X
  • თანამედროვე ელექტრონული მუსიკის ინტელექტუალური ძალა - Richie Hawtin

    “თანამედროვე ელექტრონული მუსიკის ინტელექტუალური ძალა” - ასე უწოდა THE NEW YORK TIMES-მა ჰოტინს. მუსიკოსმა 2015 წელს ჰადერსფილდის უნივესიტეტის საპატიო დოქტორის წოდება მიიღო მუსიკალური ტექნოლოგიის განვითარებაში შეტანილი წვლილისთვის.
    მის მუსიკაზე ყველაზე დიდი გავლენა დეტროიტ ტექნომ და ისეთმა კოლექტივმა მოახდინა, როგორიცაა KRAFTWERK. ერთი სიტყვით თუ დავახასიათებთ, შეიძლება მას გენიოსიც ვუწოდოთ, მისი მუსიკა არაერთი ცნობილი მუსიკოსის შემოქმედების მთავარი ხაზი გამხდარა, მის მიერ შექმნილი მუსიკა დროს უძლებს. წარმოშობით ბრიტანელი არტისტი მუსიკით ბავშვობაში დაინტერესდა, მას მერე, რაც კანადაში ოჯახთან ერთად გადასახლდა - მამის გავლენით გაეცნო ელექტრონულ მუსიკას. მის ცხოვრებაში უდიდეს როლს თამაშობს მისი ძმა, რომელიც გრაფიკული დიზაინერია და მასთან ერთად არაერთი პროექტი შეუქმნია.

    11 მაისს მულტიფუნქციური დარბაზი SPACEHALL RICHIE HAWTINa.k.a PLASTIKMAN-ს უმასპინძლებს.

    4 წლის განმავლობაში იბიცაზე მისი ინიციატივით არსებობდა ისეთი ცნობილი სივრცე, როგორიცაა ENTER. მოგვიანებით მისი კონცეფცია შოუდ გარდაიქმნა და მსოფლიოს არაერთი მეგაპოლისი მოიარა. მან მოახერხა ის, რომ მისი სახელი მხოლოდ კლუბის კედლებში არ დარჩენილიყო და შეძლო მისი მუსიკა ხელოვნების სხვა ჟანრებთან დაეკავშირებინა. 2006 წელს ჰოტინმა ზამთრის ოლიმპიადის გახსნის ცერემონიალისათვის ტურინში იტალიელ ქორეოგრაფთან ENZO COSIMI-სთან ერთად მუსიკა მონო პერფორმანსისთვის შექმნა. 2011 წელს SIR ANISH KAPOOR-თან ერთად პარიზის საგამოფენო კომპლექსი GRAND PALAIS გრანდიოზულ ინსტალაციად აქცია.

    DIOR-ის ყოფილი კრეატიული დირექტორის, რაფ სიმონსის თხოვნით, ნიუ-იორკის სახელგანთქმულ მუზეუმში, GUGGENHEIM სპეციალური პერფორმანსი გამართა.

    „რომ არა RICHIE HAWTIN, დღეს ელექტრონული მუსიკა არ იქნებოდა იმ დონეზე რა დონეზეც ის ახლაა. რომ არ ყოფილიყო მისი პროექტი PLASTIKMAN, ძალიან ბევრ მუსიკოსს მოაკლდებოდა შთაგონების წყარო. დღეს ძალიან რთულია იპოვო არტისტი, რომელმაც არ იცის საქართველო, ძალიან ბევრმა ადამიანმა ძალიან ბევრი წლის განმავლობაში იწვალა იმისთვის, რომ ეს ქვეყანა ამ კუთხითაც გამხდარიყო პოპულარული. აქედან გამომდინარე მასთან მოლაპარაკების დროს არანაირი სირთულე არ შეგვქმნია, იყო დღეზე შეთანხმება, ტექნიკურ მხარდაჭერაზე და 11 მაისს ის ჩვენთან დაუკრავს. 40 ლარიანი კალათის ამოწურვის შემდეგ ბილეთის ყიდვას 50 ლარად შეძლებთ, კარზე კი 60 ლარად გაიყიდება“, - ამბობს ხატია გელოვანი, პროექტ „მუზამესა“ და SPACEHALL-ის მედიაკოორდინატორი.
    წყარო: ambebi.ge
    858 ნახვა
    GOGATV