• ვის მიიჩნევს კონკურენტად სანდრო კურცხალიძე და ვინ არის მისი მთავარი გულშემატკივარი - გაიცანით "X ფაქტორის" კონკურსანტი

    სანდრო კურცხალიძე მაყურებელმა "X ფაქტორით" გაიცნო. ბათუმელმა თინეიჯერმა ყველა ტური წარმატებით გადალახა და ახლა გამარჯვებისთვის ბრძოლას ლაივ-კონცერტებზე განაგრძობს. Ambebi.ge სანდროს უფრო ახლოს გაგაცნობთ.

    - სანდრო თქვენს შესახებ, გვიამბეთ...
    - ბათუმში დავიბადე და გავიზარდე. სკოლა გუშინ დავამთავრე და ახლა გამოცდებისთვის ვემზადები. ბავშვობიდან ვმღერი, სიმღერის ნიჭი მშობლებისგან გამომყვა, დედაც და მამაც კარგად მღერის. თავდაპირველად ხალხურ ანსამბლში ვმღეროდი, შემდეგ ჩემი ბენდი ჩამოვაყალიბე. "X ფაქტორში" შემთხვევით მოვხვდი, ჩემს მეგობარს გავყევი პრე-კასტინგზე და იქვე გადავწყვიტე მეც ბედი მეცადა, გამიმართლა და ყველა ტური წარმატებით გადავლახე.

    - ელოდი ასეთ წარმატებას?
    - თავიდან უფრო ნაკლებად ვიყავი საკუთარ შესაძლებლობებში დარწმუნებული, მაგრამ ორი სკამის ტურიც რომ გადავლახე, ვხვდები გამარჯვების შანსიც მაქვს. ყველაფერს გავაკეთებ ამისთვის.



    - როგორი მენტორია სოფო ნიჟარაძე?

    სოფო არაჩვეულებრივი მენტორია, რეპეტიციების დროს ჩვენთან ერთად მუშაობს და ცდილობს ის სიმღერები მოგვარგოს, რომელიც მოგვწონს და უკეთესად წარმოაჩენს ჩვენს შესაძლებლობებს. ძალიან ძლიერი კონკურენტები მყავდა, განსაკუთრებულად დამწყდა გული პროექტიდან მორის მელაძისა და გიროგი გასვიანის გაშვების გამო, მაგრამ რას ვიზამთ ასეთია "X ფაქტორის" წესები.


    - ვის მიიჩნევ შენს კონკურენტად?
    - გრიგოლ ყიფშიძეს და მერაბ ამზოევს. თუმცა აქვე ავღნიშნავ ყველა ძლიერი კონკურსანტია.

    - ვინ არის თქვენი მთავარი გულშემატკივარი?
    - ჩემი მთავარი გულშემატკივარი არის მამა. ის მეზღვაურია, თავიდან არ უნდოდა პროექტში მიმეღო მონაწილეობა, მაგრამ როცა ჩემი გამოსვლა ნახა ძალიან მოეწონა. რეისში იყო, როცა ინტერნეტით შეიტყო ჩემი "X ფაქტორიში" მოხვედრის ამბავი. ჩვენ ძალიან მაგარი ურთიერთობა გვაქვს, მეგობრული და შესაძლოა ერთ-ერთ ლაივ-კონცერტზე საგულშემატკივროდ ფილარმონიაშიც მოვიდეს.

    - სკოლა გუშინ დაამთავრე, ვინ უნდა გამოხვიდე მომავალში?
    - საზღვაო აკადემიაში ვაბარებ. მეზღვაური უნდა გავხდე. "X ფაქტორის" გამო, მასწავლებლები სკაიპით მამეცადინებდნენ, რადგან თბილისში ვიყავი. ჩემი სურვილია მომღერალი ვიყო, სიმღერის გარეშე ცხოვრება არ წარმომიდგენია, მაგრამ მეზღვაური გავხდები.


    წყარო: ambebi.ge
    1 770 ნახვა
    26-05-2017, 00:18
    GOGATV

    abezara