნდა ჰქონდეს. უამრავი ლამაზი და ორიგინალური საფულე მაქვს.
- საფულეში ფულს ხშირად აკონტროლებ?
- ფულს არასდროს ვაკონტროლებ. არ ვიცი, რა თანხა მედო და რაში დავხარჯე... მოკლედ, ვინმემ კუპიურა რომ ამომაცალოს, შეიძლება ვერც მივხვდე.
- კოსმეტიკის შესაძენად ბევრ ფულს ხარჯავ?
- ჩემთვის საკმაოდ მნიშვნელოვანია ხარისხიანი კოსმეტიკის გამოყენება, ხარისხი კი ფასთან ასოცირდება... ზოგჯერ შეიძლება, 5-ლარიანი ტუჩის ფანქარი უფრო მომეწონოს, ვიდრე 200-ლარიანი, რასაც სხვა დანარჩენზე ვერ ვიტყვი... ტონალური, ტუში, პუდრა - ძვირად ღირებული უნდა იყოს. ყოველდღიურად მსუბუქ მაკიაჟს ვიკეთებ.
- რომელია შენი საყვარელი სუნამო?
- ამას არ გავამხელ. ვთვლი, რომ ქალის გახსენებისას, ერთი კონკრეტული სურნელი უნდა გახსენდებოდეს... თუ იმ სუნამოს სახელს ვიტყვი, რომელსაც თავად ვიყენებ, გამოვა, რომ მე ვასოცირდები იმ სურნელთან და არა - ის სურნელი ჩემთან.
- როგორ ფიქრობ, ბევრი ფულით წარმატების მიღწევა უფრო ადვილია?
- რა თქმა უნდა! ხომ იცით, ნათქვამია, ფული ჯოჯოხეთს ანათებსო. თანხის გადახდის შემთხვევაში, კარიერული წინსვლა ძალიან მარტივია. გადაიხდი ფულს ანდა "ბოსს" აჩუქებ ძვირფას საჩუქარს და სადაც გინდა, იქ დაგსვამს... თუმცა, ვფიქრობ, ადამიანმა ცხოვრებაში ყველაფერს ღირსეულად უნდა მიაღწიოს.
- საბანკო მომსახურებით თუ სარგებლობ?
- საბანკო მომსახურებით აქტიურად ვსარგებლობ. ვფიქრობ, XXI საუკუნეში ამის გარეშე ცხოვრება წარმოუდგენელია.
წყარო: ambebi.ge
1 298 ნახვა
10-04-2017, 23:56
