• დოკუმენტური ფილმების საერთაშორისო ფესტივალი CINÉDOC-TBILISI 11 მაისს გაიხსნა

    დღეს, 11 მაისს სტარტს აიღებს დოკუმენტური ფილმების საერთაშორისო ფესტივალი CinéDOC-Tbilisi. ეროვნული კინოცენტრი ტრადიციულად ფესტივალის მხარდამჭერია.

    CinéDOC-Tbilisi წელს გერმანელი რეჟისორის, კაროლინ გენრეიტის ფილმი „ბედნიერი" გახსნის. ფილმი 60 წლის მამაკაცზე მოგვითხრობს, რომელიც თავისი წილი ბედნიერების საპოვნელად შორეულ ტაილანდში გაემგზავრება და საბოლოოდ იპოვის კიდეც მას. გახსნის ცერემონიალს რეჟისორი და მისი მამა (ფილმის მთავარი გმირი) დაესწრებიან.

    CinéDOC-Tbilisi 5 წლის ხდება. გასულ წლებთან შედარებით, მაყურებელს გაცილებით უფრო მრავალფეროვანი და მასშტაბური ღონისძიება ელის. წელს მაყურებელს საშუალება ექნება ნახოს 67 დოკუმენტური ფილმი მსოფლიოს 30 ქვეყნიდან.

    ფილმები ხუთი ძირითადი თემატიკის მიხედვითაა დაყოფილი, რომელთაც წელს ფესტივალი განსაკუთრებულ ყურადღებას უთმობს. ესენია: სოლიდარობა, უსაფრთხოება, ვნება, ფანტაზია და რწმენა.

    მაყურებელს შესაძლებლობა ექნება ნახოს ექვსი ერთმანეთისგან განსხვავებული და ძალიან საინტერესო ქართული ფილმი, მათ შორის, ლევან კოღუაშვილის ნამუშევარი „გოგიტას ცხოვრება", რომლის პრემიერაც საქართველოში სწორედ კინოფესტივალზე CinéDOC-Tbilisi შედგება. ფესტივალი კიდევ ერთი ქართული ფილმის პრემიერას უმასპინძლებს. ქართველი მაყურებელი შორენა თევზაძის ფილმს „დიდუბე ბოლო გაჩერება" პირველად იხილავს.

    CinéDOC Tbilisi -ის მეხუთე გამოშვების სტუმარი ქვეყანაა ლიტვა. სპეციალურად ამ ფესტივალისთვის საქართველოს ლიტვის დელეგაცია ეწვევა. დელეგაციის წევრებს შორის იქნება ლიტვის კინოცენტრის დირექტორი როლანდას კვიეტკაუსკაში.

    წელს ფესტივალი სხვადასხვა ქვეყნიდან სულ 50 სტუმარს ელოდება.
    წყარო: ambebi.ge

    CinéDOC Tbilisi 16 მაისს დაჯილდოვების საზეიმო ცერემონიალით დაიხურებაფესტივალის დასრულების შემდეგ კი დაიწყება რეგიონალური ტურები, რომლის ფარგლებშიც სხვადასხვა ინდუსტრიულ ცენტრებში და ქალაქებში გაიმართება კინოჩვენებები და დისკუსიები.
    1 059 ნახვა
    11-05-2017, 23:56
    GOGATV