• ცნობილი ქართველების შვილები, რომლებმაც სკოლა წელს დაამთავრეს

    ბოლო ზარი საქართველოს სკოლებში უკვე დაირეკა. სკოლის დამთავრება ყველა ადამიანის ცხოვრების მნიშვნელოვანი ეტაპია და ამ დღისთვის მშობელიც და შვილიც განსაკუთრებულად ემზადება. წელს სკოლა არაერთი ცნობილი ადამიანის შვილმა დაამთავრა. იყვნენ ისეთი ცნობილებიც, რომლებმაც სკოლა წელს დაამთავრეს.

    ქეთო თოფურიძე

    ეკა კახიანის უმცროსმა ქალიშვილმა ქეთო თოფურიძემ სკოლა წელს დაამთავრა. 53-ე სკოლაში ბოლო ზარზე, ქეთოს დედა და და ნინი ბადურაშვილიც ახლდნენ. ქეთო ოჯახის წევრებისგან განსხვავებით, ბიზნესის ფაკულტეტზე აპირებს ჩაბარებას და ახლა გამოცდებისთვის ემზადება.



    ანანო ლევიძე
    53-ე სკოლა დაამთავრა ჟურნალისტ ეკა ხოფერიას ქალიშვილმა ანანო ლევიძემ. ბოლო ზარზე ანანოს სკოლაში დედა და ძმა ახლდნენ. ანანო ლევიძე ცოტა ხნის წინ, სასწავლებლად ინგლისში გაემგზავრა, თუმცა სკოლის დამთავრებას თბილისში კლასელებთან ერთად შეხვდა. ანანო ლევიძემ და მისმა კლასმა სკოლის ეზოში წარმოდგენა გამართეს.

    ნატაშკა კიკაბიძე
    გუშინ დაამთავრა სკოლა ჟურნალისტ ნინო არაზაშვილის ქალიშვილმა ნატაშკა კიკაბიძემ. ნატაშკა სკოლაში საუკეთესო მოსწავლედ ითვლებოდა. ჟურნალისტს ქალიშვილის სკოლის დამთავრების აღსანიშნად, მხატვარმა ზურაბ გომელაურმა საკუთარი ნამუშევარი აჩუქა, სადაც ფერადი და უდარდელი ბავშვობაა ასახული.


    გიორგი ღოთვაძეს ბოლო ზარზე სკოლაში დედაც ახლდა. ლალი მოროშკინა სასწავლებელში წითელ კაბაში გამოწყობილი გამოცხადდა და სკოლის დამთავრება შვილთან ერთად იზეიმა.

    ანა შელია
    ცნობილი ქართველი მოდელის ლიკა კვარაცხელიას და ფეხბურთელ მურთაზ შელიას ქალიშვილმა სკოლა გუშინ დაამთავრა. ანა შელია მეექვსე საავტორო სკოლის მოსწავლე იყო. ანა თავადაც მოდელია, შესაბამისად, ბოლო დროს საფრანგეთში უწევდა ყოფნა, მან "ეტამის" ჩვენებაშიც მიიღო მონაწილეობა. თუმცა ბოლო ზარისთვის საქართველოში ჩამოვიდა და ამ დღისთვის დადგმულ წარმოდგენაშიც მიიღო მონაწილეობა.


     




    სკოლადამთავრებულთა სიაში მოხვდა წელს ასევე სანდრო კურცხალიძე, რომელიც ფართო აუდიტორიამ მუსიკალურ პროექტ "X-ფაქტორიდან" გაიცნო.ის სოფოს გუნდის წევრია. სანდროს სკოლაში ბოლო ზარი გუშინწინ დაირეკა. ახალგაზრდა მომღერალი გამოცდებისთვის ემზადება და სურს, მეზღვაური გახდეს.

     




    გუშინ დაამთავრა სკოლა ასევე ლევან ჯიბღაშვილის მეუღლემ ნინიკო ნაცარაშვილმა. ნინიკო ნაადრევ ასაკში ორჯერ გათხოვდა და შესაბამისად, სკოლის ბოლომდე დამთავრება ვერ მოასწრო. მსახიობის ცოლს სკოლის დამთავრებას სოციალურ ქსელში ულოცავენ.


    წყარო: ambebi.ge
    14 078 ნახვა
    27-05-2017, 00:16
    GOGATV